Manor Racing

MRT-Mercedes

Nome completo	Manor Racing MRT
Bandeira coa que compite	Reino Unido
Base en	Banbury, Oxfordshire, Reino Unido
Xefe de Equipo	Stephen Fitzpatrick (propietario) Dave Ryan (Director de carreira)
Director Técnico	John McQuilliam (Director técnico) Nicholas Tombazis (Xefe aerodinámica) Pat Fry (Enxeñeiro consultor)
Pilotos	88. Rio Haryanto 94. Pascal Wehrlein
Pilotos de probas
Chasis	MRT05
Motor	Mercedes PU106C Hybrid
Pneumáticos	Pirelli
Debut	Gran Premio de Australia de 2016
Carreiras	21
Campionatos de Construtores	0
Campionatos de Pilotos	0
Vitorias	0
Pole positions	0
Voltas Rápidas	0
Puntos totais
Posición no campionato	11º (1 pto.)

Manor Grand Prix Racing Limited, tamén coñecido polo nome comercial Manor Racing e competindo co nome de construtor de MRT (acrónimo para Manor Racing Team), é un equipo británico de carreiras de Fórmula Un con base en Banbury, Oxfordshire, no Reino Unido, e é operado por Manor Motorsport. O equipo competiu co nome de Manor Racing por primeira vez na tempada de Fórmula Un de 2016. Inicialmente o equipo comezou a competir en 2010 baixo o nome "Virgin Racing", mais ao ano seguinte Virgin adoptou a Marussia como patrocinador do título do equipo e converteuse en "Marussia Virgin Racing", até ser totalmente rebautizado como "Marussia F1 Team" para a tempada de 2012.

O 19 de xaneiro de 2015 os administradores da Marussia anunciaron que a poxa dos seus coches e bens fora cancelada para permitir unha posíbel venda. O equipo saíu da administración concursal o 19 de febreiro de 2015, e foi restablecido como "Manor Marussia F1 Team" despois de que se garantiron novos investimentos para salvar o equipo. Marussia mantivo o seu nome de construtor durante toda a tempada de 2015, tamén adoptando unha licenza británica. O 19 de xaneiro de 2016, o equipo anunciou que fora renomeado como "Manor Racing". A partir da tempada de 2016, a Manor usará motores Mercedes.

Historia

Antecedentes

En 2009, o Manor Grand Prix conseguiu unha praza para participar na Fórmula Un na tempada 2010, como alianza entre o equipo de carreiras Manor Motorsport e Wirth Research. Antes do final do ano nomeáronse Virgin Racing, logo de que Richard Branson, propietario das empresas de Virgin Group, comprara os dereitos de patrocinio. Marussia foi un dos socios do equipo na súa primeira tempada, na que terminou 12º e último no campionato de construtores. En novembro de 2010 Marussia adquiriu unha participación maioritaria no equipo, que pasou a ser coñecido como "Marussia Virgin Racing" para a tempada 2011. Logo dun decepcionante inicio da tempada 2011, o equipo separouse de Wirth Research, e estabeleceu relacións con McLaren Applied Technologies antes da tempada 2012. O equipo trasladouse ás instalacións de Wirth en Banbury, da súa base orixinal en Dinnington, en Yorkshire. Mentres tanto, o equipo acabou outra vez último no campionato de construtores. En novembro de 2011, o equipo pediu á comisión da Fórmula Un cambiar oficialmente o seu nome de construtor para a tempada de Fórmula Un de 2012. De Virgin a Marussia, para reflectir a súa nova propiedade. O permiso foi concedido antes de ser ratificado formalmente nunha reunión do Consello Mundial de Automobilismo da FIA.

En 2014 o equipo, xunto con Caterham, entrou en administración concursal. Posteriormente, os administradores de Manor Motorsport anunciaron que o equipo sairía a concurso o 19 de febreiro de 2015 e planificaría participar na tempada 2015 de Fórmula Un. O equipo competiu en 2015 baixo o nome de Manor Marussia F1 Team con John Booth e Graeme Lowdon dirixindo o equipo. O equipo foi comprado polo empresario Stephen Fitzpatrick, con Justin King como presidente.

Tempada 2016

O 22 de febreiro de 2016, Manor presentou o seu novo coche na primeira proba. O equipo foi sometido a unha completa renovación baixo a propiedade de Fitzpatrick, e viu cambiar as cores do equipo a laranxa, branco e azul..

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Chasis	Motor	Pneu.	Pilotos	1	2	3	4	5	6	7	8	9	10	11	12	13	14	15	16	17	18	19	20	21	Puntos	Pos.
2016	Manor MRT05	Mercedes PU106C Hybrid	P		AUS	BHR	CHN	RUS	ESP	MON	CAN	MAL	AUT	GBR	HUN	ALE	BEL	ITA	SIN	MAL	XPN	USA	MEX	BRA	ABU	1	11º
				Rio Haryanto	Ret	17	21	Ret	17	15	19	18	16	Ret	21	20
				Esteban Ocon													16	18	18	16	21	18	21	12	13
				Pascal Wehrlein	16	13	18	18	16	14	17	Ret	10	Ret	19	17	Ret	Ret	16	15	22	17	Ret	15	14

Notas

Ligazóns externas

• Manor Racing website^{[Ligazón morta]}
• Manor Racing no Twitter
• Manor Racing no Facebook