Albalat dels Sorells

Albalat dels Sorells
	Brasón
Localización
	39°32′37″N 0°20′46″O / 39.5437, -0.3462
Estado	España
Comunidade autónoma	Comunidade Valenciana
Provincia	provincia de Valencia
Comarca da Comunidade Valenciana	Horta Nord
Capital	Albalat dels Sorells
Poboación
Poboación	4.158 (2023) (900 hab./km²)
Lingua oficial	lingua catalá (lingua predominante)
Xeografía
Superficie	4,62 km²
Bañado por	Mar Mediterráneo
Altitude	10 m
Comparte fronteira con	Albuixec ; Montcada ; Valencia ; Foios ; Museros
Organización política
• Alcalde	Nicolau J. Claramunt Ruiz
Identificador descritivo
Código postal	46135
Fuso horario	UTC 01:00
Código INE	46009
Código ARGOS de concellos	46009
Sitio web	albalatdelssorells.es

Albalat dels Sorells (do árabe: albalat, "o camiño") é un concello da Comunidade Valenciana, pertencente á provincia de Valencia, situado na zona norte da área metropolitana de Valencia, na comarca da Horta Nord. Ten 3.758 habitantes (INE 2008).

Xeografía

Alabalat dels Sorells está situado na chaira da marxe esquerda do río Turia, ao norte da cidade de Valencia. O Caldeirón Real de Montcada atravesa o termo de sur a norte. Pódese acceder a esta localidade a través da liña 3 de MetroValencia e a estrada de Valencia a Barcelona, que cruza o termo.

O concello de Albalat dels Sorells limita coas localidades de Montcada, Albuixech, Museros e Foios todos da Horta Nord.

Historia

Ten a súa orixe nunha alquería islámica. Xaime I efectuou diversas doazóns no seu termo, probablemente adquiridas despois por un dos beneficiarios, Pere d'Azllor, que figura en 1242 como o señor da poboación. Diferentes familias adquirirán o señorío até a súa extinción no século XIX.

A principios do século XIV posuíao Guillem Colom, cidadán de Valencia e xurado da cidade. O catalán Pere March, tesoureiro do rei Xaime II foi señor de Albalat, sucedéndolle o seu fillo Xaime, avó do poeta Ausiàs March, en 1352 o dominio pasaría por compra a Berenguer de Codinachs, a cuxo liñaxe pertenceu por espazo de século e medio. Nesa época engádese ao nome da localidade o apelativo de Codinachs ou Codinats para diferenciala doutras poboacións homónimas.

En 1480, a decadencia da familia supuxo a venda do señorío por parte de Lluís Agulló de Codinats ao opulento cidadán de València, Tomàs Sorell, fillo dun poderoso burgués orixinario de Cataluña establecido na cidade o século anterior. O cambio de dominio comportou o do apelativo da poboación chamada entón Albalat de Mossén Sorell ou dels Sorells, e nesta liñaxe, ennobrecido na persoa de Bernat Sorell, cabaleiro, sobriño e herdeiro de Tomás Sorell, perpetuarase o señorío na Idade Moderna.

En 1626 elevouse o señorío a condado. Dende a época da conquista, Albalat dependía no eclesiástico da parroquia de Foios, até a creación da parroquia independente en 1426.

Demografía

Conta cunha poboación de 3.758 habitantes en 2008.

Evolución demográfica
1900	1910	1920	1930	1940	1950	1960	1970	1981	1991	2000	2005	2007
1.198	1.500	1.634	1.693	1.835	1.851	2.447	3.063	3.608	3.515	3.479	3.486	3.708

Economía

Tradicionalmente agrícola, a meirande parte do termo está formada pola horta regada coas augas do Turia a través do caldeirón Real de Montcada. Na actualidade, predomina o cultivo da laranxa coincidindo cunha apreciábel actividade industrial. Debemos destacar que grazas ao apoio dos habitantes da poboación, constituíuse e medrou a Caixa Albalat, pertencente ao grupo de Caixas Rurais que mantén a súa independencia e presenta uns resultados magníficos.

Véxase tamén

Ligazóns externas