Universidade de Vic - Universidade Central de Cataluña
A Universidade de Vic - Universidade Central de Cataluña (en catalán e oficialmente: Universitat de Vic - Universitat Central de Catalunya), (UVic-UCC), recoñecida pola Lei do Parlamento de Cataluña 5/1997, de 30 de maio, é unha universidade de natureza pública e de xestión privada establecida na cidade de Vic, na provincia de Barcelona, rexida pola Fundació Universitària Balmes que preside o alcalde de Vic.
| Universidade de Vic - Universidade Central de Cataluña | |
|---|---|
 | |
 | |
| Tipo | universidade pública e editor de acceso aberto |
| Data de fundación | 1997 |
| Nº de membros | 996 (2018)  |
| Orzamento | 38781095 euros |
| Sede | Vic |
| En | Vic |
| País | España |
| 41°56′02″N 2°14′50″L / 41.9338, 2.24719 | |
| Na rede | |
| https://www.uvic.cat | |
     | |
| [ editar datos en Wikidata ] | |
É unha institución dedicada á educación superior e á investigación mediante a docencia e a formación continuada, e ten os seus fundamentos no principio de autonomía universitaria, expresada na liberdade de cátedra, de investigación e de estudo. A UVic-UCC é membro da Xarxa Vives d'Universitats e ademais de en Vic, ten campus en Manresa e Granollers.
O emblema da Universidade de Vic é o A de Carlomagno, peza de ourivaría carolingia que simboliza os principios do saber e a súa expansión ilimitada. A divisa que orienta á universidade, Scientiae patriaeque impendere vitam, é un verso de Lucano que significa "Dedicar a vida ao servizo da ciencia e a comunidade".
Historia
editar- 1599. O 26 de xuño, o rei Filipe III concedía ao Estudo Xeral de Vic o privilexio de graduar aos estudantes en Artes e Filosofía. Comezaba a Universidade Literaria de Vic.
- 1717. Como represalia pola Guerra de Sucesión, o rei Filipe V suprimiu todas as universidades catalás porque foran contrarias á súa causa e fundou a Universidade de Cervera, cidade que lle foi leal. A Universidade Literaria de Vic foi a última en depor os graos, en 1717.
- 1749. Fúndase o Seminario de Vic. A existencia do Seminario implicou o retorno dos estudos superiores de Teoloxía á cidade. Neste século arraiga con forza a tradición do Estudante de Vic. A cidade converteuse nun foco cultural importante da Renaixença. Personalidades do talle de Jaume Balmes, Jacint Verdaguer ou o Canonge Collell, e institucións como a Biblioteca Episcopal, o Círcol Literari ou o propio Seminario son exemplos ilustrativos.
- 1873. O Concello da cidade intentou sen éxito refundar a Universidade de Vic, exemplo que expresa a preocupación cidadá por conseguir un centro civil de ensino superior.
- 1977. Creación da Escola Universitaria de Mestres "Jaume Balmes" de Vic, adscrita á Universidade de Barcelona.
- 1979. Creación de Eumo Editorial (EUMO é o acrónimo de Escola Universitaria de Mestres de Osona).
- 1984. Creación de Eumogràfic, estudo de deseño.
- 1987-1988. Primeiro curso dos Estudos Universitarios de Vic con tres escolas universitarias:
- Escola Universitaria de Mestres Balmes.
- Escola Universitaria de Estudos Empresariais de Osona, adscrita á Universidade de Barcelona.
- Escola Universitaria de Enfermería de Osona, adscrita á Universidade Autónoma de Barcelona.
- 1989-1990. Primeiro curso da Escola Universitaria Politécnica de Osona.
- 1993-1994. Primeiro curso da Facultade de Tradución e Interpretación.
- 1997. O 21 de maio celebrouse a sesión plenaria do Parlamento de Cataluña que aprobou a Lei de Recoñecemento da Universidade de Vic por unanimidade de todos os grupos políticos. Recuperábase así, 280 anos máis tarde, a última das universidades suprimidas por Filipe V.
Reitores
editar| Reitor/a | Mandato |
|---|---|
| Ricard Torrents i Bertrana | 1997 - 2002 |
| David Serrat i Congost | 2002 - 2006 |
| Assumpta Fargas i Riera | 2006 - 2010 |
| Jordi Montaña i Matosas | 2010 - 2018 |
| Joan Masnou Suriñach | Jul 2018 - Des 2018 |
| Josep Eladi Baños | 2019 - |
Centros adscritos
editar- BAU Centre Universitario de Deseño
- Escola de Alta Dirección e Administración
- Escola de Cinema de Barcelona (ECIB)