Daniel Vázquez Campo

Daniel Vázquez Campo
	;
Biografía
Nacemento	20 de febreiro de 1894 ; Chantada, España
Morte	14 de decembro de 1940 (46 anos); Ribadavia, España
Deputado nas Cortes republicanas
	Representa: Federación Republicana Gallega; 22 de setembro de 1931 – 9 de outubro de 1933 ; ← Juan Tizón ; Lexislatura: I lexislatura da Segunda República Española ; Circunscrición electoral: Lugo
Deputado nas Cortes republicanas
	Representa: Federación Republicana Gallega; 17 de xullo de 1931 – 24 de xullo de 1931 – Manuel Portela Valladares ⊟ ; Lexislatura: I lexislatura da Segunda República Española ; Circunscrición electoral: Lugo
Presidente da Deputación de Lugo
	1931 – 1932 ; ← José Benito Pardo Rodríguez – José Sánchez Gacio ⊟
Actividade
Lugar de traballo	Madrid
Ocupación	político
Familia
Fillos	Pilar Vázquez Cuesta
Irmáns	Antonio Vázquez Campo

Daniel Vázquez Campo, nado en Chantada o 20 de febreiro de 1894 e finado en Ribadavia o 14 de decembro de 1940, foi un avogado e político galego.

Traxectoria

Fillo de Daniel Vázquez Bóo. Cursou o bacharelato en Ourense. Licenciado en Dereito pola Universidade de Valladolid (1926). Exerceu como avogado en Chantada. Colaborador do periódico Hidalguía e director de La Voz del Agro. Foi un dos promotores da Asociación Republicana de Chantada o 9 de novembro de 1930 xunto con Antonio Noguerol Eyré e Modesto Álvarez Taboada, e o seu primeiro presidente, sendo reelixido en febreiro de 1931,^[1] e novamente en 1933. O 10 de marzo de 1930 foi un dos fundadores da Organización Republicana de Lugo, que se uniu á ORGA, e foi presidente da Comisión Xestora da Deputación de Lugo cando se proclamou a Segunda República Española. Nas Eleccións a Cortes Constituíntes de 1931 foi elixido deputado pola provincia de Lugo pola ORGA. Durante a República viviu en Madrid exercendo de avogado de Radial Argentina.

Cando se produciu o golpe de Estado do 18 de xullo de 1936 estaba en Madrid. A súa muller e fillos marcharan uns días antes. Permaneceu na cidade durante toda a guerra. Cando rematou volveu a Galicia, pero preferiu non regresar a Chantada para evitar represalias. Instalouse en Ribadavia,^[2] onde tiña unha irmá e tiña previsto abrir un bufete.

Vida persoal

Casou con Modesta Cuesta Gutiérrez, de Medina de Rioseco, en 1925,^[3] e foi pai da escritora Pilar Vázquez Cuesta.

Notas

↑ El Pueblo Gallego, 26-2-1931, p. 6.
↑ La Región, 7-10-1939, p.2.
↑ La Voz de la Verdad, 25-2-1925, p. 2.

Véxase tamén

Predecesor:
José Benito Pardo Rodríguez

Presidente da deputación de Lugo
1931 - 1932

Sucesor:
José Sánchez Gacio

[1] El Pueblo Gallego, 26-2-1931, p. 6.

[2] La Región, 7-10-1939, p.2.

[3] La Voz de la Verdad, 25-2-1925, p. 2.

[1]

[2]

[3]

Traxectoria

Vida persoal

Notas

Véxase tamén

Bibliografía

Outros artigos

Ligazóns externas