Mika Häkkinen

Mika Pauli Häkkinen nado en Vantaa, Finlandia o 28 de setembro de 1968, é un piloto finlandés de carreiras que foi Campión do Mundo de Fórmula 1 en 1998 e 1999. esta retirado da alta competición, aínda que competiu ata 2007 no Campionato Alemán de Turismos.

Mika Häkkinen

(2016)
Biografía
Nacemento	(fi) Mika Pauli Häkkinen 28 de setembro de 1968 (56 anos) Vantaa, Finlandia
Residencia	Vantaa Mónaco
Altura	179 cm
Actividade
Ocupación	piloto de Fórmula Un, piloto de automobilismo
Deporte	automobilismo
Participou en
17 de xaneiro de 2017	Encontro Anual do Foro Económico Mundial de 2017
20 de xaneiro de 2016	Encontro Anual do Foro Económico Mundial de 2016
Premios
(6 de decembro de 1998)  Knight First Class of the Order of the Lion of Finland (en)

Mika Häkkinen en Hockenheimring, Alemaña, co seu AMG-Mercedes SLK 55.

Mika Häkkinen no Gran Premio do Canadá de 1999, o cal gañou.

Biografía

Como a maioría dos pilotos campións, correu en kartings desde os 5 anos, gañando unha sucesión de campionatos rexionais e nacionais antes de pasar a fórmulas maiores. Chamou a atención dos adestradores cando gañou o campionato Británico de Fórmula 3 en 1990, Mika uniuse ao equipo de F1 Lotus en 1991.

En 1993 chega a McLaren da man do seu patrón Ron Dennis, sendo probador do equipo durante o primeiro ano. Tras a marcha de Michael Andretti aos Estados Unidos, Mika accedeu á titularidade do equipo, onde acadou o seu primeiro podio aos mandos dun McLaren con motor Ford, a finais de 1993, compartindo equipo co mítico Ayrton Senna.

En 1995, no transcurso dunha sesión de adestramentos no circuíto australiano de Adelaida, o seu McLaren Mercedes rebentou unha roda impactando frontalmente contra un muro. As asistencias sanitarias tiveron que practicarlle unha traqueotomía de urxencia salvándolle a vida. Tras recuperarse do coma no que entrou, volveu aos circuítos máis combativo que nunca, forxando ao mesmo tempo unha excelente relación afectiva co seu patrón, Ron Dennis.

En 1997 gaña o seu primeiro Gran Premio, en Xerez, e nos dous seguintes anos, 1998 e 1999, logrou inscribir o seu nome nos libros de historia ao proclamarse Campión de F1.

Logo de loitar contra o Ferrari de Michael Schumacher en 2000 e 2001, onde a escuadra italiana traballou mellor, Häkkinen tomouse a tempada 2002 "sabática", pero anunciou a súa retirada permanente durante ese ano, cedendo o seu posto ao seu compatriota Kimi Räikkönen.

En 2003 rompe a súa relación profesional co seu preparador de toda a vida, Keke Rosberg.

En 2005 conduce un AMG-Mercedes SLK 55 H.W.A. GmbH no campionato Alemán de Turismos (DTM), logrando subirse ao podio en varias ocasións, unha delas no máis alto, en Spa, Bélxica.

En 2006 volve repetir en DTM cun Mercedes. Neste mesmo ano, probaría novamente os mandos dun McLaren-Mercedes. Foi no circuíto español de Cataluña.

En 2007 repite na DTM cun Mercedes. Pero este ano será o último no que veremos a Mika Häkkinen ao volante dun coche de carreiras.

Do Grandísimo Mika Pauli Häkkinen sempre nos quedará o recordo dun gran piloto, prudente, respectuoso e todo un cabaleiro nas pistas. Quedaranos a imaxe do seu abandono en Monza, en 1999, onde, tras un erro propio mentres ía na cabeza, saíuse da pista e rompeu a chorar nunha imaxe que deu a volta ao mundo. Quedaranos un dos mellores adiantamentos da historia da Fórmula 1, o que lle fixo a Michael Schumacher en Spa en 2000, dobrando ao mesmo tempo a Ricardo Zonta, xuntándose os tres coches na pista ao final de recta.

De Mika quedaranos o recordo do seu alcume deporitvo, o "finlandés voador".

Häkkinen estivo casado con Erja Honkanen, reside en Mónaco e teñen un fillo chamado Hugo e unha filla chamada Aina Julia.

A finais de 2007 ou principios de 2008, Mika divorciouse de Erja.

Actualmente, é embaixador da afamada marca de whisky Johnnie Walker, coa que realiza tarefas de concienciación do consumo responsable, sobre todo ao volante.

Mika Häkkinen durante o Gran Premio dos Estados Unidos de 2000, que non podería acabar por problemas no motor.

Resultados completos na Fórmula 1

• As carreiras en letra grosa indican pole position; as carreiras en cursiva indican volta rápida.

Ano	Equipo	1	2	3	4	5	6	7	8	9	10	11	12	13	14	15	16	17	18	Posición	Puntos
1991	Lotus	USA Ret	BRA 9	SMR 5	MON Ret	CAN Ret	MEX 9	FRA NSC	RU 12	ALE Ret	HUN 14	BEL Ret	ITA 14	POR 14	ESP Ret	XPN Ret	AUS 19			17º	2
1992	Lotus	RSA 9	MEX 6	BRA 10	ESP Ret	SMR NSC	MON Ret	CAN Ret	FRA 4	RU 6	ALE Ret	HUN 4	BEL 6	ITA Ret	POR 5	XPN Ret	AUS 7			8º	11
1993	McLaren	RSA NPP	BRA NPP	EUR NPP	SMR NPP	ESP NPP	MON NPP	CAN NPP	FRA NPP	RU NPP	ALE NPP	HUN NPP	BEL NPP	ITA NPP	POR Ret	XPN 3	AUS Ret			16º	4
1994	McLaren	BRA Ret	PCF Ret	SMR 3	MON Ret	ESP Ret	CAN Ret	FRA Ret	RU 3	ALE Ret	HUN EX	BEL 2	ITA 3	POR 3	EUR 3	XPN 7	AUS 12			4º	26
1995	McLaren	BRA 4	ARX Ret	SMR 5	ESP Ret	MON Ret	CAN Ret	FRA 7	RU Ret	ALE Ret	HUN Ret	BEL Ret	ITA 2	POR Ret	EUR 8	PCF Les	XPN 2	AUS NTS		7º	17
1996	McLaren	AUS 5	BRA 4	ARX Ret	EUR 8	SMR 8	MON 6	ESP 5	CAN 5	FRA 5	RU 3	ALE Ret	HUN 4	BEL 3	ITA 3	POR Ret	XPN 3			5º	31
1997	McLaren	AUS 3	BRA 4	ARX 5	SMR 6	MON Ret	ESP 7	CAN Ret	FRA Ret	RU Ret	ALE 3	HUN Ret	BEL DSC	ITA 9	AUT Ret	LUX Ret	XPN 4	EUR 1		6º	27
1998	McLaren	AUS 1	BRA 1	ARX 2	SMR Ret	ESP 1	MON 1	CAN Ret	FRA 3	RU 2	AUT 1	ALE 1	HUN 6	BEL Ret	ITA 4	LUX 1	XPN 1			1º	100
1999	McLaren	AUS Ret	BRA 1	SMR Ret	MON 3	ESP 1	CAN 1	FRA 2	RU Ret	AUT 3	ALE Ret	HUN 1	BEL 2	ITA Ret	EUR 5	MYS 3	XPN 1			1º	76
2000	McLaren	AUS Ret	BRA Ret	SMR 2	RU 2	ESP 1	EUR 2	MON 6	CAN 4	FRA 2	AUT 1	ALE 2	HUN 1	BEL 1	ITA 2	USA Ret	XPN 2	MYS 4		2º	89
2001	McLaren	AUS Ret	MYS 6	BRA NTS	SMR 4	ESP 9	AUT Ret	MON Ret	CAN 3	EUR 6	FRA NTS	RU 1	ALE Ret	HUN 5	BEL 4	ITA Ret	USA 1	XPN 4		5º	37

Predecesor: Jacques Villeneuve

Campión da Fórmula 1 1998-1999

Sucesor: Michael Schumacher

Véxase tamén

Ligazóns externas

• www.hakkinen.com
• FlyingFinn.de, Unofficial Fanwebsite {de}
• Mika Häkkinen Statistics
• Mika Häkkinen career details