Estadio Municipal de Poznan

O Estadio Municipal de Poznan (en polaco: Stadion Miejski w Poznaniu) é un estadio multiúsos situado na cidade de Poznań, Polonia. Habitualmente é utilizado para encontros de fútbol, sendo o feudo dos equipos locais, o Lech Poznań e o Warta Poznań.

Stadion Miejski w Poznaniu
Estadio Municipal de Poznań
Datos
Coordenadas	52°23′50″N 16°51′29″L
Localización	Poznań, Polonia
Construción
Inauguración	23 de agosto de 1980
Arquitecto	Modern Construction Design Sp.
Estadio
Superficie	Céspede
Dimensións	105 x 68
Capacidade	43.269
Propietario	Cidade de Poznań
Operadora	Lech Poznań
Localía	Lech Poznań Warta Poznań
Eventos
UEFA Euro 2012
[ editar datos en Wikidata ]

Historia

O estadio foi inaugurado o 23 de agosto de 1980, aínda que a súa construción comezara xa en 1968. No momento da súa apertura contaba con aforamento para 17.000 espectadores. O partido inaugural enfrontou ao Lech Poznań e ao Motor Lublin, que remataron o encontro con empate a un gol. Marek Skurczyński (Lech) marcou o primeiro gol no estadio.

En 2002 comezou un proceso de renovación que consistiu na reconstrución case total do estadio, que dispón trala súa culminación dunha capacidade de 45.830 asentos, todos cubertos. O motivo da súa renovación foi o seu nomeamento para albergar encontros da UEFA Euro 2012 de Polonia e Ucraína. Foi reinaugurado o 20 de setembro de 2010 cun concerto do músico británico Sting.

Eurocopa 2012

Artigo principal: Eurocopa de Fútbol Polonia/Ucraína 2012.

Partidos

O Estadio Municipal de Poznań albergou durante o campionato tres encontros, todos correspondentes á fase de grupos (grupo C). Os partidos foron os seguintes:

Data	Fase	Equipo		Resultado		Equipo	Espectadores
10 de xuño	Primeira rolda	Irlanda		1 - 3		Croacia	39.550
14 de xuño	Primeira rolda	Italia		1 - 1		Croacia	37.096
18 de xuño	Primeira rolda	Italia		2 - 0		Irlanda	38.794

Galería de imaxes

• 
  Vista exterior
• 
  Interior

Véxase tamén

Outros artigos

• Sedes da Eurocopa de Polonia e Ucraína 2012

Ligazóns externas

• Vista aérea do estadio
• Sitio web oficial da UEFA Euro 2012