Damaraland

Damaraland
	Damaralánd (de)
Localización
	22°15′14″S 15°11′27″L / -22.2539, 15.1908
Capital	Khorixas (pt)
Poboación
Poboación	132.000
Xeografía
Comparte fronteira con	Kaokoland (pt)
Datos históricos
Creación	1980
Disolución	1989
Identificador descritivo
Fuso horario	UTC 01:00

Damaraland ou Damaralandia (neoloxismo de orixe alemá: terra de damaras) foi, desde finais do século XIX até finais da Primeira guerra mundial, o norte da rexión central do suroeste da África alemá.

Extensión e historia do nome

A rexión denominada Damaraland coincidía co territorio habitado pola etnia herero, xente que no século XIX era xeralmente coñecida polos europeos como "damaras".^[1]^[2]^[3]

A rexión tiña fronteiras imprecisas, quedando limitada ao norte por Ovambolandia, ao oeste polo deserto do Namib, ao leste polo deserto do Kalhaari e ao sur pola rexión de Windhoek.

O nome quedou en desuso co fin da presenza alemá no suroeste de África, pero foi retomado na década de 1970 polo réxime do apartheid surafricano, que iniciou a creación dun bantustán chamado "Damaraland" destinado a ser "estado autónomo" do país da xente damara. Con este obxectivo, en 1980 creouse un goberno local e iniciáronse os cambios institucionais necesarios para constituír o novo ente político. O bantustán proxectado de Damaralandia estaba situado no extremo litoral occidental do territorio que se coñecía con ese nome no s. XIX, cunha extensión moito menor que o territorio histórico.

O novo Damaraland, como todos os outros bantustanes proxectados do suroeste de África, foi abolido en maio de 1989, ao comezo do proceso de transición que levou á independencia de Namibia.

Notas

↑ O nome en alemán Damaraland incorporouse á maioría de linguas con esa forma. Porén, en castelán e portugués foi adaptado como Damaralandia/Damaralândia. Véxase 'Fernandes, Ivo Xavier (1941). Topónimos e Gentílicos I. Porto'; Na literatura portuguesa o nome aparece ás veces aplicado a toda a colonia alemá do suroeste de África. Tamén se aplica o xentilicio e o adxectivo en rato toupeira damaralense.
↑ Fernandes, Ivo Xavier (1941). Topónimos e Gentílicos I. Porto.
↑ Paixão, Paulo (Verán de 2021). "Os Nomes Portugueses das Aves de Todo o Mundo" (PDF). ec.europa.eu; folla separata. ISSN 1830-7809. Consultado o 13 de janeiro de 2022.

Véxase tamén

Outros artigos

Ligazóns externas

Vingerclip Rock Formation, Damaraland, Namibia Arquivado 28 de outubro de 2009 en Wayback Machine.

[1] O nome en alemán Damaraland incorporouse á maioría de linguas con esa forma. Porén, en castelán e portugués foi adaptado como Damaralandia/Damaralândia. Véxase 'Fernandes, Ivo Xavier (1941). Topónimos e Gentílicos I. Porto'; Na literatura portuguesa o nome aparece ás veces aplicado a toda a colonia alemá do suroeste de África. Tamén se aplica o xentilicio e o adxectivo en rato toupeira damaralense.

[2] Fernandes, Ivo Xavier (1941). Topónimos e Gentílicos I. Porto.

[3] Paixão, Paulo (Verán de 2021). "Os Nomes Portugueses das Aves de Todo o Mundo" (PDF). ec.europa.eu; folla separata. ISSN 1830-7809. Consultado o 13 de janeiro de 2022.

[1]

[2]

[3]