Terrasa

Terrasa
	Terrassa (ca)
	Bandeira Brasón
Localización
	41°33′40″N 2°00′29″L / 41.561111111111, 2.0080555555556
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Vallès Occidental
Capital de	Vallès Occidental
Poboación
Poboación	225.277 (2023) (3.209,07 hab./km²)
Número de fogares	308 (1553)
Lingua oficial	lingua catalá
Xeografía
Superficie	70,2 km²
Bañado por	Riera de Rubí (en) e riu Sec (en)
Altitude	277 m
Comparte fronteira con	Mura ; Rubí ; Ullastrell ; Viladecavalls ; Sant Quirze del Vallès ; Castellar del Vallès ; Sabadell ; Matadepera ; Vacarisses
Datos históricos
Precedido por	Municipium Flavium Egara (en)
Organización política
• Alcalde	Jordi Ballart Pastor (pt) (2011–)
Membro de	Rede de cidades creativas (2017–)
Identificador descritivo
Código postal	08221–08229
Fuso horario	UTC 01:00
Prefixo telefónico	( 34) 93
Código INE	08279
Código territorial IDESCAT	082798
Outro
Irmandado con	Pamiers ; Örebro (comuna) (pt)
Sitio web	terrassa.cat

Terrasa^[1] ou Terrassa^[2] (en catalán: Terrassa, pronunciado [təˈrasə]) é un municipio e cidade española da provincia de Barcelona, en Cataluña. É, xunto con Sabadell, a capital da comarca do Vallès Occidental, ademais de ser a cuarta cidade en poboación de Cataluña.

Xeografía

Terrasa sitúase aos pés da Cordilleira Prelitoral Catalá (Parque Natural de Sant Llorenç de Munt i l'Obac) a 286 metros sobre o nivel do mar e 41º33'40" latitude norte, e a 2º0'29" de lonxitude leste. A 28 km de Barcelona e 20 de Montserrat.

Historia

Os vestixios atopados indican que a zona na que se asenta Terrasa estivo habitada desde a prehistoria. En 2005, durante os traballos de soterramento dunha das liñas do ferrocarril da cidade, atopouse uns restos arqueolóxicos con ferramentas de pedra e fósiles de animais datados entre 700000 e 950000 anos de antigüidade, que o converten nun dos poucos con restos dos primeiros poboadores de Europa ^{[Cómpre referencia]}.

Herdeira da antiga Egara romana, sé episcopal no século V, conserva un importante patrimonio medieval no que destaca o conxunto monumental das igrexas románico-visigóticas de Sant Pere, Sant Miquel e Santa María. Outros vestixios medievais importantes son o castelo cartuxa de Vallparadís (hoxe museo municipal) e a torre do Palau. No século XIX a cidade foi protagonista da revolución industrial con especial dedicación aos tecidos de la, da importancia que chegou a conseguir son froito edificios modernistas como a Masía Freixa (actual conservatorio de música), o vapor Aymerich Amat i Jover (actual Museo da Ciencia e da Técnica de Cataluña), o Teatro Principal, o Mercado da Independencia, o concello ou a casa museo Alegre de Sagrera.

Demografía

Evolución demográfica
1900	1930	1950	1970	1981	2000	2008
20.360	39.975	58.880	138.697	155.360	171.794	206.245

Distritos e barrios

Distrito 1: Plaça de Catalunya i Escola Industrial, Cementiri Vell, Centre, Vallparadís e Antic Poble de Sant Pere.

Distrito 2: Montserrat, Vilardell, Torre-sana e Ca n'Anglada.

Distrito 3: Can Parellada, Les Fonts (parte do barrio está dentro do termo municipal de Sant Quirze del Vallès), Can Jofresa, Guadalhorce i Guadiana, Can Palet II, Xúquer, Segle XX e Can Palet.

Distrito 4: Ca n'Aurell, La Maurina, La Cogullada, Roc Blanc, Les Carbonelles e Can Palet de Vista Alegre.

Distrito 5: Sant Pere, Pla del Bon Aire, Can Roca, Poble Nou i Zona Esportiva, Torrent d'en Pere Parres, Can Boada del Pi, Can Gonteres, Pla del Bon Aire i el Garrot.

Distrito 6: Les Arenes, La Grípia, Can Montllor, Sant Llorenç, Sant Pere Nord, Ègara, Can Tusell.

Terrassa vista desde o oeste; algúns barrios están sinalados.

Cultura e tradicións

A cidade, é herdeira dun rico patrimonio medieval, modernista e industrial, conta cunha extensa rede de bibliotecas (entre as cales a moderna Biblioteca Central de Terrasa, que acolle o legado, entre outras, da histórica Biblioteca Soler i Palet), arquivos e museos.

Arquivos

O Arquivo Histórico Comarcal de Terrasa / Arquivo Comarcal del Vallès Occidental
O Arquivo Municipal Administrativo de Terrassa
O Arquivo Tobella

Museos

Museo da Ciencia e da Técnica de Cataluña.

o Museo de Terrasa, de titularidade municipal, que ten diversas seccións:
- Castelo cartuxa de Vallparadís, no Parc de Vallparadís
- Conxunto Monumental das Igrexas de San Pedro de Terrasa, na antiga vila de Sant Pere
- Casa Alegre de Sagrera, casa modernista na rúa de Font Vella
- Torre del Palau, na praza Vella, único vestixio do castelo palau de Terrassa
- Centro de interpretación da vila medieval de Terrasa
- Convento de San Francisco, no cal destaca o claustro decorado con cubertas cerámicas
O Museo da Ciencia e da Técnica de Cataluña, instalado na antigo vapor Aymeric, Amat i Jover, dependente da Generalitat de Cataluña
O Centro de Documentación e Museo Téxtil, xestionado por un consorcio entre o Concello de Terrasa e a Deputación de Barcelona
O Museo Parroquial do Santo Espírito, dentro da Catedral, na praza Vella