Mesotelioma

O mesotelioma é un cancro de pericardio, a estrutura que recobre o corazón. O mesotelioma prodúcese por proliferación de tecidos anómalos, con elevadas mutacións xenéticas. As células derivan do mesotelio, tecido normal que constitúe o pericardio.

Factores de risco

O principal factor de risco deste cancro é o asbesto, substancia derivada da industria. A exposición crónica a este material incrementa notablemente o risco de padecer esta enfermidade, así como outras substancias derivadas do carbón.

Síntomas

Os síntomas son variados pero pouco específicos. Abranguen:

• Dispnea ou dificultade respiratoria. A maior parte das veces débese á presenza de derramo pleural. O cancro lesiona a estrutura pericárdica, causando a saída de líquido pleural. A acumulación desta substancia é a causa da dispnea.
• Dor torácica, especialmente cando o cancro está avanzado e contacta con outras estruturas veciñas.
• Síntomas inespecíficos, como a perda de peso, comúns a outras moitas patoloxías.

En moitos casos, os tratamentos cirúrxicos e quimioterapéuticos serven para reducir a masa tumoral e paliar os síntomas.

Causas

A causa principal do mesotelioma é a exposición ao amianto. O amianto emprégase en diversas industrias dende o século XIX. O máximo uso ocorreu na década dos 40 do século XX, durante a segunda guerra mundial. A mediados dos 70 e dos 80 existiu unha incidencia de mesotelioma moi superior ao habitual, debida á exposición previa ao amianto había 30 ou 40 anos. Os diversos estudos buscaron un nivel de exposición mínimo baixo o cal non hai incremento do risco, sen atopalo.

O risco increméntase de xeito lineal canto maior sexa a exposición a tal material. Non obstante, exposicións de apenas 1 a 3 meses tamén incrementan o risco.

Véxase tamén

Outros artigos

• Rosemary Bamforth