Buzz Osborne
.jpg)  | |
| Biografía | |
|---|---|
| Nacemento | 25 de marzo de 1964 (60 anos) Morton, Estados Unidos de América (pt)  |
| Actividade | |
| Ocupación | cantante, guitarrista, compositor de cancións |
| Período de actividade | 1983 - |
| Membro de | |
| Xénero artístico | Música rock e música de vanguarda (pt) |
| Instrumento | Guitarra e voz |
| Selo discográfico | Alchemy Records |
| Descrito pola fonte | Obálky knih,  |
   | |
Roger "Buzz" Osborne, nado en Montesano, Washington o 25 de marzo de 1964, coñecido como Buzz Osborne ou como King Buzzo, é o guitarrista, vocalista, compositor e tecnicamente o único membro fundador da banda The Melvins. Tamén é fundador e guitarrista das bandas Fantômas e Venomous Concept. Foi tamén amigo no instituto de Kurt Cobain e o baixista da súa primeira banda, Fecal Matter, en 1986. Tamén colaborou con outros artistas como Cows e Tool.
Biografía
[editar | editar a fonte]Osborne comezou escoitando música de Aerosmith e Ted Nugent cando tiña uns 12 anos e despois duns poucos anos interesouse polo punk rock.[1]. A comezos dos 80 Osborne fundou Melvins con Matt Lukin e Mike Dillard, os cales asistían tamén ao Montesano High School, onde se graduaron en 1982. Melvins comezaron a tocar hardcore punk acelerado despois de que Osborne fose introducido a bandas como Black Flag, Flipper e Millions of Dead Cops por un amigo doutro estado. Cando Dillard deixou o grupo en 1984 recrutaron a Dale Crover, e os ensaios da banda movéronse a unha habitación da casa dos pais de Crover en Aberdeen, Washington. Melvins comezaron a tocar cancións máis lentas e pesadas.
En 1986 a banda publicou o seu EP Six Songs a través de C/Z Records (posteriormente editado como Eight Songs, 10 Songs e 26 Songs) que foi gravado ao vivo nun dous pistas o 8 de febreiro dese ano. No mes de decembro gravaron o seu primeiro álbum, Gluey Porch Treatments, no Studio D en Sausalito, California, e este publicouse en 1987 a través de Alchemy Records.
En 1988, Osborne mudouse con Crover a San Francisco, onde a banda gravou o seu seguinte álbum, Ozma, en maio de 1989.
Osborne, xunto co resto dos Melvins, coñecía aos membros de Nirvana. Cando se separou o anterior grupo de Dave Grohl, Scream, este achegouse a Osborne para pedirlle consello. Como resposta Osborne presentoulle a Kurt Cobain e Krist Novoselic. A influencia dos Melvisn pode verse claramente na música de Nirvana, especialmente no traballo da época de Bleach.[2]
En 1997 Osborne apareceu no vídeo promocional de "All I Want" de The Offspring, como un pianista enmascarado. Osborne tamén aparece no vídeo do tema de Beck "Beercan", que ten un sampler da canción dos Melvins "Hogleg."
Buzz uniuse a Tool en directo na súa xira do Ænema. Melvins tamén abriron concertos para Tool nesa xira. En 1998 creou a banda Fantômas xunto co vocalista de Faith No More Mike Patton, coa que continua en activo a día de hoxe.
O derradeiro álbum de Fantômas é Suspended Animation, publicado en 2005. Trátase dun álbum conceptual que se centra no tema das vacacións e conta cun frenético son punk rock. O disco foi un éxito comercial, chegando ao número 7 da lista Top Heatseekers e ao 12 da Top Independent Albums da revista Billboard.[3]
No ano 2014 King Buzzo anunciou a súa primeira xira acústica en solitario xunto cun EP de 10" titulado This Machine Kills Artists e un álbum posterior, do mesmo nome, apareceido en xuño a través do selo Ipecac Recordings.
Notas
[editar | editar a fonte]- ↑ Spin (ed.). "Stream Melvins Covers Album ‘Everybody Loves Sausages’ With King Buzzo Commentary". Consultado o 17 de xuño de 2017.
- ↑ Rolling Stone (ed.). "Buzz Osborne Continues to Bash 'Montage of Heck'". Arquivado dende o orixinal o 24 de xuño de 2017. Consultado o 17 de xuño de 2017.
- ↑ Allmusic (ed.). "Fantômas - Suspended Animation". Consultado o 17 de xuño de 2017.
