Patrimonio da Humanidade na República do Congo
O Patrimonio da Humanidade da Organización das Nacións Unidas para a Educación, a Ciencia e a Cultura (UNESCO) componse de lugares de importancia para o patrimonio cultural ou natural descritos na Convención do Patrimonio Mundial da UNESCO, estabelecida en 1972.[1] O patrimonio cultural está formado por monumentos (como obras arquitectónicas, esculturas monumentais ou inscricións), grupos de edificios e ruínas (incluíndo sitios arqueolóxicos). As paisaxes naturais (constituídas por formacións físicas e biolóxicas), as formacións xeolóxicas e fisiográficas (incluíndo os hábitats de especies de animais e plantas ameazadas) e os lugares naturais que son importantes dende o punto de vista da ciencia, a conservación ou a beleza natural, defínense como patrimonio natural.[2] Esta é unha lista do Patrimonio da Humanidade na República do Congo, especificamente clasificada pola UNESCO e elaborada de acordo con dez criterios principais, cuxos puntos son xulgados por especialistas na área. A República do Congo, país do golfo de Guinea cuxo legado cultural está marcado pola presenza histórica dos pobos bantús, ratificou a convención o 10 de decembro de 1987, convertendo os seus lugares en elixíbeis para a súa inclusión na lista.[3]
O sitio trinacional de Sangha (compartido co Camerún e a República Centroafricana) foi o primeiro lugar da República do Congo incluído na lista do Patrimonio da Humanidade da UNESCO, inscrito na 36ª Sesión do Comité do Patrimonio Mundial, realizada en San Petersburgo (Rusia) en 2012.[4] A República do Congo conta con dous lugares Patrimonio da Humanidade, sendo ámbolos dous de clasificación natural.
Lista de lugares Patrimonio da Humanidade
editar- Nome: segundo aparece no Comité do Patrimonio da Humanidade
- Rexión: da República do Congo
- Ano da inclusión: na lista da UNESCO
- Datos da UNESCO: o número de referencia do sitio; o ano en que o xacemento foi inscrito na Lista do Patrimonio Mundial; os criterios nos que apareceu: os criterios de (i) a (vi) son culturais, mentres que de (vii) a (x) son naturais.[5]
* Lugar transnacional
| Nº | Nome | Imaxe | Localización | Ano da inclusión | Datos da UNESCO |
|---|---|---|---|---|---|
| 01 | Sitio trinacional de Sangha* | 
|
A República Centroafricana, a República do Congo e o Camerún | 2012 | 1380; ix, x (natural) |
| 02 | Parque Nacional de Odzala-Kokoua | 
|
Departamento de Cuvette-Oeste | 2023 | 692; ix, x (natural) |
Notas
editar- ↑ UNESCO, ed. (21 de novembro de 1972). "Convención para a Protección do Patrimonio Mundial, Cultural e Natural" (PDF).
- ↑ "Convention Concerning the Protection of the World Cultural and Natural Heritage". UNESCO World Heritage Centre. Arquivado dende o orixinal o 1 de febreiro de 2021. Consultado o 3 de febreiro de 2021.
- ↑ UNESCO (ed.). "Congo".
- ↑ UNESCO (ed.). "36th session of the World Heritage Committee".
- ↑ "UNESCO World Heritage Centre – The Criteria for Selection". UNESCO World Heritage Centre. Arquivado dende o orixinal o 12 de xuño de 2016. Consultado o 17 de agosto de 2018.
Véxase tamén
editarWikimedia Commons ten máis contidos multimedia na categoría: Patrimonio da Humanidade na República do Congo  |