Río Aragón

O río Aragón é un dos grandes afluentes do río Ebro, ao que se une pola súa beira esquerda despois dun curso de 195 km, a través das comunidades de Aragón e Navarra.

Río Aragón

Tipo	río
Inicio
Continente	Europa
División administrativa	Aragón, España
Final
División administrativa	Cantabria, España
Localización	Río Ebro
42°49′00″N 0°30′00″O B 42°13′15″N 1°45′18″O
Afluentes	Río Arga, Aragón Subordán (en) , Irati River (en) , Rio Onsella (pt) , Veral River (en) , Río Zidacos
Conca hidrográfica	Conca do Ebro
Características
Dimensións	195 () km
Superficie da cunca hidrográfica	8.524 km²
Medicións
Caudal	41 m³/s

Percorrido

O Aragón nace no circo glaciar do Val de Astún (Huesca) a 2.050 m.s.n.m.. Na cabeceira recolle as augas do ibón de Escalar e do de Truitas. Flúe augas abaixo pola alta montaña deica chegar a Jaca, onde o seu curso muda de dirección para moverse cara ao oeste e entrar en terra navarra. Neste curso alto, no que a conca pode superar os 2.500 metros de altitude, a caída de neve é abundante, o que orixina no dexelo primaveral grandes cheas, ao que se suman as boas chuvias no outono.

En Navarra únese ao Ebro augas abaixo da localidade de Milagro.

Afluentes

Entre os tributarios do Aragón salientan os ríos seguintes: Gas, Lubierre, Candanchú, Estarrún, Aragón Subordán, Beral, Esca, Iratí (con importantes afluentes), Regal, Onsella, Cidacos e Arga.

Conca e caudal

A conca do Aragón é unha conca disimétrica, pois a maioría dos seus afluentes recíbeos pola orela dereita. O total da conca do Aragón abrangue 8.524 km² e o seu caudal medio anual é de 1.300 Hm³/ano.

Encoros

Río Aragón (Pireneos)

O curso do río está regulado polo encoro de Yesa, cunha capacidade de 470 Hm³ de auga, que en parte se aproveitan para usos agrícolas grazas a canle das Bardenas, que desde a súa orixe en Yesa ata o seu escoamento no río Gállego, en Ardisa, ten unha lonxitude de 139 km.

Contorno ambiental

A conca do Aragón presenta unha gran variedade vexetal, de xeito que se poden atopar especies de diferentes climas e ambientes, como o piñeiro negro, carrasca, faia, piñeiro vermello, abeto, acivo, álamo trémulo, freixo, abruñeira, buxo, toxo, xinebro, caxigo etc.