Xaime Quesada Blanco

Xaime Quesada Blanco, nado o 20 de decembro de 1975 en Ourense e finado o 21 de xuño de 2006 en Vilar de Astrés, Ourense, fillo do tamén pintor Xaime Quessada e da arquitecta María Xesús Blanco Piñeiro, foi un dos grandes representantes da plástica galega de principios do século XXI, malia a súa curta vida.

Xaime Quesada Blanco

Biografía
Nacemento	20 de decembro de 1975 Ourense, España
Morte	21 de xuño de 2006 (30 anos)
Actividade
Ocupación	artista, pintor
Familia
Pai	Xaime Quessada

Para outras páxinas con títulos homónimos véxase: Quesada.

Traxectoria

De formación en Belas Artes pola escola madrileña de San Fernando, expuxo en Santiago de Compostela, A Coruña, Ourense (tanto no Museo Municipal coma no Centro Cultural da Deputación), Vigo e tamén noutros países europeos coma Suecia, Alemaña ou Noruega. Sempre apoiado pola familia, e coa experiencia que lle transmitiu o pai, Xaime Quessada, o mozo pintor galego deixou un legado de interese para a pintura do país.

Autor de numerosas obras pictóricas, aínda que tamén escultóricas e muralistas, probou a revitalizar técnicas coma o construtivismo e o expresionismo abstracto sen deixar de empregar xeitos novos de traballo coma os dixitais. Díxose amante da arte e amosouse como un grande ilustrador de cores, máis que de ideas ou grandes temas. Apostou tamén pola seriación nos seus cadros, e sinalou en diversas ocasións como mestres os rusos Kandinski e a Vassareli.

Faleceu dun derramo cerebral na súa casa familiar de Vilar de Astrés e foi soterrado no camposanto de Señorín, no Carballiño.

Véxase tamén

Bibliografía

• "Quesada Blanco, Xaime". Enciclopedia Galega Universal. Ir Indo. 1999-2002. ISBN 84-7680-288-9. 

Ligazóns externas

• Fundación Xaime Quesada Blanco