Liubliana

Liubliana
	Ljubljana (sl)
Localización
	46°03′05″N 14°30′22″L / 46.0514, 14.5061
Estado	Eslovenia
City municipality of Slovenia (en)	Ljubljana City Municipality (en)
Capital de	Eslovenia (1991–)
Poboación
Poboación	284.293 (2022) (1.736,03 hab./km²)
Lingua oficial	lingua eslovena
Xeografía
Superficie	163,76 km²
Bañado por	Río Sava e Río Ljubljanica
Altitude	309 m
Datos históricos
1821	Evento clave
1821	Congreso de Liubliana
14 de abril de 1895	Terramoto de Liubliana de 1895 (pt)
Organización política
• Xefe do goberno	Zoran Janković (en) (2012–)
Membro de	Rede Internacional de Cidades de Refuxio ; Liga de Cidades Históricas ; Rede de cidades creativas (2015–)
Identificador descritivo
Código postal	1000
Fuso horario	Tempo central europeo; UTC 01:00, horario estándar; UTC 02:00, horario de verán
Outro
Irmandado con	Tbilisi (1977–); Graz (2001–)
Sitio web	ljubljana.si

Liubliana^[1]^[2] (en esloveno: Ljubljana, literalmente: A cidade que se ama, en alemán: Laibach, en italiano: Lubiana) é a capital de Eslovenia, situada entre os ríos Ljubljanica e Sava. A súa poboación é de 310.000 habitantes.

Historia

Os restos arqueolóxicos permitiron datar os primeiros asentamentos humanos hai 3500 anos. Os romanos chamaron a cidade Emona (Colonia Emona (Æmona) Iulia trubu Claudia), e o seu nome actual aparece mencionado en 1144 (baixo o nome alemán de Laibach) e en 1146 (co nome de Luwigana).

Despois de ser recoñecida como cidade en 1220, Liubliana pasou a formar parte do imperio dos Habsburgo en 1335. Converteuse no centro dunha diocese en 1461 e desenvolveu unha cultura eslovena durante a Idade Media. Os Habsburgo de Austria gobernaron a rexión cunha interrupción debida ás guerras napoleónicas. Entre 1809 e 1813 Liubliana foi a capital das provincias ilirias pertencentes ao Primeiro Imperio francés. En 1821 a cidade acolleu o congreso de Laibach.

En 1693 estableceuse en Liubliana a sociedade científica Academia operosorum labacensis, e en 1701 naceu a sociedade filharmónica Academia philharmonicorum. En 1919 Liubliana foi dotada dunha universidade, e en 1937 fundouse a Academia Nacional das Ciencias e das Artes.

Coa coalición de croatas e serbios en 1918, Liubliana converteuse no centro da Dravska banovina (o dominio do ban do Drava e, despois da segunda guerra mundial, a capital da república iugoslava de Eslovenia. Liubliana seguiu sendo a capital eslovena despois da independencia desta república en 1991.

Liubliana foi moitas veces devastada por tremores de terra. Despois do sismo de 1511 foi reconstruída segundo o modelo dunha cidade renacentista e despois do de 1895, que danou seriamente a cidade, foi novamente reconstruída seguindo esta vez o estilo neoclásico. A arquitectura da cidade é pois unha mestura de estilos. As grandes estruturas da cidade construídas despois da segunda guerra mundial están caracterizadas polo traballo do arquitecto esloveno Jože Plečnik.

Transportes

A frota de autobuses é moderna. Os buses son coñecidos como troles, desde o tempo en que Liubliana tiña un servizo de trolebús. En 2005, a tarifación non permitía coller dous buses ou máis co mesmo billete.
A estación de Liubliana ten conexións ferroviarias con numerosas cidades de Eslovenia e de Europa.
A rede de taxis é parecida á de calquera cidade europea

Cidades irmás

Notas

↑ Goretti Sanmartín Rei et al. Servizo de Normalización Lingüística, Universidade da Coruña, ed. Criterios para o uso da lingua (PDF). ISBN 84-9749-199-8.
↑ Varios. Universidade de Vigo, ed. "Lingua galega. Dúbidas lingüísticas." (PDF). Arquivado dende o orixinal (PDF) o 01 de xuño de 2014. Consultado o 7 de xuño de 2013.

Véxase tamén

Ligazóns externas

Páxina oficial de Liubliana (en esloveno)

[udc-1] Goretti Sanmartín Rei et al. Servizo de Normalización Lingüística, Universidade da Coruña, ed. Criterios para o uso da lingua (PDF). ISBN 84-9749-199-8.

[2] Varios. Universidade de Vigo, ed. "Lingua galega. Dúbidas lingüísticas." (PDF). Arquivado dende o orixinal (PDF) o 01 de xuño de 2014. Consultado o 7 de xuño de 2013.

[1]

[2]