Sacarosa

A sacarosa ou azucre común é un disacárido formado por unha molécula de glicosa e outra de frutosa. Non ten poder redutor sobre o licor de Fehling.

Sacarosa
Fórmula esquelética da sacarosa
Modelo de bólas e paus da sacarosa
Modelo da sacarosa
Nome IUPAC (2R,3R,4S,5S,6R)-2-[(2S,3S,4S,5R)-3,4-dihidroxi-2,5-bis(hidroximetil)oxolan-2-il]oxi-6-(hidroximetil)oxano-3,4,5-triol
Outros nomes Azucre de mesa; α-D-glicopiranosil-(1→2)-β-D-frutofuranósido; β-D-frutofuranosil-(2→1)-α-D-glicopiranósido; β-(2S,3S,4S,5R)-frutofuranosil-&alfa;-(1R,2R,3S,4S,5R)-glicopiranósido; &alfa;-(1R,2R,3S,4S,5R)-glicopiranosil-β-(2S,3S,4S,5R)-frutofuranósido ((2R,3R,4S,5S,6R)-2-[(2S,3S,4S,5R)-3,4-dihidroxi-2,5-bis(hidroximetil)oxapent-2-il]oxi-6-(hidroximetil)oxahexano-3,4,5-triol)
Identificadores
Número CAS	57-50-1
PubChem	5988
ChemSpider	5768
UNII	C151H8M554
Número CE	200-334-9
DrugBank	DB02772
ChEBI	CHEBI:17992
ChEMBL	CHEMBL253582
Número RTECS	WN6500000
Imaxes 3D Jmol	Image 1
SMILES O1[C@H](CO)[C@@H](O)[C@H](O)[C@@H](O)[C@H]1O[C@@]2(O[C@@H]([C@@H](O)[C@@H]2O)CO)CO
InChI InChI=1S/C12H22O11/c13-1-4-6(16)8(18)9(19)11(21-4)23-12(3-15)10(20)7(17)5(2-14)22-12/h4-11,13-20H,1-3H2/t4-,5-,6-,7-,8 ,9-,10 ,11-,12 /m1/s1 Key: CZMRCDWAGMRECN-UGDNZRGBSA-N InChI=1/C12H22O11/c13-1-4-6(16)8(18)9(19)11(21-4)23-12(3-15)10(20)7(17)5(2-14)22-12/h4-11,13-20H,1-3H2/t4-,5-,6-,7-,8 ,9-,10 ,11-,12 /m1/s1
Propiedades
Fórmula molecular	C12H22O11
Masa molecular	342,30 g/mol
Aspecto	sólido branco
Densidade	1,587 g/cm3, sólido
Punto de fusión	Ningún; decomponse a 186 °C
Solubilidade en auga	2000 g/L (25 °C)
log P	−3,76
Estrutura
Estrutura cristalina	Monoclínico
Grupo espacial	P21
Perigosidade
EU Index	non listado
NFPA 704	1 0 0
Compostos relacionados
Compostos relacionados	Lactosa Maltosa
Se non se indica outra cousa, os datos están tomados en condicións estándar de 25 °C e 100 kPa.

O seu nome químico é alfa-D-glucopiranosil(1->2)-beta-D-fructofuranósido.

A súa fórmula química é: (C₁₂H₂₂O₁₁)

Na natureza está presente nun 20% en peso na cana de azucre e nun 15% do peso na remolacha azucreira, da que se obtén o azucre de mesa. O mel tamén contén gran cantidade de sacarosa parcialmente hidrolizada. O azucre de mesa é o edulcorante máis utilizado para adozar os alimentos.

Unha curiosidade da sacarosa é que presenta triboluminiscencia, que produce luz mediante unha acción mecánica.

Estrutura e función

A sacarosa (azucre de mesa) é un disacárido de glicosa e frutosa. Sintetízase nas plantas, pero non en animais superiores. Non contén ningún átomo de carbono anomérico libre, posto que os carbonos anoméricos das dúas unidades monosacáridas constituíntes están unidos entre si, covalentemente, mediante un enlace O-glucosídico. Por esta razón, a sacarosa non é un azucre redutor e tampouco posúe un extremo redutor.

O seu nome abreviado pode escribirse como Glc(a -1à 2)Fru ou como Fru(b 2à 1)Glc. A sacarosa é un produto intermedio principal da fotosíntese. En moitas plantas constitúe a forma principal de transporte de azucre dende as follas a outras partes da planta. Nas sementes xerminadas de plantas, algunhas graxas e proteínas almacenadas convértense en sacarosa para o seu transporte a partir da planta en desenvolvemento.

A sacarosa como nutriente

Sacarosa

Valor nutricional por 100 g
Enerxía	1 620 kJ (390 kcal)
Carbohidratos	100 g
Graxas	0 g
Proteínas	0 g
Vitaminas	Cantidade %DV†
Tiamina (B1)	0% 0 mg
Riboflavina (B2)	0% 0 mg
Niacina (B3)	0% 0 mg
Vitamina C	0% 0 mg
Minerais	Cantidade %DV†
Ferro	0% 0 mg
Fósforo	0% 0 mg
Potasio	0% 2.0 mg
Selenio	1% 0.6 μg
Ligazón á base de datos USDA
Units μg = microgramos • mg = miligramos IU = Unidades internacionais
†As porcentaxes son aproximadas empregando a recomendación de US para os adultos. Fonte: Base de datos USDA Nutrient

A sacarosa úsase nos alimentos polo seu poder adozante. Ó chegar ó estómago sofre unha hidrólise ácida e unha parte desdóbrase nos seus compoñentes glicosa e frutosa. O resto de sacarosa pasa ao intestino delgado, onde o enzima sacarase convértea en glicosa e frutosa.

Precaucións

Se se quenta pasa a estado líquido, no que é moi perigosa, xa que se atopa a moi alta temperatura e pode queimar a pel. Debido a súa baixa calor de fusión , pasa a estado líquido moi rapidamente, e pégase ó recipiente que o conten con moita facilidade.

O seu consumo excesivo pode causar diabetes, carie dental, o incluso a caída dos dentes. Hai persoas que sofren intolerancia á sacarosa, debido á falta do enzima sacarase, e que non poden tomar sacarosa, xa que lles provoca problemas intestinais.

Uso comercial

A sacarosa é o edulcorante máis utilizado no mundo industrializado, aínda que ten sido substituída en parte na preparación industrial de alimentos por outros adozantes tales como xaropes de glicosa, ou por combinacións de ingredientes funcionais e adozantes de alta intensidade.

Extraese xeralmente da cana de azucre ou da remolacha requirindo un proceso de purificación e cristalización. Outras fontes comerciais (de menor importancia) son o sorgo doce e o xarope de pradairo.

A utilización da sacarosa debese ó seu poder adozante a ás súas propiedades funcionais, como a consistencia; por tal motivo é importante para a estrutura de moitos alimentos incluíndo galletas, merengues, claras a punto de neve e sorbetes. Ademais emprégase na conservación de alimentos (marmelo) e en moita da chamada "comida lixo".