Sebastián Malvar Pinto

Sebastián Malvar Pinto, tamén coñecido como o Arcebispo Malvar, nado en Salcedo en novembro de 1730 e finado en Santiago de Compostela o 25 de setembro de 1795, foi un relixioso franciscano galego, bispo de Buenos Aires (1778-1783) e arcebispo de Santiago de Compostela (1783-1795). Foi tío de Andrés, Manuel e Pedro Acuña Malvar.

Sebastián Malvar Pinto

Biografía
Nacemento	(es) Sebastián Malvar y Pinto 1730 Salcedo, España
Morte	25 de setembro de 1795 (64/65 anos) Santiago de Compostela, España
Arcebispo de Santiago de Compostela
15 de decembro de 1783 – ← Francisco Alejandro de Bocanegra y Xibaja – Felipe Antonio Fernández Vallejo → Diocese: Arquidiocese de Santiago de Compostela
Bishop of the Port of Buenos Aires (en)
19 de outubro de 1777 – ← Manuel Antonio de la Torre (en) – Manuel Azamor y Ramírez (pt)  → Diocese: Bishopric of the Holy Trinity of the Port of Buenos Aires (en)
Datos persoais
Relixión	Igrexa católica
Educación	Universidade de Salamanca
Actividade
Ocupación	bispo católico (1778–), curato (pt)
Orde relixiosa	Ordes franciscanas e Orde dos Freires Menores
Consagración	Felipe Beltrán Serrano (pt)
Descrito pola fonte	Dicionario biográfico de Galicia Gran Enciclopedia Galega Silverio Cañada Diccionario bio-bibliográfico de escritores

Lápida sepulcral do Arcebispo Malvar, no claustro da Catedral de Santiago.

Traxectoria

Foi bautizado o 23 de novembro de 1730. Estudou no convento de San Francisco de Pontevedra e no convento de San Francisco de Ribadavia. Realizou estudos eclesiásticos en Salamanca, cidade onde se ordenou como franciscano o 5 de marzo de 1747. Completou a súa formación anos despois realizando estudos de Teoloxía, e finalmente obtivo o grao de doutor na universidade salmantina e unha cátedra de Teoloxía, o que lle deu renome e fama. En 1777 foi designado para ocupar a sé episcopal de Buenos Aires, a onde viaxou acompañado do seu sobriño sacerdote Pedro Acuña Malvar, e do seu confesor persoal Frei Pedro Guitián Arias.

Unha vez en Buenos Aires, Malvar percorreu o territorio e observou a necesidades de igrexas, polo que ordenou erixir novas parroquias e poboados. As súas primeiras iniciativas á fronte da súa diocese foron encamiñadas a mellorar os costumes e a incrementar a evanxelización, preocupándose tamén por finalizar as obras de reconstrución da catedral porteña. Nos seis anos que permaneceu na diocese o bispo Malvar tivo varios enfrontamentos co vicerrei Juan José de Vértiz y Salcedo –un crioulo con tendencias renovadoras-, así como co cabido catedralicio, por cuestións de preferencia e privilexios.

En 1784 foi nomeado arcebispo de Santiago de Compostela, grazas, entre outros méritos, á súa implicación na sufocación da rebelión encabezada polo inca José Gabriel Cordoncanqui (Túpac Amaru II). Na viaxe de regreso, ao desembarcar en Cádiz, protagonizou xunto co seu sobriño un curioso suceso: os funcionarios de aduanas acusáronos de traer, fraudulentamente, na equipaxe que portaban, unha considerable cantidade de barras de ouro sen rexistrar. Para resolver o incidente Malvar doou a mercancía á Coroa, co que quedaba exenta de rexistro. Con todo, ao parecer, o rei devolveulla para que a empregase en obras en Compostela.

O arcebispo Malvar faleceu na capital da súa arquidiocese aos once anos de tomar posesión dela.

Véxase tamén

Bibliografía

• "Malvar Pinto, Sebastián". Diccionario enciclopédico galego universal 40. La Voz de Galicia. 2003-2004. p. 26. ISBN 84-7680-429-6. 
• "Malvar Pinto, Sebastián". Dicionario biográfico de Galicia 2. Ir Indo Edicións. 2010-2011. p. 268. 
• "Malvar Pinto, Sebastián". Enciclopedia Galega Universal 11. Ir Indo. 1999-2002. p. 369. ISBN 84-7680-288-9. 
• Castro, Manuel de (2005). "Malvar y Pinto, Sebastián". Gran Enciclopedia Galega Silverio Cañada (DVD). El Progreso. ISBN 84-87804-88-8.Castro&rft.btitle=Gran Enciclopedia Galega Silverio Cañada&rft.date=2005&rft.genre=bookitem&rft.isbn=84-87804-88-8&rft.pub=El Progreso&rft_val_fmt=info:ofi/fmt:kev:mtx:book" class="Z3988"> 
• Cebrián Franco, Juan José (1997). Obispos de Iria Flavia y arzobispos de Santiago (en castelán). Santiago de Compostela: Agencia Gráfica. ISBN 84-605-6048-1.Cebrián Franco&rft.btitle=Obispos de Iria Flavia y arzobispos de Santiago&rft.date=1997&rft.genre=book&rft.isbn=84-605-6048-1&rft.place=Santiago de Compostela&rft.pub=Agencia Gráfica&rft_val_fmt=info:ofi/fmt:kev:mtx:book" class="Z3988"> 
• Couceiro Freijomil, Antonio (1952). Diccionario bio-bibliográfico de escritores (en castelán) II. Bibliófilos Gallegos. pp. 367–368.Couceiro Freijomil&rft.btitle=Diccionario bio-bibliográfico de escritores&rft.date=1952&rft.genre=book&rft.pages=367-368&rft.pub=Bibliófilos Gallegos&rft_val_fmt=info:ofi/fmt:kev:mtx:book" class="Z3988"> 
• García Cortés, C. (1999). "Fr. Sebastián Malvar Pinto, O. F. M. (1730-1795), Obispo de Buenos Aires y Arzobispo de Compostela". Compostellanum (en castelán) 44 (1-2): 153–181. ISSN 0573-2018.Garc�a Cortés&rft.date=1999&rft.genre=article&rft.issn=0573-2018&rft.issue=1-2&rft.jtitle=Compostellanum&rft.pages=153-181&rft.volume=44&rft_val_fmt=info:ofi/fmt:kev:mtx:journal" class="Z3988"> 
• López Ferreiro, Antonio (1898). Historia de la Santa Apostólica Metropolitana Iglesia de Santiago de Compostela (en castelán) XI. pp. 41–91.López Ferreiro&rft.btitle=Historia de la Santa Apostólica Metropolitana Iglesia de Santiago de Compostela&rft.date=1898&rft.genre=book&rft.pages=41-91&rft_val_fmt=info:ofi/fmt:kev:mtx:book" class="Z3988"> 
• Reitano, Emir (2009). "Sebastián Malvar y Pinto. Un obispo de Buenos Aires en conflicto con la autoridad virreinal". Iacobus (en castelán) (25-26): 365–382. ISSN 1137-2397.Reitano&rft.date=2009&rft.genre=article&rft.issn=1137-2397&rft.issue=25-26&rft.jtitle=Iacobus&rft.pages=365-382&rft_val_fmt=info:ofi/fmt:kev:mtx:journal" class="Z3988"> 

Ligazóns externas

• Malvar y Pinto, Sebastián na Xacopedia.
• D. Sebastián Malvar e Pinto (1786) no sitio web da Real Sociedade Económica de Amigos do País de Santiago.