Botrite

Botrite
Botrytis cinerea sobre uvas Riesling.
Clasificación científica
Reino: Fungi Filo: Ascomycota Subfilo: Pezizomycotina Clase: Leotiomycetes Orde: Helotiales Familia: Sclerotinicaeae Xénero: Botryotinia Persoon
Especies
Botrytis allii Botrytis cinerea Botryotinia convoluta Botryotinia polyblastis Botrytis fabae etc.

A botrite (Botryotinia) é o nome común dun xénero de fungoss ascomicetes que produce varias doenzas vexetais. A maioría das formas anamórficas de Botryotinia inclúense no xénero de fungos imperfectos Botrytis. O xénero inclúe 22 especies e mais un híbrido.

Reprodución

Representación artística dun conidióforo de botrite ao microscopio

A reprodución sexual lévase a cabo mediante ascosporas producidas en apotecios, mentres que unha forma de reprodución asexual é mediante conidios. É típica a formación de esclerocios de forma plano-convexoide.

Patóxeno

As enfermidades causadas polas especies de Botryotinia aparecen de forma primaria como unha praga das flores e podremia dos fruoitos ademais de tachas nas follas e bulbos podres no campo e en produtos almacenados. O fungo induce morte celular do hospedador e un decaemento progresivo do tecido infectado da planta, de onde o fungo toma os seus nutrientes.

Especies

Botryotinia fuckeliana (ou Botrytis cinerea) é unha especie importante para a industria vinícola e para a horticultura. Outras especies economicamente importantes inclúen Botryotinia convoluta (a especie tipo do xénero), Botryotinia polyblastis, Botrytis allii e Botrytis fabae.