Rublo soviético

Para outras páxinas con títulos homónimos véxase: Rublo.

Rublo soviético †
советский рубль en ruso
Código:	SUR
Ámbito:	Unión Soviética
Símbolo:	руб
Fracción:	100 kópecks
Moedas:	1, 2, 3, 5, 10, 15, 20, 50 kópecks 1, 5, 10 rublos
Billetes:	1, 3, 5, 10, 25, 50, 100, 200, 500, 1.000 rublos
Emisor:	Gosbank
Taxa de troco: fixa	1 EUR = 2,20371 NLG
Substituída polo rublo ruso en 1991

O rublo soviético (en ruso: рубль) foi a unidade monetaria da Unión Soviética entre 1919 e 1991. Estaba dividido en 100 kopeks (en ruso: копейки, sing. копейка). O seu código ISO 4217 era SUR.

Entre 1991 e 1995 o rublo soviético foi substituído polas seguintes moedas: dram armenio, manat acerbaixano, rublo belaruso, lari xeorxiano, tenge kazako, som kirguiz, rublo letón, talonas lituano, cupón moldovo, rublo ruso, rublo de Transnistria, rublo taxico, manat turcomán, karbóvanets ucraíno, som uzbeko e coroa estoniana.

A moeda soviética tiña o seu propio nome dentro de todas as linguas oficiais da URSS, ás veces distintos da designación rusa. Todos os billetes tiñan cadanseu valor e denominación escritos nos idiomas das repúblicas soviéticas. Hoxe en día o nome propio mantívose, por exemplo no casto de Tartaristán, onde ao rublo e ao kopek coñéceselles como sum e tien. Tras a independencia das repúblicas soviéticas, moitas mantiveron o nome local do rublo para emitir a súa propia moeda.

A continuación detállase o nome do rublo nos distintos idiomas oficiais da Unión Soviética.

Lingua	Denominación		Transliteración
	Rublo	Kópeck	Rublo	Kópeck
Ruso	рубль	копейка	rubl’	kopeika
Ucraíno	карбованець	копійка	karbovanets’	kopiyka
Belaruso	рубель	капейка	rub’el’	kapeika
Uzbeko	сўм	тийин	so'm'	tiyin
Kazako	сом	тиын	som	tiyn
Xeorxiano	მანეთი	კაპიკი	maneti	kapiki
Azerí	манат	гəпик	manat	qəpik
Lituano	rublis	kapeika	—	—
Moldovo	рублэ	копейкэ	rublă	copeică
Letón	rublis	kapeika	—	—
Kirguiz	сом	тыйн	som	tyin
Taxico	сўм	тин	sum	tin
Armenio	ռուբլի	կոպեկ	roubli	kopek
Turcomán	манат		manat
Estoniano	rubla	kopikas	—	—