Celebrimbor

Celebrimbor é un personaxe ficticio que forma parte do legendarium do escritor J. R. R. Tolkien. O seu nome quere dicir "puño de prata" ou "man de prata" en sindarin (tamén chamado Telperinquar en quenya e Telperimpar en telerin). Nas historias de Tolkien, Celebrimbor é un elfo ferreiro que foi manipulado para forxar os Aneis de Poder polo señor escuro Sauron disfrazado, quen despois crea en segredo o Anel Único para gañar o control sobre os outros aneis e dominar a Terra Media, poñendo en marcha os acontecementos do Señor dos Aneis. Fóra do legendarium de Tolkien, o personaxe foi adaptado como un dos personaxes principais do videoxogo de 2014 Middle-earth: Shadow of Mordor e a súa secuela de 2017, onde a súa voz é a do actor Alastair Duncan.

Narrativa da Terra Media

Liña temporal
Idade	Historia de Celebrimbor e os Aneis
Primeira Idade	Nace Celebrimbor, neto de Feanor (O Silmarillion)
Segunda Idade	Celebrimbor goberna en Eregion "Annatar" ensínalle a facer os Aneis de Poder para os elfos, ananos, homes mais secretamente Sauron fai o Anel Único para gobernar o mundo Sauron tortura a Celebrimbor, captura os aneis dos homes e dos ananos Elfos e homes declaran a guerra a Sauron, Isildur corta o Anel da man de Sauron Isildur perde o Anel, é asasinado Celebrimbor morre das feridas
Terceira Idade	Bilbo atopa o Anel (O hobbit) Frodo destrúe o Anel (O Señor dos Aneis)

Celebrimbor é o fillo de Curufin, quinto fillo de Fëanor e Nerdanel, e o único neto coñecido de Fëanor. Fëanor foi o artesán máis hábil da Primeira Idade, forxando os tres Silmarils para capturar algo da luz das Dúas Árbores de Valinor.

Non se indica onde nin cando naceu Celebrimbor. Durante a Segunda Idade, Celebrimbor vive no reino elfo de Eregion e funda unha confraría de xoieiros.

Amigo dos ananos

Dende os primeiros días de Eregion, Celebrimbor fomenta a relación con Khazad-dûm, o reino anano veciño. Faise amigo de Narvi,^{[T 1]} un grande artesán anano, e xuntos fan a porta oeste de Khazad-dûm. A contribución especial de Celebrimbor son as inscricións na porta de entrada.

Notas

↑ Tolkien, J. R. R. (1980), Unfinished Tales, George Allen & Unwin, parte 2 cáp. IV p.235; ISBN 0-04-823179-7

Véxase tamén

Bibliografía

Tolkien, J. R. R. (1977). Christopher Tolkien, ed. O Silmarillion. Boston: Houghton Mifflin. ISBN 0-395-25730-1.

[1] Tolkien, J. R. R. (1980), Unfinished Tales, George Allen & Unwin, parte 2 cáp. IV p.235; ISBN 0-04-823179-7

[T 1]