Provincia de Salamanca

Salamanca é unha provincia española, situada no suroeste da Comunidade Autónoma de Castela e León.

Provincia de Salamanca

provincia de Salamanca (es)
Localización
40°50′N 6°00′O
Estado	España
Comunidade autónoma	Castela e León
Capital	Salamanca
Poboación
Poboación	333.603 (2017) (27,01 hab./km²)
Xeografía
Superficie	12.349 km²
Bañado por	Río Douro, Tormes, Río Alagón, Río Águeda e Rio Huebra (pt)
Punto máis alto	Calvitero (pt) (2.425 m)
Punto máis baixo	Río Douro (130 m)
Comparte fronteira con	provincia de Zamora Provincia de Cáceres Distrito de Braganza provincia de Ávila provincia de Valladolid Distrito da Guarda
Organización política
Órgano executivo	Diputación de Salamanca (en)
• Q56189734	Francisco Javier Iglesias García (pt) (2011–)
Identificador descritivo
Código postal	37
Fuso horario	UTC 01:00
ISO 3166-2	ES-SA
Código NUTS	ES415
Código INE	37
Sitio web	dipsanet.es

A súa capital é a cidade de Salamanca. Limita ao norte coa provincia de Zamora, ao nordeste coa de Valladolid, ao leste coa provincia de Ávila, ao sur coa de Cáceres e polo oeste confina con Portugal. A súa supeficie é de 12.336 km², o que a converte na terceira provincia de Castela e León, despois de León e Burgos. Consonte con datos do (INE 2005), a provincia conta con 352.414 habitantes, dos cales 160.331 (un 45%) vive na capital.

División administrativa

A provincia está dividida en 362 municipios, dos que máis da metade teñen unha poboación inferior a trescentos habitantes (é a segunda provincia española a respecto do número de municipios, por detrás de Burgos). Os municipios máis poboados da provincia son, á parte da capital, Béjar, Ciudad Rodrigo, Santa Marta de Tormes, Peñaranda de Bracamonte, Guijuelo, Alba de Tormes e mais Vitigudino.
Está organizada en cinco partidos xudiciais: Béjar, Ciudad Rodrigo, Peñaranda, Salamanca e Vitigudino, cos escudos dos cales se compón o escudo provincial.

Xeografía física

A altitude media da provincia é de 830 m sobre o nivel do mar.

Clima

O clima é de tipo continental, con invernos fríos e secos e veráns calorosos. A temperatura media é de 3'7 °C en xaneiro (podendo baixar, en días de fortes nevadas, a varios graos baixo cero). En verán a temperatura media é de 24'2 °C, aínda que pode atinxir ata os 35° ou 40 °C.

Comarcas

• O Abadengo.
• A Armuña.
• A Ribera.
• O Rebollar.
• A Serra de Béjar.
• A Serra de Francia.
• A Tierra de Ledesma.
• A Tierra de Peñaranda.
• A Tierra de Alba.

Gastronomía

Da súa gastronomía, cabe destacar, entre outros, o pernil de Guijuelo, con Denominación de Origen Protegida, e máis unha empanada típica denominada hornazo. Menos coñecidos, fóra da rexión, son o lechazo, cochinillo ou tostón asado, o farinato (procedente de Ciudad Rodrigo), o bollo maimón e mais os chochos de yema. En Salamanca é típica a sopa de allo.