Peter Revson

Peter Jeffrey Revson, nado en Nova York o 27 de febreiro de 1939 e finado o 22 de marzo de 1974, foi un piloto de carreiras estadounidense que tivo éxitos na Fórmula 1 e nas 500 Millas de Indianápolis.

Peter Revson

Biografía
Nacemento	27 de febreiro de 1939 Nova York, Estados Unidos de América
Morte	22 de marzo de 1974 (35 anos) Circuíto de Kyalami, Suráfrica
Lugar de sepultura	Cemiterio de Ferncliff
Educación	Universidade Cornell Hotchkiss School (en)
Actividade
Campo de traballo	Carreira automobilística, Fórmula 1 e carreira de Fórmula 1
Ocupación	piloto de Fórmula Un, piloto de motociclismo, piloto de automobilismo
Deporte	automobilismo Motociclismo
Participou en
	24 Horas de Le Mans
Familia
Pais	Martin Revson   e Julie Phelps
Premios
Motorsports Hall of Fame of America

Revson pilotando o McLaren nas 500 Millas de Indianápolis de 1972.

Antecedentes

Peter Revson era fillo de Julie e Martin Revson. e sobriño do propietario de Revlon, o magnate da industria de cosméticos Charles Revson. Herdou a fortuna do seu pai (ao parecer máis de mil millóns de dólares). Era un mozo solteiro e aposto que foi descrito como un "espírito libre", que deixou unha vida fácil para adicarse a unha vida de velocidade e perigo. Fóra da pista, levou a súa vida ao mesmo ritmo acelerado. Revson pilotaba un Chris Craft de 9´8 m. e fixo as veiras a algunhas das mulleres máis belas do mundo, como a modelo e Miss Mundo de 1973, Marjorie Wallace.

Andaina

Revson comezou a competir en 1960, cando estaba na Universidade de Hawai. Previamente asistiu tanto a Universidade de Columbia como á Universidade Cornell. Revson terminou segundo nunha carreira local, pilotando un Plus Four Morgan. Continuou a súa carreira deportiva, experimentando nos coches de Fórmula, nos sedáns Trans-Am, na Can-Am, GTS, e Indianápolis.

1963-1974 Fórmula Un, TransAm, Can-Am e Indianápolis

En 1963 Revson competiu profesionalmente mentres recorría Europa, pilotando un Fórmula Júnior. En 1968 formou parte do novo programa de carreiras Javelin establecido por American Motors (AMC). No primeiro intento na Trans-Am Series, as 12 Horas de Sebring, Revson e Skip Scott quedaron 12º na xeral e quintos na súa clase.

Peter Revson no Gran Premio do Canadá de 1972 en Mosport Park, 23 de setembro de 1972. Revson poucos minutos despois de lograr a Pole Position, e estrelarse na seguinte volta.

Nas 500 Millas de Indianápolis de 1969 Revson foi o mellor novato, quedando en quinto lugar na carreira. Pilotaba un Brabham-Repco, que tivo problemas do carburador. Durante unha elección posterior á carreira, foi seleccionado como finalista para novato do ano. Ese ano Revson logrou sete acabados no top cinco da serie TransAm, pilotando un Mustang.

En 1970 asociouse con Steve McQueen para lograr o segundo lugar nas 12 Horas de Sebring. O mesmo ano Revson pilotou con Mark Donohue no equipo de fábrica de Penske Racing, no SCCA Trans Am. El pilotou un Lola Racing Cars L&M especial e converteuse nun dos pilotos principais na serie de carreiras Can-Am. Revson uniuse a McLaren en 1971, converténdose no primeiro estadounidense en gañar o campionato Can-Am. Esa mesma tempada terminou segundo nas 500 Millas de Indianápolis logo de rexistrar o mellor tempo de clasificación.

McLaren M19C de Peter Revson, Gran Premio do Canadá de 1972 en Mosport Park, 23 de setembro de 1972. Uns minutos logo de establecer a Pole Position, perdeu a porca da roda traseira esquerda e logo á roda estrelándose na curva dúas.

Competiu na Indy 500 cada ano desde 1969 ata 1973. En 1972, Revson foi fichado polo equipo McLaren de Fórmula 1. Permaneceu co equipo por dous anos, gañando o Gran Premio do Reino Unido de 1973 e o Gran Premio do Canadá de 1973. Marchou a Shadow en 1974. É o último piloto nado nos Estados Unidos en gañar unha carreira de Fórmula Un (Mario Andretti, que gañou posteriormente, é un estadounidense naturalizado).

Morte

Revson morreu durante unha sesión de probas antes do Gran Premio de Suráfrica de 1974 en Kyalami. Mentres pilotaba o UOP Shadow-Ford Ford DN3, sufriu unha avaría na suspensión dianteira, e estrelouse con forza contra a barreira Armco no exterior da "Barbecue Bend", e morreu.

Tony Southgate, deseñador do DN3, (Motorsport Magazine, xuño de 2012, páxina 84) - "Revvie era un tipo fabuloso, tolerante, encaixaba ben, e un moi bo piloto, pero traxicamente non estivo connosco moito tempo. Clasificouse na 2ª fila na Arxentina e na fila 3 en Brasil. Logo, el e eu, o noso xefe de mecánicos Pete Kerr e outros dous mecánicos fomos a Kyalami para as probas antes do GP de Suráfrica. Revvie ía moi ben, moi contento co coche, e logo non apareceu. Saímos correndo á parte de atrás do circuíto e atopamos o coche enterrado baixo as barreiras Armco no exterior dunha curva rápida. Peter xa estaba na ambulancia e marchara. Telefonei ao hospital, e dixéronme que tiña que ir á morgue e identifícalo. Cando se soubo a noticia, desatouse o inferno, xornalistas golpeando na miña porta do hotel, entón o avogado da familia Revson chegou e tomou o control."

"Estabamos usando moito titanio no DN3, que era un novo material bastante común entón. O titanio é fodido, ten que mecanizarse ben e puírse a superficie e unha rótula que tiña un mecanizado basto fallara. Só había unha barreira Armco e o coche, en lugar de ser desviado ou detido, metérase baixo a barreira ata a cabina do piloto. Sentíame persoalmente responsable. Foi un momento moi difícil. O glamour da Fórmula 1 desaparecera, substituído por unha especie de soidade. Só tiña que traballar. Por suposto substituín todos os compoñentes de titanio por aceiro antes da seguinte carreira."

Foi o segundo Revson a perder a súa vida nas carreiras, o seu irmán Douglas morreu nun accidente en Dinamarca en 1967. Peter e Douglas Revson están enterrados xuntos nunha cripta no Ferncliff Cemetery de Hartsdale, Nova York. A autobiografía de Revson, 'Speed with Style' (velocidade con estilo), co-escrito con Leon Mandel, foi publicado postumamente por Doubleday & Company en 1974.

Revson foi substituído por Tom Pryce, quen morreu tres anos máis tarde no mesmo Gran Premio.

Resultado completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13	14	15	Pos	Puntos
1964	Revson Racing	Lotus 24	BRM V8	MON NSC	NED				ALE 14	AUT	ITA 13	USA	MEX						NC	0
	Reg Parnell Racing					BEL DSC		GBR Ret
		Lotus 25					FRA NTS
1971	Elf Team Tyrrell	Tyrrell 001	Cosworth V8	RSA	ESP	MON	NED	FRA	GBR	ALE	AUT	ITA	CAN	USA Ret					NC	0
1972	Team Yardley McLaren	McLaren M19A	Cosworth V8	ARX Ret	RSA 3	ESP 5	MON	BEL 7	FRA	GBR 3	ALE								5º	23
		McLaren M19C										AUT 3	ITA 4	CAN 2	USA 18
1973	Team Yardley McLaren	McLaren M19C	Cosworth V8	ARX 8	BRA Ret	RSA 2													5º	38
		McLaren M23					ESP 4	BEL Ret	MON 5	SWE 7	FRA	GBR 1	NED 4	ALE 9	AUT Ret	ITA 3	CAN 1	USA 5
1974	UOP Shadow Racing Team	Shadow DN3	Cosworth V8	ARX Ret	BRA Ret	RSA	ESP	BEL	MON	SWE	NED	FRA	GBR	ALE	AUT	ITA	CAN	USA	NC	0

Resultados nas 500 Millas de Indianápolis

Ano	Chasis	Motor	Inicio	Final
1969	Brabham	Repco	33º	5º
1970	McLaren	Offy	16º	22º
1971	McLaren	Offy	1º	2º
1972	McLaren	Offy	2º	31º
1973	McLaren	Offy	10º	31º

Véxase tamén

Ligazóns externas

• Peter Revson at Findagrave.com
• Video Tribute to Peter Revson
• Video interview with Peter Revson