Vila Franca do Campo

Vila Franca do Campo é unha vila portuguesa na illa de São Miguel, Rexión Autónoma dos Azores, capital dun municipio con 78,00 km² de superficie e 11 229 habitantes (2011), subdividido en 6 freguesías. O concello limita polo norte con Ribeira Grande, ao leste con Povoação, ao oeste con Lagoa e ao sur co océano Atlántico.

Vila Franca do Campo

Localización
37°43′N 25°26′O
Estado	Portugal
Rexión Autónoma	Azores
Capital	Vila Franca do Campo (vila) (pt)
Contén a división administrativa	Ponta Garça (pt) Ribeira Seca (pt) Ribeira das Taínhas (pt) Vila Franca do Campo (São Miguel) (pt) Vila Franca do Campo (São Pedro) (pt) Água de Alto (pt)
Poboación
Poboación	10.323 (2021) (132,35 hab./km²)
Xeografía
Superficie	78 km²
Comparte fronteira con	Ribeira Grande Povoação Lagoa (pt)
Datos históricos
Creación	1472
Día festivo	festa patronal (24 de xuño)
Santo padrón	Xoán o Bautista
Identificador descritivo
Código postal	9680
Prefixo telefónico	296
Outro
Irmandado con	Vila do Porto (pt) Fall River
Sitio web	cmvfc.pt

Fronte a Vila Franca do Campo, a uns 1200 m do porto do Tagarete, está o illote de Vila Franca, un cono litoral de litoral de tufos palagoníticos fortemente litificados, que contén no seu interior unha caldeira inundada de forma case perfectamente circular. O illote é desde 1993 unha reserva natural, constituíndo tamén un importante lugar de veraneo.

Historia

Vila Franca do Campo foi, durante o primeiro século de poboamento, a máis importante localidade da illa, onde residía Gonçalo Vaz Botelho, o capitán do donatario, e as principais institucións oficiais, como a Alfándega e a Ouvidoria, de onde procede o epíteto de "primeira capital micaelense" que recibe a localidade. Foi elevada a vila en 1472, a segunda no arquipélago.Tiña xa hospital mesmo antes da fundación da Santa Casa da Misericordia de Lisboa (1498), por mor dunha disposición testamentaria de Isabel Gonçalves que, en 1483, legou os seus bens para a súa institución.

Na noite de 21 ao 22 de outubro de 1522, a vila sufriu un violento terremoto que causou un grande escorregamento de terras nas vertentes que dominan a vila, causando un lahar que soterrou a maior parte da localidade. Como consecuencia estímase que pereceron milleiros de persoas en toda a rexión Para reedificar a vila cortáronse as forestas do Val das Furnas, desaparecendo gran número de cedros que aí abundaban, para seren distribuídos gratuitamente ás famílias pobres na construción dos seus fogares.

Malia a destrución, Vila Franca mantivo importancia rexional ata o século XVIII, por tras de Ponta Delgada, ata que Ribeira Grande a suplantou.

En Vila Franca tiveron lugar algúns dos máis importantes eventos das loitas entre os partidarios de Antonio I de Portugal e de Filipe II de España, que culminaron na batalla naval de Vila Franca, que se desenvolveu no litoral sur da illa de São Miguel o 26 de xullo de 1582.

Despois da batalla, Álvaro de Bazán, marqués de Santa Cruz de Mudela, desembarcou na vila, estabelecendo o seu cuartel xeral e enforcando uns 800 prisioneiros franceses e portugueses.

Freguesías

• Água de Alto
• Ponta Garça
• Ribeira das Tainhas
• Ribeira Seca
• São Miguel
• São Pedro

Galería de imaxes

• 
  Convento de Santo André.
• 
  Lagoa do Fogo, Miradoiro da Serra da Barrosa.
• 
  Porto e mariña de Vila Franca do Campo.
• 
  Ermida de Nosa Señora da Paz.