Vieiros (xornal)

Para outras páxinas con títulos homónimos véxase: Vieiros.

Vieiros foi un portal galego de Internet que apareceu o 24 de febreiro de 1996 e pechou o 24 de xullo de 2010. Foi o primeiro sitio privado en empregar a lingua galega na rede.^{[Cómpre referencia]}

Vieiros
Tipo	xornal en liña
Data de fundación	24 de febreiro de 1996
Data de disolución	24 de xuño de 2010
País	España
[ editar datos en Wikidata ]

Historia

Na primavera de 1995 comezou o traballo de deseño e preparación e Vieiros, que tomou o nome da desaparecida revista do Padroado da Cultura Galega de México, viu a luz o 24 de febreiro de 1996, data que coincidía co aniversario do nacemento de Rosalía de Castro e da primeira emisión da Radio Galega.

Nun comezo era un índice de recursos de interese para Galicia, o que o converteu no primeiro directorio da rede galega. O directorio de rexistros deu o salto a Buscador en 1997, nacendo deste xeito o primeiro buscador galego.

Nun principio os recursos organizábanse de forma temática e tamén contiña a sección A Galería, na que se daba a coñecer a obra e biografía dos artistas galegos. Ademais realizáronse especiais como o do Día das letras galegas. No Nadal de 1996 comezou a súa andaina a sección informativa semanal Cousas, que en 1997 se converteu na páxina principal e xa con periodicidade diaria e incorpora un motor de busca, que foi o primeiro buscador galego e posteriormente aparecen edicións locais, charlas en liña.

Foi dirixido por Rocío Castro, Anxo Quintela (durante tres anos), María Yáñez (durante 10 meses en 2006) e Ramón Vilar Landeira (dende finais de outubro de 2006 ata o 24 de xullo de 2010).

Dende a súa creación o editor e propietario foi Lois Rodríguez.

O 24 de xullo de 2010, véspera do Día Nacional de Galicia a través dun editorial anúnciase o peche do portal debido a motivos económicos.

Vieiros é importante na historia da comunicación en Galicia por ser fundamentalmente un medio pioneiro en múltiplas iniciativas que logo se habían de espallar a outros medios. Entre elas salientan:

• Ser o primeiro directorio da rede galega.
• Ser o primeiro buscador galego.
• Realizar o primeiro estudo en profundidade en liña dunhas eleccións galegas: Eleccións Lexislativas de 1996 Arquivado 30 de abril de 2010 en Wayback Machine..
• Organizar en Galicia a primeira charla en liña Arquivado 30 de abril de 2010 en Wayback Machine. entre os navegantes e unha personaxe convidada. Na primeira charla, o 23 de decembro de 1996, a persoa convidada foi Isaac Díaz Pardo. En total realizaron 47 charlas en liña entre os anos 1996 e 2005 onde puxeron en contacto directo os internautas galegos con persoeiros destacados en diferentes eidos da cultura: da literatura (Xosé Luís Méndez Ferrín, Suso de Toro, Fran Alonso, Camilo Franco e Jaureguizar); da música (Milladoiro, Rodrigo Romaní, Mercedes Peón, Anxo Pintos, Uxía Senlle e Viktor Flores); da investigación (Camilo Regueiro, Ramón Flores, Henrique Monteagudo, Ramón Villares e Andrés Torres Queiruga); do deporte (Fran Gómez Pallas); das artes escénicas e o cine (Miguel de Lira, Xesús Ron, Antón Reixa, Xavier Villaverde, Luís Tosar e Mabel Rivera); da política (Encarna Otero, Aina Moll, Xosé Luís Barreiro Rivas, Camilo Nogueira, Anxo Quintana e Roberto Mera); de todo tipo de organizacións sociais (Manuel Soto, Carmen Avendaño, Haji Abdalhasib Castiñeira, Manuel Dios Diz, Bernardo Penabade e Francisco Javier Fernández de Ana Magán); das institucións Alfonso Zulueta de Haz; da investigación (Camilo Regueiro, Ramón Flores e Henrique Monteagudo); do exército (Xosé Fortes); dos medios de comunicación (Ramón Chao, Armand Mattelart, Vicent Partal, Steven Ross, Miguel Anxo Murado e José Luis Alvarez); da arte (EVRU e Carlota Álvarez Basso) e da edición (Víctor Freixanes e Olegario Sotelo Blanco).

Véxase tamén

Bibliografía

• M. Barreiro, Manuel; Pérez Pena, Marcos (2013). "A crise dos medios en galego: informe" (PDF). Colexio Profesional de Xornalistas de Galicia.Pérez Pena, Marcos&rft.aufirst=Manuel&rft.aulast=M. Barreiro&rft.date=2013&rft.genre=unknown&rft.jtitle=Colexio Profesional de Xornalistas de Galicia&rft_id=https://xornalistas.gal/web/uploads/materiais_biblioteca_adxuntos/adxunto/9ac/55c0afd927-informe_medios_galegos.pdf&rft_val_fmt=info:ofi/fmt:kev:mtx:journal" class="Z3988"> 

Ligazóns externas

• Vieiros
• Páxina do 11 de xuño de 1998 en Internet Archive.
• Pérez Pena, Marcos (2021). "Unha ducia de fitos na historia de Vieiros.com". Praza.gal.Pérez Pena&rft.date=2021&rft.genre=unknown&rft.jtitle=Praza.gal&rft_id=https://praza.gal/ducias/fitos-na-historia-de-vieiros.com&rft_val_fmt=info:ofi/fmt:kev:mtx:journal" class="Z3988">