Tetrámero

Un tetrámero (de tetra, "catro" -mer, "partes") é un oligómero formado por catro monómeros ou por catro subunidades proteicas. A propiedade asociada denomínase tetramería.

A hemoglobina é un exemplo de proteína tetrámera (de catro subunidades). As subunidades α e β están coloreadas de vermello e azul.

En bioquímica, son tetrámeras as moléculas formadas por catro subunidades, que poden ser iguais (nese caso é un homotetrámero), por exemplo a proteína concanavalina A, ou diferentes (nese caso é un heterotetrámero), por exemplo a proteína hemoglobina. A hemoglobina ten 4 subunidades, iguais dúas a dúas, aínda que todas moi parecidas. As inmunoglobulinas teñen tamén catro subunidades iguais dúas a dúas, pero moi diferentes. As diferentes subunidades dun tetrámero poden ter cada unha a súa propia actividade, como a unión á biotina nos tetrámeros de avidina, ou ter unha propiedade biolóxica común, como a unión alostérica do oxíxeno na hemoglobina.

Véxase tamén

• Proteína tetrámera
• Tetramería (botánica), en plantas con catro compoñentes nos verticilos
• Tetramerium, un xénero de plantas acantáceas
• Tetra, prefixo que significa "catro"
• -mer, sufixo que significa "unidade"