Roland Barthes

Roland Barthes, nado en Cherbourg o 12 de novembro de 1915 e finado en París o 25 de marzo de 1980, foi un escritor e semiólogo francés.

Roland Barthes

Biografía
Nacemento	(fr) Roland Gérard Barthes 12 de novembro de 1915 Cherbourg, Francia
Morte	26 de marzo de 1980 (64 anos) 13º distrito de París, Francia
Causa da morte	morte accidental, atropelo
Lugar de sepultura	Urt
Educación	Liceo Louis-le-Grand Lycée Montaigne (en) Facultade de Artes de París
Actividade
Campo de traballo	Crítica literaria, teoría da literatura, semiótica e actividade literaria
Ocupación	filósofo, mitógrafo, teórico literario, ensaísta, escritor, sociólogo, profesor universitario, semiologist (en) , crítico literario, ontologista (pt)
Empregador	Collège de France (pt) , catedrático (1976–1980) École des hautes études en sciences sociales (pt) Centre national de la recherche scientifique
Xénero artístico	Ensaio e diario
Movemento	Estruturalismo
Profesores	Charles Panzéra
Alumnos	Simón Suárez
Influencias	Ferdinand de Saussure, Albert Camus, Jean-Paul Sartre, Karl Marx e Gaston Bachelard
Obra
Obras destacables (1957) Mythologies (en) (1967) The Death of the Author (en)
Doutorando	Jean Davallon, André Labarrère, Alberto Ruy-Sánchez (pt) , Danièle Sallenave, Pierre Bergounioux, Gérard Blanchard, Virgil Tanase (pt) , Yve-Alain Bois (pt) , Pascal Bruckner e Tzvetan Todorov
Familia
Cónxuxe	sen valor
Sinatura
Descrito pola fonte	UbuWeb

Traxectoria

A súa infancia transcorreu en Baiona, e á idade de dez anos trasladouse a París. Realizou os seus estudos no Liceo Louis-le-Grand e na Facultade de Letras da Universidade de París. Alí titulouse en Letras Clásicas (1939) e Gramática e Filosofía (1943), mais despois tivo que interromper as súas actividades durante varios anos por mor dunha enfermidade.

Foi lector (profesor nativo) de francés en Alexandría e en Bucarest. Despois da Segunda guerra mundial, entre 1952 e 1959, traballou no Centro Nacional da Investigación Científica (CNRS), en París. Finalmente, foi nomeado xefe de Traballos de Investigación e, en 1962, xefe de estudos da Escola Práctica de Altos Estudos, organismo onde se adicou á investigación acerca da socioloxía dos símbolos, os signos e as representacións.

En 1967 escribiu a súa obra máis coñecida, o ensaio A morte do autor, e tres anos máis tarde a que moitos consideran a súa obra máis prodixiosa: S/Z. Durante a década de 1970 continuou desenvolvendo a súa crítica literaria, buscando novos ideais de textualidade e neutralidade novelística a través das súas obras.

Barthes morreu en 1980 tras ser atropelado por unha camioneta de lavandería na rúa das Écoles, xusto fronte á Sorbona, mentres regresaba dunha comida que tivera con François Mitterrand, e que a prensa ocultou para evitar que acusasen o político de gafe.

Pensamento

É parte da escola estruturalista, influenciado polo lingüista Ferdinand de Saussure, e crítico dos conceptos teóricos complexos que circularon dentro dos centros educativos franceses nos anos 50.

A súa produción literaria experimentou diversas evolucións: dende unhas orixes sartrianas extremas, desenvolveu despois unha investigación propiamente semiolóxica, cun interese especial pola lingüística. Durante un tempo interesouse polo campo chamado "texto": a obra literaria considerada dende diversos puntos de vista, nunca unilateralmente, e que implicaba, ou ben unha filosofía do suxeito de tipo psicanalítica, ou ben unha filosofía da sociedade de tipo marxista ou política.

Véxase tamén

Ligazóns externas

• Las muertes de Roland Barthes por Jacques Derrida (en castelán)
• Roland Barthes por Philippe Sollers (en francés)