Archer Milton Huntington

Archer Milton Huntington
	;
Biografía
Nacemento	10 de marzo de 1870 ; Nova York, Estados Unidos de América
Morte	11 de decembro de 1955 (85 anos); Bethel, Estados Unidos de América (pt)
Actividade
Ocupación	emprendedor, poeta, arqueólogo, escritor, bibliófilo, coleccionista de arte
Membro de	Academia das Artes e das Ciencias dos Estados Unidos ; Academia Estadounidense das Artes e as Letras
Familia
Cónxuxe	Anna Hyatt Huntington (1923–1955)
Pais	Collis P. Huntington (incerteza) e Arabella Huntington
Premios
	(1946) Gran Cruz de Afonso X o Sabio; (1923) Doutor honoris causa pola Universidade Complutense de Madrid Concedido por Universidade Complutense de Madrid; (1918) Gran Cruz da Orde de Carlos lll; Medalha Samuel Finley Breese Morse (pt) ;

Archer Milton Huntington, nado en Nova York o 10 de marzo de 1870 e finado en Bethel (Connecticut) o 11 de decembro de 1955, foi un arqueólogo, numismático, bibliófilo, filántropo, hispanista e poeta estadounidense, fundador da Hispanic Society of America en 1904.

Traxectoria

Huntington era fillo de Collis P. Huntington, quen foi o fundador da compañía de ferrocarrís Central Pacific Railroad e dos estaleiros Newport News Shipbuilding and Drydock Companies. Herdou unha das maiores fortunas dos Estados Unidos. Archer Milton dedicouse a viaxar, aos seus intereses culturais e a realizar o seu soño de fundar un museo coas coleccións que ía comprando. Unha viaxe a México aos quince anos provocou a súa afección por todo o hispánico e en 1892 viaxou por primeira vez á Península Ibérica.

Decidiu que o seu museo fose unha institución encargada de divulgar os estudos hispánicos e aprendeu o castelán, escribindo versos nesa lingua. Trala Guerra Hispano-Estadounidense fixo escavacións en Itálica.

Coleccionou pinturas de el Greco, Francisco de Zurbarán, José de Ribera, Alonso Cano, Diego Velázquez, Francisco de Goya, Joaquín Sorolla, Mariano Fortuny, Ramón Casas, Santiago Rusiñol, Isidro Nonell e Ignacio Zuloaga, ademais de obxectos artísticos españois. Creou adxunta ao museo a biblioteca e con ambas as institucións fundou a Hispanic Society of America o 18 de maio de 1904.

O 10 de marzo de 1923 casou coa escultura Anna Vaughn Hyatt, que adornou a institución coas súas esculturas e en 1930 fundou o Mariners' Museum en Newport News, Virxinia. Foi ademais presidente da American Geographical Society e do American Museum of Natural History, e membro, e benefactor da American Academy of Arts and Letters e da American Numismatic Society, que tamén chegou a presidir.^[1]^[2]

Medalla Huntington

Artigo principal: Medalla Huntington.

Na súa honra, a American Numismatic Society instituíu a medalla Huntington, outorgada anualmente en recoñecemento das contribucións destacadas aos estudos numismáticos.^[3]

Notas

↑ Biografía de Huntington, como membro da American Numismatic Society.
↑ "Presidents and Chairmen of the American Numismatic Society". American Numismatic Society.
↑ "Awards Given by the American Numismatic Society: Huntington Medal Award Arquivado 02 de novembro de 2019 en Wayback Machine.". American Numismatic Society.

Véxase tamén

Ligazóns externas

Archer Milton Huntington papers —- Syracuse University Special Collections Research Center.
Hispanic Society: Huntington biography notes.

[1] Biografía de Huntington, como membro da American Numismatic Society.

[2] "Presidents and Chairmen of the American Numismatic Society". American Numismatic Society.

[3] "Awards Given by the American Numismatic Society: Huntington Medal Award Arquivado 02 de novembro de 2019 en Wayback Machine.". American Numismatic Society.

[1]

[2]

[3]