Bentinho

Bentinho

Biografía
Nacemento	18 de decembro de 1971 (52 anos) Montes Claros, Brasil (pt)
Actividade
Ocupación	futbolista
Período de actividade	1989 - 2004
Nacionalidade deportiva	Brasil
Deporte	fútbol
Posición de xogo	Dianteiro
Traxectoria   Equipo 1989–1991 Associação Portuguesa de Desportos 1992–1992 São José Esporte Clube 1993–1993 Associação Portuguesa de Desportos 1994–1994 Tokyo Verdy 1994–1994 Al-Hilal SFC 1995–1995 Kashiwa Reysol 1995–1995 São Paulo Futebol Clube 1996–1997 Botafogo de Futebol e Regatas 1998–1998 Cruzeiro Esporte Clube 1998–1999 Kashiwa Reysol 2000–2000 Clube Atlético Paranaense 2000–2000 Associação Portuguesa de Desportos 2001–2001 Oita Trinita 2001–2001 Associação Portuguesa de Desportos 2002–2002 Kawasaki Frontale 2003–2004 Avispa Fukuoka

Antônio Bento dos Santos, máis coñecido como Bentinho, nado en Montes Claros, Minas Xerais, o 18 de decembro de 1971, é un exfutbolista brasileiro. É irmán do tamén exfutbolista Bento.

Traxectoria

Comezou a xogar ao fútbol no Portuguesa, club no que tamén militaba o seu irmán máis vello, Bento. Foi compañeiro de Dener nas categorías inferiores, ata que subiu ao primeiro equipo en 1988. Xogou ata 1993 co equipo paulista (exceptuando unha breve cesión ao São José), marcando 62 goles nesa primeira etapa.

Nos seguintes anos alternou clubs asiáticos como o Al Hilal saudita ou o Tokyo Verdy e o Kashiwa Reysol xaponeses, con clubs brasileiros como o São Paulo, o Botafogo, o Cruzeiro e o Atlético Paranaense, ademais de pasar dúas veces máis polo Portuguesa. En 1995, militando no São Paulo, foi o máximo goleador do Campionato Paulista, empatado a 20 goles con Paulinho McLaren, do Portuguesa. En 1997 gañou con Botafogo o único título da súa carreira, o Campionato Carioca, despois de derrotar na final ao Vasco da Gama. Puxo fin á súa carreira en 2004, nas filas do Avispa Fukuoka do Xapón.

Palmarés

Botafogo

• Campionato Carioca (1): 1997.

Individual

• Máximo goleador do Campionato Paulista (1): 1995 (São Paulo).

Véxase tamén

Ligazóns externas

• Datos do xogador en ogol.com.br (en portugués).