Catedral de Etchmiadzin

Catedral de Etchmiadzin

Tipo	catedral igrexa
Parte de	Catedral e igrexas de Echmiatsin e sitio arqueolóxico de Zvartnots Santa Sé de Echemiazim (pt)
Localización
División administrativa	Vagharshapat, Armenia
40°09′43″N 44°17′28″L
Composto por	50
Características
Dimensións	27 () × 23 () × 29 () m
Parte dun sitio do Patrimonio da Humanidade
Data	2000 (24ª Sesión)
Identificador	1011-001
Monumento do patrimonio cultural de Armenia
Identificador	4.2/14.1
Historia
Data de creación ou fundación	303
Actividade
Fundador	Gregorio o Iluminador
Sitio web	armenianchurch.org

A catedral de Etchmiadzin (en armenio: Էջմիածնի մայր տաճար; Ēǰmiatsni mayr tačar) ou catedral da Santa Etchmiadzin é a igrexa nai da Igrexa apostólica armenia. Atópase na cidade coñecida de maneira dual como Etchmiadzin (Ejmiatsin) ou Vagharshapat, en Armenia. É considerada a primeira catedral construída na antiga Armenia, e a miúdo considérase a catedral máis antiga do mundo.

A igrexa orixinal foi construída a comezos do século IV —entre o 301 e o 303 segundo a tradición— polo santo patrón de Armenia Gregorio o Iluminador, tras a adopción do cristianismo como relixión estatal polo rei Tiridates III. Foi construído sobre un templo pagán, simbolizando a conversión do paganismo ao cristianismo. O núcleo do edificio actual foi construído en 483/4 por Vahan Mamikonian despois de que a catedral fose gravemente danada nunha invasión persa. Dende a súa fundación ata a segunda metade do século V, Etchmiadzin foi a sé do Catholicos, o xefe supremo da Igrexa armenia.

Como o centro do cristianismo armenio, Etchmiadzin foi un lugar importante en Armenia non só relixiosamente, senón tamén política e culturalmente. Un importante lugar de peregrinación, é un dos lugares máis visitados do país. Xunto con varias igrexas medievais importantes situadas nas proximidades, a catedral foi catalogada como Patrimonio da Humanidade pola UNESCO en 2000.