Queen Latifah
Dana Elaine Owens, nada en Newark, o 18 de marzo de 1970, é unha cantante, rapeira e actriz estadounidense, coñecida como Queen Latifah. O seu traballo na música, na televisión e no cinema outorgoulle un Grammy, unha candidatura aos Emmy e unha candidatura ao Óscar á mellor actriz secundaria.
_(cropped)_(cropped).jpg)
Traxectoria
editarPrimeiros anos
editarDana Elaine Owens naceu en Newark, Nova Jersey, en 1970 e viviu principalmente en East Orange. É a filla de Rita Lamae (de solteira Bray), profesora no Irvington High School (onde estudou Latifah), e de Lancelot Amos Owens, oficial de policía.[1][2][3]
Owens asistiu ao Essex Catholic Girls' High School en Irvington,[4][5] mais graduouse en Irvington High School.[6][7] Os pais de Latifah divorciáronse cando ela tiña dez anos.[8] Latifah foi criada na fe baptista.[9] Atopou o seu nome artístico, Latifah (árabe: لطيفة laţīfa), que significa "delicada" e "moi amable" en árabe, nun libro de nomes árabes cando tiña oito anos.[8] Sempre alta, formou parte do equipo de baloncesto do instituto.[10][11] Interpretou o número "Home" do musical The Wiz nunha obra escolar.[12] Despois do instituto, Queen Latifah asistiu a clases no Borough of Manhattan Community College.[13]
Carreira musical
editarLatifah iniciou a súa carreira musical como membro de Flavor Unit, (selo discográfico que actualmente lle pertence) que, naquel momento, eran un grupo de intérpretes que se reunían arredor do produtor DJ Mark the 45 King. Tamén foi membro de Nation of Gods and Earths e de Faradian Islam, formada polos musulmáns afroamericanos. Despois de lograr o éxito, DJ Mark the 45 King comezou a abusar das drogas, e Latifah saíu do equipo, formando a súa propia empresa de management con axuda de Jake Abrams. Latifah comezou a súa carreira facendo o beatboxing ao grupo de rap Ladies First. En 1988, DJ Mark the 45 King ouviu unha demo dun sinxelo de Latifah ("Princess of the Posse") e deulla a Fab Five Freddy, que era o produtor de Yo! MTV Raps. Freddy axudou a Latifah a asinar con Tommy Boy Records, que produciu o seu primeiro álbum, All Hail the Queen, en 1989, cando tiña 19 anos. No mesmo ano, cantou como convidada para a gravación no Reino Unido do disco en vivo 1989—The Hustlers Convention (Live). O seu debut tivo éxito comercial e por parte da crítica, e seguírono os álbums Nature of a Sista e Black Reign, conseguindo un Grammy polo seu sinxelo, "U.N.I.T.Y." En 1998, realizou o seu cuarto álbum de hip hop, Order in the Court. En 2004 cambiou o seu rexistro publicando un disco onde fusionaba o soul e o jazz, The Dana Owens Album.
O 11 de xullo de 2007, debutou en Hollywood Bowl nos Ánxeles cunha actuación nun concerto de jazz ante un público de 12400 persoas, apoiada por unha orquestra de dez instrumentos e tres vocalistas, chamada The Queen Latifah Orchestra. No concerto, interpretou novas versións de clásicos como "California Dreaming" de The Mamas & the Papas.
Carreira interpretativa
editar
Desde 1993 a 1998, tivo un papel protagonista en Living Single, unha sitcom da Fox; onde interpretou parte da banda sonora. En 1991 debutou no cinema con papeis secundarios en filmes como House Party 2, Juice e Jungle Fever.
Interpretou a Cleopatra "Cleo" Sims, unha delincuente lesbiana no éxito de público, Set It Off, xunto a Jada Pinkett e Vivica A. Fox e, outro papel no filme de Holly Hunter Living Out Loud (1998) ano en que tamén apareceu no filme Mama Flora's family. Posteriormente, fixo o papel de Thelma na adaptación ao cinema da novela de Jeffrey Deavers O coleccionista de ósos xunto a Denzel Washington e Angelina Jolie. Aínda que recibiu boas críticas polo seu traballo, aumentou o éxito e o respecto da industria co papel de Matron "Mama" Morton, no musical Chicago. Latifah recibiu unha candidatura ao Óscar á mellor actriz secundaria por este papel. En 2003 coprotagonizou con Steve Martin o filme Montouse a gorda!, que foi un éxito comercial. Dende entón, realizou multitude de papeis con variados resultados de público e crítica, incluídos Scary Movie 3, Barbershop 2: Back in Business, Taxi, Kung Faux, e Beauty Shop.
A finais de 2006 participou na traxicomedia Last Holiday. O crítico de cine Richard Roeper declarou que "é o que esperaba de Queen Latifah dende os seus primeiros traballos".[14] Tamén por esas datas, deu voz a Ellie, un amigable mamut no filme de animación, Ice Age: The Meltdown. Tamén apareceu no drama Stranger the Fiction, e no remake Hairspray, interpretando a Motormouth Maybelle xunto a John Travolta. Tamén protagonizou unha versión televisiva de Steel Magnolias e un terceiro proxecto en que sorprendeu ao público Joyful Noise filme en que compartiu pantalla con Dolly Parton.
Outros traballos
editar
Latifah é a imaxe da compañía de cosméticos Cover Girl, de roupa interior Curvation Ladies Underwear, e Pizza Hut. Deseñou a súa propia liña de cosméticos para mulleres de cor chamada Queen Collection e protagonizou numerosos anuncios para a marca. Tivo o seu propio programa de confesións, The Queen Latifah Show, dende 1999 a 2001. En 2012 lanzou a súa liña de roupa "Queen Collection" con deseños exclusivos creados por ela mesma, e a súa liña de fragrancias "Queen" e "Queen of Hearts" dispoñibles no mercado dende anos anteriores.
Vida privada
editarQueen é de ascendencia afroamericana e indioamericana. O irmán máis vello de Latifah, Lance, morreu nun accidente cunha moto que ela lle regalara.[8] Latifah levou a chave da moto arredor do pescozo durante anos, como se observa claramente no videoclip musical da súa canción "U.N.I.T.Y". Tamén lle dedicou o seu tema Black Reign. En 1993, Latifah foi vítima dun asalto ao seu coche, co resultado dun disparo a un amigo seu que ía no asento do copiloto.[15] En 1996, foi arrestada por posesión dunha pequena cantidade de marihuana e unha pistola cargada,[16] tendo como resultado unha multa e liberdade condicional durante dous anos.
Na súa autobiografía, Ladies First: Revelations of a Strong Woman (1999), Latifah explicou como a morte do seu irmán a levara a unha forte depresión e ao consumo de drogas, do que se rehabilitou.
Debido ao seu papel de lesbiana en Set It Off e o seu gran sentido da privacidade, varios tabloides discutiron sobre a súa orientación sexual. Latifah respondeu aos rumores na súa autobiografía "É un insulto que alguén che diga Es gai? Non sería unha muller forte e independente se isto me afectase".[17] Queen Latifah avoga polo matrimonio entre persoas do mesmo sexo e os dereitos do colectivo LGBT.
A finais de 2003, Latifah realizouse unha redución de peito debido a que o seu tamaño e peso lle provocaban dores no lombo. Practica kickboxing.[18]
En xuño de 2009 confesou que sufrira abusos sexuais de nena.[19]
En agosto de 2010 foi fotografada cunha suposta noiva (Jeannete Jenkings) mentres estaba de vacacións.[20] Finalmente en 2012 confirmou a súa homosexualidade.[21]
Discografía
editar- All Hail the Queen (1989)
- Nature of a Sista' (1991)
- Black Reign (1993)
- Order in the Court (1998)
- The Dana Owens Album (2004)
- Trav'lin' Light (2007)
- Persona (2009)
Filmografía
editar| Ano | Filme | Papel | Notas |
|---|---|---|---|
| 1991 | Jungle Fever | Camareira | |
| 1991 | House Party 2 | Zora | |
| 1992 | Juice | Ruffhouse M.C. | |
| 1993 | Who's the Man? | Ela mesma | Cameo |
| 1993 | My Life | Theresa | |
| 1996 | Set It Off | Cleopatra 'Cleo' Sims | |
| 1997 | Hoodlum | Sulie | |
| 1998 | Living Out Loud | Liz Bailey | |
| 1998 | Sphere | Alice "Teeny" Fletcher | |
| 1999 | O coleccionista de ósos | Thelma | |
| 1999 | Bringing Out the Dead | Dispatcher Love | |
| 2002 | Chicago | Matron "Mama" Morton | |
| 2002 | Brown Sugar | Francine | |
| 2002 | The Country Bears | Cha-Cha | |
| 2003 | Scary Movie 3 | Aunt Shaneequa/The Oracle | |
| 2003 | Bringing Down the House | Charlene Morton | Produtora |
| 2004 | Taxi | Belle | |
| 2004 | The Cookout | Security Guard | Tamén produtora |
| 2004 | Barbershop 2: Back in Business | Gina Norris | |
| 2005 | Beauty Shop | Gina Norris | Produtora |
| 2006 | Stranger than Fiction | Penny Escher | |
| 2006 | Ice Age: The Meltdown | Ellie | Voz |
| 2006 | Last Holiday | Georgia Byrd | |
| 2007 | Hairspray | Motormouth Maybelle | |
| 2007 | The Perfect Holiday | Mrs. Christmas | Produtora |
| 2008 | Mad Money | Nina Brewster | |
| 2008 | What Happens in Vegas... | Dr. Twitchell | |
| 2008 | The Secret Life of Bees | August Boatwright | |
| 2009 | Ice Age: Dawn of the Dinosaurs | Ellie | Voz |
| 2010 | Historias do San Valentín | Paula Thomas | |
| 2010 | Just Wright | Leslie Wright | Produtora |
| 2011 | The Dilemma | Susan Warner | |
| 2012 | Ice Age: Continental Drift | Ellie e unha serea | Voz |
| 2012 | Joyful Noise | Vi Rose Hill | |
| 2013 | House of Bodies | Nicole | Produtora executiva |
| 2014 | 22 Jump Street | Mrs. Dickson | |
| 2016 | Miracles from Heaven | Angela | |
| 2016 | Ice Age: Collision Course | Ellie | Voz |
| 2017 | Girls Trip | Sasha Franklin | |
| TBD | Hustle |
Notas
editar- ↑ "Monitor". Entertainment Weekly (1251): 25. 22 de marzo de 2013.
- ↑ Jason Buchanan, Allmovie (2008). "Queen Latifah:Biography". MSN. Arquivado dende o orixinal o 16 de febreiro de 2009. Consultado o 4 de setembro de 2008.
- ↑ On Da Come Up with Clap Cognac Arquivado 17 de agosto de 2011 en Wayback Machine. de HipHopRuckus.com, 24 de febreiro de 2009. Consultado o 13 de xuño de 2009.
- ↑ Winfrey, Oprah (15 de xullo de 2007). "Queen Latifah's Aha! Moment". The Oprah Winfrey Show. Arquivado dende o orixinal o 1 de marzo de 2011. Consultado o 16 de setembro de 2010.
- ↑ Rochlin, Margy (outubro de 2008). "Queen Latifah: Queen Bee". Reader's Digest. Arquivado dende o orixinal o 30 de agosto de 2010. Consultado o 19 de setembro de 2010.
- ↑ Hyman, Vicki (18 de xullo de 2007). "The Queen holds court". The Star-Ledger. Arquivado dende o orixinal o 29 de setembro de 2007. Consultado o 21 de xullo de 2007.
- ↑ Witchel, Alex (5 de outubro de 2008). "Her Highness Still Rules". The New York Times. Arquivado dende o orixinal o 1 de agosto de 2017. Consultado o 18 de febreiro de 2017.
- ↑ 8,0 8,1 8,2 Afirmado nunha entrevista en Inside the Actors Studio, 2006
- ↑ Queen Latifah Discusses God, Jesus, Rap, and Her New Movie, 'Last Holiday,' in this Beliefnet Interview – Arquivado 3 de febreiro de 2006 en Wayback Machine.. Beliefnet.com. Consultado o 1 de outubro de 2011.
- ↑ "Archived copy". Arquivado dende o orixinal o 1 de xuño de 2009. Consultado o 23 de setembro de 2009.. People. Consultado o 1 de outubro de 2011.
- ↑ "'Queen' Of Many Hats". CBS News. 8 de xaneiro de 2003. Arquivado dende o orixinal o 3 de novembro de 2013. Consultado o 31 de marzo de 2018.
- ↑ [interview on Access Hollywood Live]. Consultado o 6 de outubro de 2016.
- ↑ "Queen Latifah | Biography, Music, Movies, & Facts". Encyclopedia Britannica (en inglés). Consultado o 2019-02-26.
- ↑ Ebert, Roger; Roeper, Richard (9 de xaneiro de 2006). "Reviews for the Weekend of January 7-8 2006". Movies.com. Arquivado dende o orixinal o 01 de xullo de 2006. Consultado o 16 de febreiro de 2007.
- ↑ "Two Teen-Agers Arrested in Carjacking Involving Rap Star", The New York Times, 18 de xullo de 1995. Consultado o 1 de setembro de 2013.
- ↑ Slater, Eric (4 de febreiro de 1996). "Rap Singer Arrested on Drug, Weapons Charges". Los Angeles Times. Arquivado dende o orixinal o 14 de xullo de 2014. Consultado o 2 de xullo de 2014.
- ↑ Queen Latifah, Karen; Hunter (1998). Ladies First: Revelations of a Strong Woman. HarperCollins. ISBN 0688156231.
- ↑ Rozdeba, Suzanne; Widdicombe, Ben (22 de xuño de 2003). "To 'C' the Queen". New York Daily News. Arquivado dende o orixinal o 24 de maio de 2006. Consultado o 16 de febreiro de 2007.
- ↑ Yahoo entretenimiento "Jamás se lo dije a nadie" - actualizado xuño de 2009
- ↑ "Queen Latifah paparazzi". Arquivado dende o orixinal o 06 de agosto de 2010. Consultado o 06 de agosto de 2010.
- ↑ Famosos que salieron del closet Arquivado 13 de febreiro de 2021 en Wayback Machine./22843
Véxase tamén
editarWikimedia Commons ten máis contidos multimedia na categoría: Queen Latifah  |