Alexandre de Hesse-Darmstadt

Alexandre de Hesse-Darmstadt
	;
Nome orixinal	(de) Alexander von Hessen-Darmstadt
Biografía
Nacemento	(de) Alexander Ludwig Georg Friedrich Emil von Hessen und bei Rhein ; 15 de xullo de 1823 ; Darmstadt, Alemaña
Morte	15 de decembro de 1888 (65 anos); Darmstadt (Gran Ducado de Hesse)
Residencia	Darmstadt
Actividade
Ocupación	oficial
Carreira militar
Lealdade	Imperio Ruso e Imperio Austríaco
Rama militar	Exército Imperial Ruso
Rango militar	General de cavalaria (pt) ; field marshal-lieutenant (en)
Conflito	Guerra franco-prusiana ; Guerra austro-prusiana ; Segunda Guerra de Independência Italiana (pt) ; Russian conquest of Chechnya and Dagestan (en)
Outro
Título	Prince of Hesse (en)
Familia	Casa de Hesse-Darmstadt
Cónxuxe	Julia von Hauke (1851–1888), morte
Fillos	Maria de Battenberg, Louis Mountbatten, 1.º Marquês de Milford Haven, Alexandre I de Bulgaria, Príncipe Heinrich de Battenberg, Francisco José de Battenberg
Pais	August Ludwig von Senarclens-Grancy (alegadamente) e Guilhermina de Baden
Irmáns	María de Hesse; Luís III de Hesse-Darmstadt; Carlos de Hesse e do Reno
Premios
	Cabaleiro da Orde de Santo Alexandre Nevski; Order of the Crown (en) ; Ordem do Leão de Zähringer (pt) ; Order of Fidelity (en) ; Pour le Mérite; Order of the Wendish Crown (en) ; Ordem da Águia Vermelha, 1.ª classe (pt) ; Orde do Elefante; Knight of the Order of Maria Theresa (en) ; Orde do Salvador; Pour la Vertu Militaire (en) ; Order of Ludwig I (en) ; Orde de Santa Ana de primeira clase; Orde da Aguia Negra; Cabaleiro gran cruz da Orde do Baño; Order of Philip the Magnanimous (en) ; Orde da Aguia Branca; Order of St. George, 3rd class (en) ; Orde de Santo André; Cabaleiro de cuarta clase da Orde de San Xurxo do Imperio Ruso; Orde de Santo Estevo de Hungría ;
Descrito pola fonte	Dicionario Enciclopédico Brockhaus e Efron; Enciclopedia militar Sytin; Allgemeine Deutsche Biographie

Alexandre de Hesse-Darmstadt, nado en Darmstadt o 15 de xullo de 1823 e finado na mesma cidade o 15 de decembro de 1888, foi un nobre alemán, terceiro dos catro fillos de Lois II de Hesse e do Rin, e de Guillermina de Baden.

Traxectoria

O príncipe Alexandre mantivo a tradición marcial da súa familia e serviu no Exército Ruso, onde foi un distinguido soldado cunha brillante carreira por diante. Mandaba un rexemento de lanceiros e foi premiado coa Cruz de San Xurxo. O feito de que súa irmá María fose a zarevna (princesa herdeira) de Rusia (esposa do futuro tsar Alexandre II de Rusia) non era unha desvantaxe para os seus propósitos.

Esta prometedora carreira foi destruída por un escándalo, pois Alexandre namorouse da condesa Xulia de Hauke, unha camareira de súa irmá María Alexandrovna. A condesa era unha orfa de orixe xermana-polaca, protexida do tsar, e filla do antigo ministro de guerra do tsar. Co tempo, o tsar Nicolao I considerou a Alexandre coma un posíbel marido para a súa sobriña, mais informado do romance prohibiu a maridaxe; era inconcibíbel que unha persoa próxima á familia imperial casase cunha simple condesa. O Almanaque de Gotha, léxico e guía das clases tituladas europeas, era moi claro en asuntos de índole matrimonial.

Alexandre marchou a Inglaterra para cavilar no tocante ao seu futuro, pero acabou regresando a Rusia para fuxir xunta con Xulia até Breslau (hoxe Wroclaw, en Polonia), onde casaron en outubro de 1851.

Volveron a Hesse, onde o irmán máis vello do noivo, o Gran Duque Lois III de Hesse-Darmstadt estaba desgustado polo inferior status dinástico da muller de seu irmán. Nomeouse a Xulia condesa de Battenberg (nome dunha pequena cidade no norte de Hesse onde eles viviron apartados nun primeiro momento), pero os seus fillos ficaron definitivamente excluídos da liña de sucesión. Por fin a condesa foi elevada ao rango de princesa, e a parella puido así volver a Darmstadt.

Ao perderen as súas prerrogativas dinásticas, o príncipe Alexandre e a súa morganática esposa viviron unha vida tranquila. A súa familia vivía principalmente no castelo de Heiligenberg, xunta a Jugenheim, no sur de Hesse.

Descendencia

Alexandre de Hesse e Xulia de Battenberg tiveron cinco fillos, que herdaron o título e o apelido de súa nai. Os fillos foron:

María de Battenberg (1852 - 1923).
Lois de Battenberg (1854 - 1921).
Alexandre de Battenberg (1857 - 1893).
Henrique de Battenberg (1858 - 1896).
Francisco Xosé de Battenberg (1861 - 1924).

Malia todos os escándalos, a familia de Battenberg conseguiu ser aceptada pola nobreza europea. Entre os seus descendentes destacan:

Luísa de Battenberg - Raíña de Suecia, consorte de Gustavo VI Adolfo.
Filipe de Edimburgo, Duque de Edimburgo - Esposo de Isabel II do Reino Unido.