O Bouzón, Piñeiro, Tomiño

Para outras páxinas con títulos homónimos véxase: O Bouzón.

O Bouzón é un lugar da parroquia de Piñeiro, no concello pontevedrés de Tomiño, na comarca do Baixo Miño. Segundo o IGE, en 2022 tiña 142 habitantes (71 homes e 71 mulleres).

O Bouzón
Parroquia	Piñeiro
Concello	Tomiño
Coordenadas	42°00′59″N 8°41′56″O
Poboación	142 hab. (2022)
[ editar datos en Wikidata ]

Neste lugar atópanse o centro cultural, a igrexa e a carballeira na que se celebran as festas, na cal hai árbores senlleiras.

Economía

Nesta mesma carballeira antigamente celebrábase unha feira de gando todos os domingos, pero ao entrar en decadencia pasou a celebrarse o día dez de cada mes e finalmente só o día que se celebra a festa de San Lourenzo (o 10 de agosto), pola mañá faise esa feira de gando.

No monte do Bouzón hai unha plantación de kiwi que é a máis grande de toda a comarca. Aquí está situado o cemiterio e o campo de fútbol, xa que Piñeiro ten equipo de fútbol propio.

Festas

As festas son no mes de agosto, a de San Lourenzo o día 10 e a do Santo Cristo da Saúde a cuarta fin de semana de citado mes. A festa de San Lourenzo organízana os mozos solteiros do lugar e a do Santo Cristo da Saúde os casados.

No Centro Cultural a A. C. e D. Raíces celebra o Nadal Cultural cun tradicional festival no que se poden ver obras de teatro, bailes... e participan nenos de 4 a 17 anos aproximadamente. En reis os nenos reciben un agasallo dos Reis Magos de Oriente no centro cultural á saída da misa.

Lugares e parroquias

Lugares de Piñeiro

Lugares da parroquia de Piñeiro no concello de Tomiño (Pontevedra)
A Bouzada | O Bouzón | Riás | Tabordela

Véxase tamén

Outros artigos

• Lugares de Tomiño