Salmónidos

Salmónidos Salmonidae Rango fósil: cretáceo superior - actualidade
Troita (Salmo trutta fario)
Clasificación científica
Reino: Animalia Filo: Chordata Subfilo: Vertebrata Infrafilo: Gnathostomata Superclase: Osteichthyes Clase: Actinopterygii Subclase: Neopterygii Infraclase: Teleostei Superorde: Protacanthopterygii Orde: Salmoniformes Bleeker, 1859 Familia: Salmonidae Autor en discusión
Xéneros
Ver no texto

A dos salmónidos (Salmonidae) é a única familia da orde dos salmoniformes (Salmoniformes), peixes teleósteos mariños, os máis deles anádromos e algúns de augas doces, que se distribúen de forma natural por todo o hemisferio Norte, pero que foron amplamente introducidos polo ser humano en augas frías de ríos de todo o mundo para a pesca.

Inclúe especies como as troitas e os salmóns do Vello Mundo, os salmóns do Pacífico, as troitas do xénero Salvelinus, os salmóns do xénero Huso, os corégonos (xénero Coregonus) e os tímalos (xénero Thymallus).

Algunhas das súas especies son, ademais, extensamente criadas en acuicultura, tanto que existe unha especialidade dentro deste tipo de actividades, a acuicultura de salmónidos.

Os salmoniformes apareceron por primeira vez no rexistro fósil no cretáceo superior.

Etimoloxía

O seu nome científico, Salmoniformes deriva do latín salmo, que é como chamaban na antiga Roma ao salmón, e o elemento -iformes, co que se constrúen os nomes das ordes de peixes.

Ademais da orde, salmo dá o nome ao xénero Salmo, que é o tipo non só da orde, senón tamén da súa única familia, Salmonidae, ao que pertence o salmón propiamente dito e as troitas.

Anatomía

Teñen escamas pequenas tipo cicloide; non presentan espiñas nas aletas, tendo todos eles no seu lombo unha aleta adiposa; algunha especie pode acadar até 1,5 m de lonxitude máxima.

Hábitat e bioloxía

Moitos destes peixes son anádromos, pasando parte da súa vida no mar, pero retornando aos ríos que remontan até preto da súa cabeceira para desovar nos leitos de grava; tras isto moitos deles morren.

Importancia para o ser humano

Son especies moi valoradas na pesca, tanto comercial como deportiva; tamén moitas son moi usadas na acuicultura, tendo grande importancia a súa comercialización para a alimentación humana.

Clasificación

Filoxenia dos Salmónidos

Coregoninae   Prosopium       Stenodus     Coregonus         Thymallinae Thymallus   Salmoninae     Salmo     Salvelinus (incl. Salvethymus)         Oncorhynchus       Brachymystax       Parahucho     Hucho

A familia subdivídese en 3 subfamilias que agrupan 11 xéneros que reúnen as 209 especies actualmente válidas:

• Subfamilia coregoninos Bonaparte, 1845
  • Coregonus Linnaeus, 1758
  • Prosopium Jordan, 1878
  • Stenodus Richardson, 1836
• Subfamilia salmoninos Jarocki or Schinz, 1822
  • Brachymystax Günther, 1866
  • Hucho Günther, 1866
  • Oncorhynchus Suckley, 1861
  • Parahucho Vladykov, 1963
  • Salmo Linnaeus, 1758
  • Salvelinus Richardson, 1836
  • Salvethymus Chereshnev e Skopets, 1990
• Subfamilia timalinos Gill, 1885
  • Thymallus Linck, 1790

Galería

• 
  Prosopium cylindraceum
• 
  Coregonus clupeaformis
• 
  Salmo salar
• 
  Thymallus arcticus

Véxase tamén

Bibliografía

• Benton, M. J. (2000): Vertebrate Palaeontology: Biology and Evolution. Blackwell Publishing. ISBN 0-632-05614-2. Resumo
• Nelson, J. S. (2006): Fishes of the World. 4th ed. Nova York: John Wiley and Sons, Inc. ISBN 0-471-25031-7.
• van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N. & Froese, R. (2001): "Pisces", en: Costello, M. J. et al., eds. (2001): European register of marine species: a check-list of the marine species in Europe and a bibliography of guides to their identification. Collection Patrimoines Naturels, 50: pp. 336–351.

Outros artigos

• Teleósteos
• Acuicultura de salmónidos

Ligazóns externas

• Froese, Rainer, e Daniel Pauly, eds. (2004): Salmoniformes en FishBase. Versión outubro de 2004.
• Sistema Integrado de Información Taxonómica. "Salmonidae (TSN 161931)" (en inglés). 
• Salmoniformes en ADW.
• Salmonidae en ADW.
• Salmoniformes en NCBI.
• Salmonidae en NCBI.