Ovidio Murguía

Para outras páxinas con títulos homónimos véxase: Murguía (homónimos).

Ovidio Martínez de Castro, máis coñecido como Ovidio Murguía, nado en Lestrobe (Dodro) o 2 de xullo de 1871 e finado na Coruña o 1 de xaneiro de 1900, foi un pintor galego, membro da posteriormente denominada Xeración Doente.

Ovidio Murguía

Biografía
Nacemento	2 de xullo de 1871 Lestrobe, España
Morte	1 de xaneiro de 1900 (28 anos) A Coruña, España
Lugar de sepultura	cemiterio de Santo Amaro da Coruña
Actividade
Ocupación	pintor
Familia
Pais	Manuel Murguía   e Rosalía de Castro
Irmáns	Alejandra Murguía Aura Murguía Gala Murguía Amara Murguía de Castro
Sinatura

Traxectoria

Naceu no pazo de Hermida, fillo dos escritores Manuel Martínez Murguía e Rosalía de Castro, de quen herdou o seu sentimento artístico. Quedou orfo de nai aos 14 anos. Comezou a pintar en Santiago de Compostela, na Real Sociedade Económica de Amigos do País de Santiago, da que era profesor o artista José María Fenollera. En 1895 trasladouse a Madrid, pero non seguiu os camiños habituais de ir á Real Academia de Belas Artes de San Fernando nin as posibles pensións para Roma, por aquel entón pouco menos que imprescindible para facer carreira oficial.

O seu parentesco co novelista Alejandro Pérez Lugín, en cuxa casa residía, permitiulle asistir a faladoiros literarios e relacionarse con artistas. Saía ao campo, na zona do Guadarrama, a pintar paisaxes do natural, e acudía con frecuencia ao Museo do Prado, onde realizou copias dos grandes mestres, para exercitarse no oficio de pintor.

O neno Ovidio (de pé), coa familia, en 1883 ou 1884.

O seu pai, home ambicioso, relacionouno con políticos influentes da época, para os que realizou escenas de xénero, moi en voga por entón, e decoracións murais para os seus palacios. Así, en 1898 leva a cabo á súa primeira encomenda importante, un conxunto de obras que o político galego Montero Ríos lle encarga para ornar o pazo de Lourizán. Ovidio cumpre estas encargas, aínda que non de moi boa gana, até que decide liberarse deles por completo e vivir sen traballar, unha vida que a súa precaria saúde non tolera.

Concorreu a algunhas exposicións, pero a súa curta vida non lle permitiu callar a obra que, sen dúbida, o seu temperamento estaba destinado. A pintura de Ovidio Murguía figura nos museos de Galicia, especialmente no Museo Provincial de Pontevedra e no Museo de Belas Artes da Coruña, onde está a máis representativa.

En marzo de 2014 a Fundación Rosalía de Castro presenta un cadro inédito de Ovidio Murguía que vén de adquirir para os seus fondos. A obra non está catalogada ao non abandonar nunca a casa da familia Bustelo Calvo-Sotelo de Ribadeo; todo parece indicar que a peza é unha encomenda. O cadro Árbore de montaña, é quizais a obra de maior tamaño (190 x 130 cm) pintada por Ovidio Murguía. A data 1899 figura xunto á sinatura do pintor.

Ovidio Murguía de Castro falece prematuramente de tuberculose no 1900 con 28 anos de idade, feito que máis tarde faría que Barreiro e Bello Piñeiro o encadrase dentro da Xeración Doente.

Cemiterio de Santo Amaro da Coruña.

Galería de imaxes

• 
  Rosalía xacente, 1885.
• 
  Mariña, 1896.
• 
  Guadarrama, 1898.
• 
  Cabeza de monxe, 1898.

Véxase tamén

Bibliografía

• Bugallal Marchesi, J. L. (1951). El sentimiento lírico materno en la pintura de Ovidio Murguía. Real Academia Galega.Bugallal Marchesi, J. L.&rft.btitle=El sentimiento l�rico materno en la pintura de Ovidio Murgu�a&rft.date=1951&rft.genre=book&rft.pub=Real Academia Galega&rft_id=https://doi.org/10.32766/rag.28&rft_val_fmt=info:ofi/fmt:kev:mtx:book" class="Z3988"> 
• VV. AA.: Catalogo da exposición 'Xeración Doente' Fundación Caixa Galicia A Coruña 1993
• Catálogo del Patrimonio Artístico de la Diputación de A Coruña, volume 1 e volume 2 (en castelán).
• Pablos, Francisco (1981). Plástica Gallega (en castelán). Caja de Ahorros Municipal de Vigo. pp. 242–243. ISBN 84-7231-603-3.Pablos&rft.btitle=Plástica Gallega&rft.date=1981&rft.genre=book&rft.isbn=84-7231-603-3&rft.pages=242-243&rft.pub=Caja de Ahorros Municipal de Vigo&rft_val_fmt=info:ofi/fmt:kev:mtx:book" class="Z3988"> 
• —————— (1981). Pintores gallegos del Novecientos (en castelán). Fundación P. Barrié de la Maza. ISBN 84-85858-06-9.Pablos&rft.btitle=Pintores gallegos del Novecientos&rft.date=1981&rft.genre=book&rft.isbn=84-85858-06-9&rft.pub=Fundación P. Barrié de la Maza&rft_val_fmt=info:ofi/fmt:kev:mtx:book" class="Z3988"> 
• —————— (2003). A pintura en Galicia - La pintura en Galicia (en bilingüe). Nigra Trea. p. 44-45. ISBN 84-95364-15-8.Pablos&rft.btitle=A pintura en Galicia - La pintura en Galicia&rft.date=2003&rft.genre=book&rft.isbn=84-95364-15-8&rft.pages=44-45&rft.pub=Nigra Trea&rft_val_fmt=info:ofi/fmt:kev:mtx:book" class="Z3988"> 
• Valle; Carballo-Calero; Sobrino; Castro (2005). A arte galega na Colección Caixanova (en castelán). Faro de Vigo. pp. 26–28. VG-914/05.Carballo-Calero&rft.au=Castro&rft.au=Sobrino&rft.au=Valle&rft.btitle=A arte galega na Colección Caixanova&rft.date=2005&rft.genre=book&rft.pages=26-28&rft.pub=''Faro de Vigo''&rft_val_fmt=info:ofi/fmt:kev:mtx:book" class="Z3988"> 

Outros artigos

• Jenaro Carrero Fernández
• Ramón Parada Justel
• Joaquín Vaamonde Cornide

Ligazóns externas

• Ovidio Murguía na Colección Afundación.
• ObrasArquivado 04 de febreiro de 2012 en Wayback Machine. no Museo de Belas Artes da Coruña.
• Pintores de Galicia (2013). TVG. Intervén Díaz Pardo, Marisa Sobrino, Xosé Antón Castro e outros.