Castro de Edreira

Castro de Edreira
Parroquia	Oleiros
Concello	Oleiros
Provincia	A Coruña
Comunidade autónoma	Galicia
Id. catálogo	GA15058010
Cronoloxía
Extensión estimada	? ha.
Véxase tamén
Castros de Galicia

O castro de Edreira, tamén chamado O Castelo, é un castro situado na parroquia de Oleiros, no concello coruñés de Oleiros.

Morfoloxía

Consta dun recinto fortificado de forma circular. Ten un diámetro de 150 metros.

Hai indicios de que estivo rodeado na súa totalidade por un talude que hoxe se interrompe polas bandas oeste e sueste, a consecuencia de movementos de terras. Apréciase un socalco pola banda oeste, defendido por un terraplén, a través do cal se pode acceder ó recinto principal.

Conservación

Ó norte, fóra do castro, están instaladas dúas antenas de telefonía móbil e dous grandes depósitos de auga. Existe un terceiro depósito no extremo leste da croa, de cuxa construción resultou a destrución do recinto neste sector. Na parte sueste, o camiño que rodea recinto principal afectou ó parapeto exterior.

Na actualidade a vexetación cobre gran parte do castro.

Arqueoloxía

Non se ten noticia de que se realizasen campañas arqueolóxicas.

Véxase tamén

Outros artigos

• Castro (poboado)
• Cultura castrexa
• Castros da provincia da Coruña

Ligazóns externas

• Catálogo. PXOM de Oleiros. Novembro do 2008.