Teodora Porfiroxénita
Teodora (en grego Θεοδώρα, literalmente "don de Deus"), nada no 981 e finada o 31 de agosto de 1056, reinou como emperatriz bizantina do 11 de xaneiro de 1055 ao 31 de agosto de 1056. Era filla de Constantino VIII.
.jpg)  | |
| Nome orixinal | (el) Θεοδώρα |
|---|---|
| Biografía | |
| Nacemento | c. 984 Constantinopla, Turquía |
| Morte | 31 de agosto de 1056 (71/72 anos) Constantinopla, Turquía |
| Lugar de sepultura | Igreja dos Santos Apóstolos (pt)  |
| Emperatriz bizantina | |
| 19 de abril de 1042 – 31 de agosto de 1056 ← Zoe Porfiroxénita, Miguel V – Miguel VI Estratiótico → | |
| Actividade | |
| Ocupación | política |
| Outro | |
| Título | Raíña Reinante |
| Familia | Dinastia macedônica (pt) |
| Pais | Constantino VIII e Helena |
| Irmáns | Zoe Porfiroxénita Eudokia |
| Parentes | Manuel, tío paterno |
| Descrito pola fonte | Dicionario Enciclopédico Brockhaus e Efron Encyclopædia Britannica |
Traxectoria
editarCun carácter austero e forte, rexeitou a man do suposto herdeiro, o futuro Romano III, que foi desposado entón coa súa irmá Zoe en 1028. E aínda que viviu bastante retirada do mundo, espertou os celos de Zoe, que a confinou nun mosteiro pretextando unha suposta conspiración.
O 19 de abril de 1042 o movemento popular que deu lugar ao destronamento de Miguel V tamén conduciu á entronización de Teodora como coemperatriz coa súa irmá Zoe. Tras dous meses de participación activa no goberno, aceptou ser desprazada do poder polo novo marido de Zoe, Constantino IX o 11 de xuño de 1042.
A raíz da morte deste, o 11 de xaneiro de 1055, e malia contar ela con máis de setenta anos de idade, fixo valer con vigor os seus dereitos ao trono, e frustrou un intento de ser apartada do poder en beneficio do xeneral Nicéforo Briennio. Grazas á súa administración firme, controlou os nobres rebeldes e acabou con moitos abusos, pero menoscabou a súa reputación pola excesiva severidade cara aos seus inimigos privados e polo indebido uso dos seus serventes como conselleiros. Morreu repentinamente o 31 de agosto de 1056. Ao non ter fillos e ser a última da súa dinastía, escolleu a un dos seus favoritos como sucesor: Miguel VI. Pero este non tiña relación ningunha coa casa que gobernara o Imperio durante os anteriores 189 anos (867 - 1056), e por iso non se considerou que tivese dereito ao trono. Desta situación derivouse unha serie de loitas polo trono entre varias familias nobres que duraron ata 1081.
| Imperio Bizantino | ||
|---|---|---|
Segue a: Constantino IX |
Teodora Porfiroxénita | Precede a: Miguel VI |
| Dinastía Macedonia | ||