Alcázar de Toro

Alcázar de Toro
ben de interese cultural e elemento da Lista Vermella do Patrimonio
Concello	Toro
Provincia	Zamora
Comunidade autónoma	Castela e León
Coordenadas	41°31′09″N 5°23′31″O
Estilo arquitectónico
Estilo orixinal	gótico (século X-XIV)
Estilo actual	Restaurado
[ editar datos en Wikidata ]

O Alcázar de Toro, chamado tamén Alcázar Real de Toro, é unha fortificación de planta cadrada situada na cidade de Toro (provincia de Zamora). A primitiva construción data do século X, porén as numerosas reconstrucións fan notar que é unha edificación máis recente. Encóntrase preto da ribeira, situado nun alto, posúe unhas murallas defensivas flanqueadas por sete Torre do homenaxe formou parte do conxunto de murallas que defendían e abranguían á cidade. O alcázar foi lugar de residencia dos Reis Católicos.

Historia

O alcázar foi construído no século X nunha acrópole da cidade (elevada a 110 metros do río río Douro). Foi escenario dunha das máis crueis matanzas do rei Pedro I de Castela. O 16 de xaneiro de 1356, encontrábase aí María de Portugal, esposa do rei Afonso XI de Castela, cando o seu fillo Pedro o Cruel chegou e ordenou os seus escudeiros a matar varios nobres que acompañaban á raíña. Pedro López de Ayala nas súas crónicas dos reinados de Pedro I, Henrique II, Xoán I, e de Henrique III, describe así os feitos:

E entón logo enviou dicir o Rei á Raíña Dona María, a súa nai, que estaba dentro no Alcázar, que saíse de alí e viñese cara a el. E a Raíña envioulle pedir mercede por aqueles Cabaleiros que alí estaban con ela, que os perdoase. E o Rei envioulle dicir que ela viñese, que despois el sabería que facer cos Cabaleiros que con ela estaban (... ) E a Raíña saíu do Alcázar, e viña con ela a condesa dona Juana, muller do conde Don Enrique, tamén Don Pero Estevanez Carpentero Maestre que se chamaba de Calatrava, e Ruy González de Castañeda, e Alfonso Téllez Girón, e Martín Alfonso Tello (...) Outro Escudeiro chegou e matou a Martín Alfonso Tello (...) E a Raíña Dona María, nai do Rei, cando viu matar estes Cabaleiros así, caeu na terra sen ningún sentido como morta (...) e despois de levantala, e viu os Cabaleiros mortos arredor dela, e nus, e comezou a dar grandes voces maldicindo o Rei, o seu fillo, e dicindo que a deshonrara e a mancara para sempre, e que xa máis quería morrer que non vivir.

Foi residencia de Xoán II de Castela cando asistía ás cortes en Toro. Es posible que existisen outras residencias reais. O castelo tivo o seu protagonismo durante a guerra de Sucesión Castelá e concretamente na Batalla de Toro acaecida o 1 de marzo de 1476. Tralo abandono que sufriu no século XVI como residencia real, o castelo iniciou un lento declive. Foi declarado Monumento Histórico Artístico en 1931.