Alpes Escandinavos

Alpes Escandinavos
Tipo	sistema montañoso
Ecorexión (WWF)	Scandinavian coastal conifer forests (en) , Scandinavian and Russian taiga (en) e Scandinavian montane birch forest and grasslands (en)
	65°N 14°L / 65, 14
Composto por	Q52161814 ; Q52161815 ; Q52161816
Características
Altitude	2.469 m
Dimensións	1.700 () km ;
Punto máis baixo	Fiorde de Sogn (pt)
Punto máis alto	Galdhøpiggen (pt) (2.468,854 m )
Atravesa	Suecia, Finlandia e Noruega
Medicións
Clima	Clima de montaña
Historia
Período de tempo	Paleóxeno

Os Alpes Escandinavos ou Montes Escandinavos, (en sueco Skanderna, Fjällen ou Kölen, en finlandés Köli e en noruegués Kjølen), son unha cordilleira que percorre a península escandinava de nordeste a suroeste ao longo de 1700 quilómetros.

Divídese en tres grupos, os de Kiolen que separa a Suecia de Noruega, os Montes Dofrines que dividen a Noruega, e os Tulianos na rexión meridional.

Forman parte da cordilleira caledoniana, que existiu hai 400 millóns de anos. A actual cordilleira formouse pola colisión entre as placas continentais de Norteamérica e o Báltico que tivo lugar hai 70 millóns de anos.

As maiores alturas son as montañas Glittertind, de 2452 metros de altitude, e Galdhøpiggen de 2469 metros de altitude, ambas as dúas en territorio noruegués.

Os dez picos máis altos de Noruega

Os dez picos de montaña máis altos de Escandinavia están todos situados en Noruega: oito na provincia de Oppland e os outros dous na de Sogn og Fjordane. Hai 83 picos de 2200 m de altura ou máis e todos eles están en Noruega.

2469 m Galdhøpiggen (Oppland)
2465 m Glittertind (Oppland)
2405 m Skagastølstind Store (Sogn og Fjordane)
2387 m Styggedalstinden este (Sogn og Fjordane)
2373 m Skarstind (Oppland)
2369 m Vesle Galdhøpiggen (Oppland)
2368 m Surtningssue (Oppland)
2366 m Memurutinden Store (Oppland)
2351 m Jervvasstind (Oppland)
2348 m Sentraltind (Oppland)

Os doce picos máis altos de Suecia

Área montañosa de Trollheimen nos condados noruegueses de Møre og Romsdal e Sør-Trøndelag.

Existen doce picos en Suecia por encima dos 2000 m, ou 13 dependendo de como se defina un pico. Esta é a lista segundo a UIAA. Oito deles atópanse nos parques nacionais de Sarek e Stora Sjöfallet. Os outros catro están situados máis ao norte, na rexión de Kebnekaise. Todos os nomes das montañas proveñen de linguas saamis, aínda que están escritos coa grafía sueca máis común.