Yeclano Deportivo

Yeclano
Yeclano
Nome	Yeclano Deportivo
Fundación	2004
Estadio	La Constitución,; Yecla, España
Capacidade	4.000
Presidente	Pedro Romero López
Adestrador	Héctor Sandroni
Liga	3ª − Grupo 13
2013–14	2º
Na rede
	http://www.yeclanodeportivo.com
Titular	Alternativo

O Yeclano Deportivo é un club de fútbol de España, da cidade de Yecla, na Rexión de Murcia. Foi fundado en 2004 e actualmente xoga na Segunda División B Española, logo de ascender na tempada 2011-12.

Historia

O Yeclano Deportivo fundouse en 2004 tras a desaparición do histórico Yeclano CF. Arrinca na Primeira Territorial e consegue o ascenso. No seu primeiro ano en Territorial Preferente queda 2º saldando así as súas dúas primeiras tempadas de vida con dous ascensos.

Na tempada 2006-07 debuta na Terceira División quedando 12º. Ao ano seguinte repite a mesma posición, consolidando así a categoría. A tempada 2008-09 o equipo dá un salto na táboa e loita pola clasificación para o play-off de ascenso. Na súa primeira promoción de ascenso enfróntase ao Cacereño. Tras o empate a 0 en Yecla o equipo cae eliminado en Cáceres tras perder 3-1 na prórroga.

Na tempada 2009-10 consegue a mellor clasificación da súa historia ao quedar 2º en liga regular. En primeira rolda do play-off elimina o Trival Valderas, tras perder 2-0 en Alcorcón remonta en Yecla cun 5-1. Na segunda rolda elimina o Pájara Playas de Jandía, perdendo a ida 1-0 e gañando a volta 2-0. Na terceira e última rolda enfróntase ao Haro Deportivo, na Rioxa consegue unha vitoria 0-1 no último suspiro e na volta consegue o ascenso a Segunda B na quenda de penaltis.

Na tempada 2010-11, o equipo debuta na categoría cun 19º posto, descendendo novamente a Terceira División tras gañar soamente cinco partidos. Na tempada 2011-12 o equipo proclámase campión do grupo XIII de Terceira e xoga o playoff de ascenso de campións. O seu rival é o Caudal Deportivo e perde por un resultado global de 3-0. Ao ser campión tivo unha segunda oportunidade e, tras superar en dúas eliminatorias a Muro e Pobla de Mafumet, o equipo volve a Segunda B.

Uniforme

Uniforme titular: Camiseta azulgrana a raias verticais, pantalón azul e medias azuis.
Uniforme alternativo: Camiseta metade azul celeste e metade branca, pantalón branco e medias brancas.