Bandeira de Cimbabue

Bandeira de Cimbabue
Características
Uso	...
Proporción	1:2
Adopción	18 de abril de 1980
Cores	Verde     Amarelo     Vermello     Negro     Branco

A bandeira de Cimbabue foi adoptada o 18 de abril de 1980, no momento da independencia do novo estado. Antes de 1980 era unha colonia británica nomeada Rodesia (e antigamente Rodesia do Sur, para diferenciala de Rodesia do Norte, que máis tarde se convertería en Zambia) e durante un tempo nomeouse Cimbabue-Rodesia.

Cores e significado

A bandeira ten as cores empregadas polo ZANU, o partido do presidente Robert Mugabe. Tamén ten o paxaro emblemático do monumento nacional do Gran Cimbabue, nas ruínas da cidade de Cimbabue (simbolizando a historia do país), a estrela vermella marxista (simbolizando a loita revolucionaria), o triángulo branco simbolizando a paz e as franxas de cores significan:

• Verde: a agricultura e as áreas rurais do país.
• Amarelo: a riqueza mineral de Cimbabue
• Vermello: o sangue derramado nas guerras pola liberación.
• Negro: o patrimonio das etnias nativas africanas.

Bandeiras históricas

• 
  Bandeira de Rodesia do Sur, de 1964 a 1968.
• 
  Bandeira de Rodesia (1968-1979).
• 
  Bandeira de Cimbabue-Rodesia.

Véxase tamén

Ligazóns externas

• Bandeira de Cimbabue en Flags of the World