Kitāb Rūŷar
O Kitāb Rūŷar ou Libro de Roxerio (en árabe: نزهة المشتاق في اختراق الآفاق; Nuzhat al-mushtāq fi'khtirāq al-āfāq, lit. "O libro de agradables viaxes a terras afastadas"), a miúdo coñecido como Tabula Rogeriana (en latín), é unha obra xeográfica na que se fai unha descrición do mundo, e que incorpora un mapamundi. Foi realizada en 1154 polo xeógrafo e cartógrafo almorábide Muhammad al-Idrisí,[1] a petición de Roxerio II de Sicilia, rei normando de Sicilia.[2][3]
| Kitāb Rūŷar | |
|---|---|
 | |
| Autor/a | Muhammad al-Idrisí |
| Orixe | Reino de Sicilia |
| Lingua | lingua árabe |
| Tema(s) | xeografía |
| Data de pub. | 1154 |
| Na rede | |
 | |
| [ editar datos en Wikidata ] | |
Historia
editarAl-Idrisí traballou nos comentarios e ilustracións do mapa durante quince anos na corte do rei Roxerio II de Sicilia, que lle encargara a obra ao redor de 1138.
Foi o mapa máis preciso do mundo durante os seguintes tres séculos. [3][4]
Contidos
editarBaseada nas obras clásicas, consta, ao igual que aquelas, de tres partes:
- Na primeira, seguindo a Geographia de Ptolomeo, descríbese a forma e as dimensións da Terra.
- A segunda parte céntrase nas divisións do planeta; para iso segue dous modelos, no primeiro divide o mundo en sete franxas paralelas ao ecuador, seguindo a tradición grega de división en grandes zonas climáticas, no segundo modelo, en cambio, segue a tradición islámica, dividindo en dez seccións contando desde Occidente a Oriente.
- Por último, na terceira parte, preséntanse diferentes territorios a través de itinerarios. Nos lugares máis importantes, segue a tradición corográfica de destacar os aspectos máis relevantes da súa historia, lugar físico, etc.
A cartografía asociada ao libro denomínase Tabula Rogeriana.
Notas
editar- ↑ Al-Idrîsî géographe (en francés).
- ↑ Houben 2002, pp. 102-104.
- ↑ 3,0 3,1 Harley & Woodward 1992, pp. 156-161.
- ↑ Scott 2021.
Véxase tamén
editarWikimedia Commons ten máis contidos multimedia na categoría: Kitāb Rūŷar  |
Bibliografía
editar- Bacharach, Jere L. (2006). Medieval Islamic Civilization: An Encyclopedia (en inglés). Routledge. ISBN 978-0-4159-6690-0.
- Harley, John Brian; Woodward, David (1992). The History of Cartography, vol. 2 (en inglés). Oxford University Press. ISBN 978-0-2263-1635-2.
- Houben, Hubert (2002). Roger II of Sicily: A Ruler Between East and West (en inglés). Cambridge University Press. ISBN 978-0-5216-5573-6.
- Scott, S. P. (2021). History of the Moorish Empire in Europe (en inglés). Bloomsbury Publishing. ISBN 978-1-7845-3533-9.