Des Knaben Wunderhorn

Imaxe da primeira edición do poemario

Das Knaben Wunderhorn (O rapaz do corno máxico en tradución literal ó galego) é unha colección de poemas folclóricos recollidos por Achim von Arnim e Clemens Brentano a comezos do século XIX.

Orixe

A obra foi publicada en dúas partes no 1805 e no 1808 na cidade de Heidelberg. Esta recollía cancións populares do sur de Alemaña que nalgúns casos foron modificadas e adaptadas por Arnim e Brentano. Naquela época (guerras napoleónicas, desenvolvemento do liberalismo político e do nacionalismo) as tradicións e expresións populares dos pobos tiñan grande acollida nos eidos culturais europeos. Os tres volumes da obra, adicados ó poeta Goethe, acadaron un grande éxito.

Influencias posteriores

Esta obra tivo un grande impacto no compositor Gustav Mahler. Outros compositores que musicaron algún dos poemas foron Felix Mendelssohn, Robert Schumann, Carl Loewe, Johannes Brahms e Alexander von Zemlinsky.

Véxase tamén

Outros artigos

• Ciclo Wunderhorn por Gustav Mahler

Bibliografía

• Libreto do CD: Des Knaben Wunderhorn. Sarah Conolly, Dietrich Henschel. Orquestre des Champs-Élysées. Harmonia Mundi, s.a.