Rafael Salgado Torres

Rafael Salgado Torres, nado na Coruña o 23 de outubro de 1914 e finado na mesma cidade o 20 de setembro de 1987, foi un político galego.

Rafael Salgado Torres

Biografía
Nacemento	23 de outubro de 1914 A Coruña, España
Morte	20 de setembro de 1987 (72 anos) A Coruña, España
Procurador en Cortes
6 de novembro de 1967 – 12 de novembro de 1971 Lexislatura: IX lexislatura das Cortes franquistas
Procurador en Cortes
3 de xullo de 1964 – 15 de novembro de 1967 Lexislatura: VIII lexislatura das Cortes franquistas
Procurador en Cortes
31 de maio de 1961 – 6 de xuño de 1964 Lexislatura: VII lexislatura das Cortes franquistas
Procurador en Cortes
16 de maio de 1958 – 18 de abril de 1961 Lexislatura: VI lexislatura das Cortes franquistas
Presidente do Deportivo da Coruña
12 de agosto de 1952 – 7 de marzo de 1953
Alcalde de Bergondo
marzo de 1948 – 1956 ← Juan Zapata Monteiro
Actividade
Lugar de traballo	Madrid
Ocupación	político

Traxectoria

Profesor mercantil. Foi un dos primeiros militantes de Falange da Coruña. Foi detido en abril de 1936. Logo do golpe de Estado do 18 de xullo de 1936 foi xefe local de Milicias da Coruña. Incorporouse ao exército franquista como alférez provisional. Mutilado de guerra. Foi Delegado Provincial de Información e Investigación de FET y de las JONS da Coruña (1943) e concelleiro da Coruña. Foi nomeado delegado gobernativo do concello de Bergondo en marzo de 1948, permanecendo como alcalde até o 4 de xaneiro de 1956. Foi Conselleiro Nacional do Movimiento e procurador en Cortes (1958-1971). Foi presidente do Instituto Nacional de Previsión da Coruña. Tamén foi presidente do Deportivo da Coruña (1952-53) e do Aéreo club.

Vida persoal

Casou con María do Carmen Abelenda Regueiro, neta do rexistrador de Carballo Luciano Regueiro Pumpido.

Véxase tamén

Ligazóns externas

• Ficha no Congreso dos DeputadosArquivado 15 de setembro de 2019 en Wayback Machine.
• Alcaldes do Concello de Bergondo (A Coruña) 1836-2013 Arquivado 23 de agosto de 2016 en Wayback Machine.