Universidade de Cantabria

A Universidade de Cantabria (UC), fundada como Universidade de Santander, é unha universidade pública situada na comunidade autónoma de Cantabria (España). Ten quince centros distribuídos en tres campus, un localizado en Santander, outro situado en Torrelavega e un terceiro en Comillas. No curso 2015-2016 contaba con 13 454 alumnos, 1 273 profesores e 1 088 persoas en administración e servizos. O seu orzamento para o ano 2016 ascendía a 105 974 462 €. A Universidade de Cantabria obtivo a cualificación definitiva como Campus de Excelencia Internacional polo Goberno de España en decembro de 2014.

Universidade de Cantabria UC
Escudo da UC
Datos xerais
Localización	Cantabria
Datos actuais
Reitor	Ángel Pazos Carro
Alumnos	13 453 dos que * 9 389 en pregrao * 3 324 en posgrao e * 740 en doutoramento
Datos de contacto
Enderezo	Avenida de los Castros s/n., Santander, Cantabria
Páxina web	web.unican.es
[ editar datos en Wikidata ]

Forma parte como membro fundador do Grupo 9 de Universidades (G9) españolas, creado en 1997 co obxectivo de promover a colaboración entre as institucións universitarias que o integran, tanto no que respecta ás actividades docentes e investigadoras como ás de xestión e servizos.

Anualmente a UC publica a súa memoria de actividades.

Historia

Pavillón de Goberno da Universidade.

Hospital Universitario Marqués de Valdecilla, en Santander (Cantabria).

A institución creouse como tal o 18 de agosto de 1972 por decreto do Consello de Ministros co nome de Universidade de Santander. Trece anos despois pasaría a denominarse Universidade de Cantabria.

Con anterioridade a esta data xa existían diversas escolas independentes que posteriormente conformarían ou se irían integrando no que sería a Universidade de Cantabria:

• En 1829 créase a Escola de Comercio e Náutica, na actualidade Escola Técnica Superior de Náutica.
• En 1901 fúndase a Escola de Industrias, xerme do que serían a Escola Politécnica de Enxeñaría Industrial e de Telecomunicacións.
• En 1915 institúese a Escola Normal de Mestres, orixe do que sería a vixente Facultade de Educación.
• En 1929 fúndase a Escola de Enfermeiras do Hospital Marqués de Valdecilla, actualmente Escola Universitaria de Enfermaría.
• Na década de 1950 Torrelavega acolle a Escola de Facultativos de Minas e Fábricas Mineiro-Metalúrxicas e Mineiro-Químicas, o que se convertería na actual Escola Universitaria de Enxeñaría Técnica Mineira.
• En 1969 fúndase a Escola de Graduado Sociais, daquela dependente da Universidade de Oviedo e xerme da Diplomatura en Relacións Laborais dependente da Facultade de Dereito.
• No ano 1966 instáuarse a E.T.S.I. de Camiños, Canais e Portos de Santander, dependente da Universidade de Valladolid.
• En 1969 tócalle a quenda á Facultade de Ciencias, inicialmente só coa especialidade de Físicas, e tamén dependente da Universidade de Valladolid, incorporando despis a sección de Matemáticas e, en 2005, Enxeñaría Informática.
• En 1970 o Concello e a Deputación Provincial de Santander ceden os terreos de Las Llamas na cidade de Santander co fin de crear un campus de 600 000 m².
• Ao ano seguinte, 1971, créase o distrito universitario de Santander.
• En 1973 inicia a súa andaina a Facultade de Medicina.
• Coa creación en 1978 da Facultade de Filosofía e Letras consolídase a autonomía universitaria da UC.

En anos sucesivos iríanse integrando na Universidade as antigas Escolas da Mariña Civil e de Enfermaría, comezándose a impartir novas titulacións e a construción de modernos edificios.

Posteriormente, en decembro de 1999, adscríbese a Escola Universitaria de Turismo Altamira á UC, impartíndose desde o 2000 a diplomatura de Turismo e, xa desde 2009, o grao de Turismo.

En 2005 créase o segundo centro adscrito á Universidade, a Escola de Fisioterapia Gimbernat-Cantabria impartindo a diplomatura en Fisioterapia e, desde 2009 o grao. En 2011 incorpora á súa oferta o grado de Logopedia. Esta Escuoa encóntras situada en Torrelavega, primeiro compartindo edificio coa Politécnica de Minas, e desde 2010 cun propio.

Tamén en 2011 ponse en marcha un novo centro adscrito, o Centro Internacional de Estudos Superiores do Español de Comillas, no que se imparte o grao de Estudos Hispánicos e o máster de Ensinanza de Español para Estranxeiros.

Na actualidade un dos sinais de identidade máis importantes da Universidade de Cantabria é o seu potencial en actividades de investigación, desenvolvemento e innovación. A pesar do seu reducido tamaño en comparación con outras universidades, encóntrase entre os primeiros postos do ránking das universidades españolas, tanto por calidade como por capacidade investigadora, cunha alta produción científica por profesor.

Tamén é destácabel que a Biblioteca da Universidade de Cantabria (BUC) é unha das doce mellores bibliotecas universitarias de España.

Cómpre engadir que a UC elaborou proxectos e estudos demandados por institucións e a administración pública, como exemplo pódese citar o Atlas Dixital da España Universitaria.

En 2007 a Universidade entrou a formar parte da Rede Española de Supercomputación. Froito desta relación, instalouse o supercomputador Altamira.

En novembro de 2009 a UC recibiu a cualificación Campus de Excelencia Internacional CEI 2009 de ámbito rexional na Estratexia Universidade 2015 do Ministerio de Educación de España.

En 2013 a Universidade de Cantabria aparecur por primeira vez no Ránking de Shanghai, situada no intervalo das 151-200 mellores universidades do mundo na área de Física.

Emblemas

Os emblemas da Universidade de Cantabria veñen descritos no Título I, artigo 6, dos seus estatutos.

• O escudo é de forma cuadrilátera arredondada na súa parte inferior, nas proporcións 5 por 6, partido e amplamente entado, na parte esquerda, nun campo de prata, un carballo arrancado de sinople; na parte dereita, nun campo de azur, nao de prata sobre tres ondas de prata e azur; entado de ouro co bisonte de Altamira na súa cor. Bordadura de goles cargada de catro castelos de ouro mazonados de sable, surmontando o escudo unha cartela coa inscrición: Cantabriae Universitas.
• O selo reproduce o seu escudo.
• A bandeira é rectangular (proporcións 2:3), verde (Pantone 326), co escudo da Universidade no centro.

Centros docentes

Edificio Interfacultativo.

Escola Técnica Superior de Enxeñeiros de Camiños, Canais e Portos.

E.T.S.I. de Industriais e Telecomunicacións vista desde o Parque Atlántico de Las Llamas.

Facultade de Ciencias.

Facultade de Ciencias Empresariais e Dereito.

A Universidade de Cantabria conta cos seguintes centros docentes:

Campus de Las Llamas (Santander)

• Escola Técnica Superior de Eneñeiros de Camiños, Canais e Portos
• Escola Técnica Superior de Enxeñeiros Industriais e de Telecomunicacións
• Facultade de Ciencias
• Facultade de Ciencias Económicas e Empresariais
• Facultade de Dereito
• Facultade de Educación
• Facultade de Filosofía e Letras
• Unidade docente de Enxeñaría Ambiental

Facultades e escolas dispersas por Santander

• Escola Técnica Superior de Náutica
• Facultade de Medicina
• Escola Universitaria de Enfermaría "Casa de Salud Valdecilla"
• Escola Universitaria de Turismo "Altamira" (centro adscrito)

Campus de Tanos (Torrelavega)

• Escola Politécnica de Enxeñaría de Minas e Enerxía.
• Escola Universitaria de Fisioterapia Gimbernat-Cantabria (centro adscrito)

Campus de Comillas

• Centro de Estudos do Español (centro adscrito)

Reitores

• Guillermo Gómez Láa - 1977-1980.
• José Miguel Ortiz Melón - 1980-1984.
• Francisco González de Posada - 1984-1986.
• José María Ureña Francés - 1986-1992.
• Jaime Vinuesa Tejedor - 1992-2001.
• Juan José Jordá Catalá - 2001-2002.
• Federico Gutiérrez-Solana Salcedo - 2002-2012.
• José Carlos Gómez Sal - 2012-2016.
• Ángel Pazos Carro - 2016-actualidade.

Profesores destacados

• Juan José Arenas de Pablo, enxeñeiro de camiños e fundador do gabinete Apia XXI.
• Juan Casares Long, catedrátco de Enxeñería Química que, posteriormente, foi reitor da Universidade de Santiago de Compostela.
• Enrique Castillo Ron, enxeñaría civil e estatística.
• Paz M. de la Cuesta Aguado, especialista en Dereito Penal.
• Rafael Domingo Oslé, profesor de Dereito Romano.
• José Ángel García de Cortázar, medievalista.
• Santiago J. López-Vázquez Navarro, regatista olímpico.
• Cristóbal Montoro Romero, ministro de Facenda e Administracións Públicas.
• Miguel Ángel Revilla Roiz, presidente de Cantabria 2003-2011.
• Emilio Santos Corchero, físico teórico.

Véxase tamén

Ligazóns externss

• Web da Universidade de Cantabria
• A UC en cifras (actualizado en 2015)
• Cantabria Campus Internacional Arquivado 10 de outubro de 2011 en Wayback Machine.