Annemarie Moser-Pröll

Annemarie Moser-Pröll

Biografía
Nacemento	27 de marzo de 1953 (71 anos) Kleinarl, Austria (pt)
Actividade
Ocupación	esquiadora alpina
Deporte	esquí alpino
Participou en
1980	alpine skiing at the 1980 Winter Olympics – women's downhill (en)  (medalla de ouro olímpica)
8 de febreiro de 1972	alpine skiing at the 1972 Winter Olympics – women's giant slalom (en)  (medalla de prata olímpica)
1972	alpine skiing at the 1972 Winter Olympics – women's downhill (en)  (medalla de prata olímpica)
Premios
(1971)  Skieur d'or (en)  Grand Decoration of Honour for Services to the Republic of Austria (en)
Descrito pola fonte	Dictionary of Women Worldwide Great Women Athletes of the 20th Century (en)
Sitio web	annemarie-moser-proell.at

Annemarie Moser-Pröll, nada en Kleinar (Salzburgo) o 27 de marzo de 1953 é unha ex-esquiadora austríaca. Foi a esquiadora alpina de máis éxito na década de 1970, con seis títulos xerais, incluídos cinco consecutivos. Moser-Pröll logrou os seus maiores triunfos en descenso, slálom xigante e cominada. En 1980, o último ano que competiu, obtivo a súa terceira medalla olímpica, primeira de ouro e gañou cinco carreiras da Copa do Mundo.

Traxectoria

Durante a súa carreira, Moser-Pröll gañou a Copa do Mundo en seis ocasións, incluíndo cinco consecutivas (1971-75). Logrou 62 vitorias na Copa do Mundo, segunda muller en número de vitorias tras Lindsey Vonn. Aínda así, continúa a ser a mellor muller en porcentaxe de vitorias xa que nesa época disputábanse poucas carreiras. Gañou cinco títulos de campionato do mundo (3 en descenso e 2 en combinada) e unha medalla de ouro olímpica. Entre 1973 e 1974 gañou once carreiras de descenso consecutivas.

O camiño á súa primeira e única medalla olímpica de ouro foi longo: nos Xogos Olímpicos de 1972 en Sapporo, estaba considerada a favorita en descenso e slálom xigante, mais nas dúas modalidades acabou segunda detrás da suíza Marie-Theres Nadig. Tras obter o seu quinto título mundial consecutivo, interrompeu a súa carreira para coidar o seu pai, enfermo de cancro de pulmón, perdendo a tempada completa da Copa do Mundo e os Xogos Olímpicos de 1976, que tiñan lugar no seu país, en Innsbruck. Trala morte do seu pai en xuño de 1976, volveu ao esquí competitivo de novo entre as mellores, finalizando segunda na Copa do Mundo en 1977 e 1978 e gañando a de 1979. Nos Xogos Olímpicos de 1980 en Lake Placid, conseguiu finalmente a medalla de ouro en descenso, coa súa rival de 1972 Marie-Theres de novo no podio, tras obter a medalla de bronce.

Varias semanas despois dos Xogos Olímpicos de 1980, retirouse do esquí competitivo e montou o seu propio café, "Weltcup-Café Annemarie" en Kleinarl, que decorou coa súa extensa colección de copas e trofeos. En 2008, meses despois da morte do seu home, retirouse do negocio e vendeu o establecemento a investidores locais, que o mantiveron co nome de "Café-Restaurant Olympia."

Vida privada

A súa irmá máis nova, Cornelia Pröll, tamén foi esquiadora olímpica.

Casou con Herbert Moser en 1974 e a súa filla Marion naceu en 1982.

Resultados da copa do mundo

Tempada	Idade	Resultado	Slálom	Xigante Slálom	Super Xigante	Descenso	Combinada
1969	15	16	15	—	A primeira WC SG feminina tivo lugar en xaneiro de 1983	5	Oficialmente só se disputou en 1976 e 1980
1970	16	6	14	3		8
1971	17	1	3	1		1
1972	18	1	9	1		1
1973	19	1	18	2		1
1974	20	1	5	7		1
1975	21	1	4	1		1
1976	22	non participou
1977	23	2	11	3		2
1978	24	2	8	5		1
1979	25	1	2	12		1
1980	26	2	3	7		2	2

Véxase tamén

Ligazóns externas

• FIS-ski.com – World Cup season standings – Annemarie Moser-Pröll – 1969–80
• Ski-db.com – resultados – Annemarie Moser-Pröll
• Annemarie-Mose-Proell.at – páxina persoal (en alemán)