Luis Vilariño
Luis Vilariño García nado en Palas de Rei en 1973, é un enxeñeiro industrial, empresario e piloto de rally galego, que foi campión de Galicia en 2013.
 (2008)  | |
| Biografía | |
|---|---|
| Nacemento | 1973 Palas de Rei |
| País de nacionalidade | Galega |
| Actividade | |
| Ocupación | Piloto de rally |
| Deporte | rally |
Traxectoria
editarTen un MBA polo Instituto de Empresa e é doutor en Enxeñaría do Medio Ambiente e profesor da Universidade da Coruña. Como empresario dirixe a empresa construtora Antalsis, e como piloto ten competido varios anos no Campionato de Galicia de Rallys .
Forma parte da organización que leva a cabo o Rally Comarca da Ulloa, proba que entrou no calendario do rexional galego no ano 2008. Participou durante moitos anos no Campionato de Galicia de Rally, principalmente coa Escudería Lalín-Deza e con varios coches, entre eles Renault Clio S1600, Fiat Grande Punto S2000 e Renault Maxi Megane, logrando varios subcampionatos (2007, 2008 e 2012). O seu copiloto habitual era Moncho López.
Finalmente en 2013 proclamouse campión de Galicia de rally despois de sumar dúas vitorias (Cocido e Narón) e subirse ao podio no resto de probas, a bordo dun Mitsubishi Lancer Evo X e con Moncho de copiloto.[1] Tras esta vitoria comprou o Porsche 911 GT3 dos irmáns Diego e Sergio Vallejo para disputar o Campionato de España de Rally,[2] pero finalmente anunciou que non participaría polos problemas económicos da súa empresa.[3] Reapareceu cun Ford Fiesta N6 no Rally San Froilán de 2017, que non logrou rematar.[4] En 2018 inscribiuse no Campionato de España de Rallys para Vehículos Históricos cun Peugeot 309 GTi 16V,[5] pero tamén nesta ocasión se tivo que retirar durante a proba.[6]
En 2019, co Ford Fiesta N6 participou en varios rallys sufrindo uns cantos abandonos mais logrando gañar o Rallysprint Minero Villa de Fabero[7] e subindo ao podio no Rally Ribeira Sacra, na súa primeira carreira co seu novo Citroën DS3 R5.[8] Co mesmo coche quedou sexto no Rally da Coruña de 2020, proba inaugural da tempada 2020 do campionato galego. A continuación a pandemia por coronavirus paralizou todas as competicións. Estas retomáronse en xullo coa disputa do Rally de Zamudio, do campionato vasco, a onde Vilariño acudiu cun Škoda Fabia R5, rematando en quinta posición a pouco máis de dous minutos do vencedor, Iván Ares.[9]
Con outro Fabia R5 disputou as dúas primeiras probas do Campionato de España, o 53º Rally de Ourense e o 51º Rally de Ferrol, quedando en 10ª e 9ª posición respectivamente.[10]
Palmarés
editarResultados no Campionato de Galicia
editar
| Predecesor: Pedro Burgo |
Campión de Galicia de Rally 2013 |
Sucesor: Iván Ares |
Notas
editar- ↑ Carlos Argüelles-Meres Cueto. "Vilariño gana el Campeonato Gallego de Rallys". revistascratch.com (en castelán). Arquivado dende o orixinal o 08 de outubro de 2013. Consultado o 7 de outubro de 2013.
- ↑ "El Porsche de Sergio Vallejo para Luís Vilariño" (en castelán). 28 de xaneiro de 2014. Consultado o 29 de outubro de 2019.
- ↑ "Luis Vilariño no disputará finalmente el Campeonato de España de Rallyes de Asfalto CERA 2014" (en castelán). 22 de febreiro de 2014. Consultado o 29 de outubro de 2019.
- ↑ "Resultados San Froilán 2017". www.ewrc-results.com (en inglés). Consultado o 29 de outubro de 2019.
- ↑ "Luis Vilariño, nuevo integrante del equipo FMC-UCAV Racing Engineering" (en castelán). 5 de marzo de 2018. Consultado o 29 de outubro de 2019.
- ↑ "Luis Vilariño no Rally Costa Brava". www.ewrc-results.com (en inglés). Consultado o 29 de outubro de 2019.
- ↑ "Luis Vilariño vuelve a vencer" (en castelán). 29 de abril de 2019. Consultado o 29 de outubro de 2019.
- ↑ "Luís Vilariño vuelve al podio" (en castelán). 25 de setembro de 2019. Consultado o 29 de outubro de 2019.
- ↑ "Positivo regreso a la competición para RaceSeven en el Rallye de Zamudio" (en castelán). 13 de xullo de 2020. Consultado o 22 de agosto de 2020.
- ↑ "Pepe López, ganador del Rallye de Ourense". Faro de Vigo (en castelán). 26 de xullo de 2020. Consultado o 26 de xullo de 2020.
- ↑ "Rallye San Froilán – Luis Vilariño". mcrallyes.com (en castelán). 7 de seembro de 2008. Arquivado dende o orixinal o 08 de setembro de 2012. Consultado o 20 de decembro de 2011.
- ↑ Clasificación Rally da Ulloa 2011
Véxase tamén
editar| Commons ten máis contidos multimedia sobre: Luis Vilariño |