Diencéfalo

Esquema das principais subdivisións do encéfalo embrionario de vertebrado. No prosencéfalo orixínase o diencéfalo (en rosa).

Reconstrución dos nervios periféricos dun embrión humano de 10,2 mm.

O diencéfalo é a rexión do tubo neural dos vertebrados que dá lugar ás estruturas do prosencéfalo posterior. Durante o desenvolvemento embrionario, o prosencéfalo, que é a vesícula máis anterior do tubo neural, dá orixe ao diencéfalo e telencéfalo. Nos adultos, o diencéfalo está situado no extremo superior do tronco cerebral, entre o cerebro e o tronco cerebral. Está formado por catro compoñentes: tálamo, subtálamo, hipotálamo (onde se localiza a glándula pituitaria) e epitálamo (onde se localiza a glándula pineal).

Organización

• diencéfalo
  • territorio medio diencefálico
    • pretálamo
    • zona limitante intratalámica
    • tálamo
  • hipotálamo
  • epitálamo
  • glándula pineal
  • metatálamo (cos corpos xeniculados externo e interno)

Funcións

O diencéfalo é a rexión do tubo neural dos vertebrados que orixina as estruturas do prosencéfalo posterior, como o tálamo, hipotálamo, porción posterior da glándula pituitaria, e a glándula pineal. O hipotálamo realiza numerosas funcións vitais, a maioría das cales están relacionada directa ou indirectamente coa regulación das actividades viscerais a través doutras rexións encefálicas e do sistema nervioso autónomo. O tálamo é a vía de entrada para todos os estímulos sensoriais excepto o olfactorio; está conectado co córtex cerebral e filtra os estímulos que chegan a ela, e é o centro onde residen as emocións e sentimentos.

Diencéfalo.

Nervios

Ao diencéfalo únese o nervio óptico (par cranial II). O nervio óptico é un nervio sensorial (aferente) responsable da visión; iníciase no ollo e a través do canal óptico do cranio chega ao diencéfalo.

Representación tridimensional

Diencéfalo (en vermello) sobre o tronco cerebral.

Véxase tamén

Outros artigos

• Telencéfalo
• Prosencéfalo

Ligazóns externas

• BrainMaps - diencephalon [1]
• NIF Search - Diencephalon Arquivado 13 de abril de 2020 en Wayback Machine. pola Neuroscience Information Framework