La La Land (filme)

Para outras páxinas con títulos homónimos véxase: La La Land.

La La Land é un filme musical estadounidense de 2016, dirixido e escrito por Damien Chazelle. O filme é unha versión moderna do musical hollywoodense do mesmo nome. Ryan Gosling, como protagonista, interpreta a Sebastian, un pianista de jazz que se namora de Mia, unha aspirante a actriz nos Ánxeles, interpretada por Emma Stone. Foi lanzada nos Estados Unidos o 9 de decembro de 2016 por Summit Entertainment. En Galiza estreouse o 13 de xaneiro de 2017 en versión orixinal e coa dobraxe e título en castelán (La ciudad de las estrellas - La La Land). O elenco inclúe tamén a J. K. Simmons, Finn Wittrock, John Legend e Rosemarie DeWitt. O filme tivo a súa estrea mundial na 73° edición do Festival de Venecia, que se levou a cabo do 31 de agosto ao 10 de setembro de 2016.

La La Land
Ficha técnica
Director	Damien Chazelle
Produtor	Gary Gilbert Marc E. Platt Fred Berger Jordan Horowitz
Guión	Damien Chazelle
Baseado en	Musical La La Land
Intérpretes	Ryan Gosling Emma Stone J.K. Simmons Finn Wittrock Rosemarie DeWitt John Legend
Música	Justin Hurwitz
Fotografía	Linus Sandgren
Montaxe	Linus Sandgren
Estudio	Gilbert Films Impostor Pictures Marc Platt Productions
Distribuidora	Summit Entertainment (Estados Unidos)
Estrea	9 de decembro de 2016 Estados Unidos; 13 de xaneiro de 2017
Duración	128 minutos
Orixe	Estados Unidos
Xénero	musical; comedia-drama; romance.
Orzamento	30 millóns $
Recadación	132,1 millóns $
Na rede
http://www.lalaland.movie

A película foi eloxiada polo público e a critíca, sendo nomeada a varios premios destacando os Globos de Ouro onde gañou as 7 categorías ás que estaba nomeada (mellor filme - comedia ou musical, director, actor e actriz de comedia ou musical, guión, banda sonora e canción orixinal), converténdoa na película máis premiada da historia do Globo de Ouro, superando Alguén voou sobre o niño do cuco que levara 6 premios en 1975.

O 24 de xaneiro de 2017 foi nomeada a 14 premios Oscar, igualando a Titanic e Todo sobre Eva.

Sinopse

Mia (Emma Stone) é unha moza que mora nos Ánxeles; é unha das moitas aspirantes a ser actriz na procura do soño hollywoodiense, gaña a vida choiando coma camareira mentres se presenta a varias de probas de casting. Sebastian (Ryan Gosling) é un pianista que traballa en bares de má morte e o seu soño é poder ter o seu propio club onde se lle poida render tributo ao jazz máis puro.

Os destinos de Mia e Sebastian cruzaranse e a parella descubrirá o amor, un vínculo que porá en perigo as aspiracións de ambos os dous. Nunha competición constante por procurar un oco no mundo do espectáculo, a parella descubrirá que o equilibrio entre o amor e a arte pode ser o maior obstáculo de todos.

Elenco

Ryan Gosling, interpreta a Sebastian

Emma Stone, interpreta a Mia

• Ryan Gosling como Sebastian Wilder
• Emma Stone como Mia Dolan
• J.K. Simmons como Bill
• Finn Wittrock como Greg Earnest
• Sonoya Mizuno como Caitlin
• Jessica Rothe como Alexis
• Callie Hernandez como Tracie
• Jason Fuchs como Carlo
• Rosemarie DeWitt como Laura Wilder
• John Legend como Keith
• Meagan Fay como nai de Mia
• Tom Everett Scott como David
• Damon Gupton como Harry
• Josh Pence como Josh
• Anna Chazelle como Sarah

Produción

Damien Chazelle, director e escritor do filme.

O proxecto foi anunciado por vez primeira o 5 de xuño de 2014, cando se informou que Miles Teller e Emma Watson estaban en conversacións para se unir ao filme de comedia musical La La Land co director-guionista de Whiplash, Damien Chazelle, que tamén dirixiu a película baseada no seu propio guión. Jordan Horowitz fixouse para producir a película por medio de Gilbert Films, e Fred Berger pola súa propia produtora Impostor Pictures, mentres que Lionsgate se ocuparía da distribución interna do filme. Justin Hurwitz reuniuse co director para compor a música do filme.

O 14 de abril de 2015, anunciouse que Ryan Gosling e Emma Stone estaban en conversacións para se uniren ao filme nos papeis principais, mentres que se revelou que o guión fora escrito antes da película Whiplash. O 30 de abril, ambos os dous actores, Gosling e Stone foron confirmados para os papeis principais. O 8 de xullo de 2015, informouse que Jessica Rothenberg, Sonoya Mizuno e Callie Hernández se engadiran á película para interpretar os compañeiros da personaxe de Stone. O 10 de xullo de 2015, The Hollywood Reporter confirmou que J. K. Simmons asinara para se reunir co seu director de Whiplash, na película musical interpretaría o papel de "Boss". O mesmo día, THR tamén informou que Finn Wittrock se unira á película para interpretar o papel de Greg, mentres que os produtores da película serían Berger, Gary Gilbert, Horowitz e Marc E. Platt. O 4 de agosto de 2015, Rosemarie DeWitt asinou un contrato para protagonizar a película interpretando a irmá de Sebastian. O mesmo día, John Legend tamén se uniu ao elenco. O 10 de agosto de 2015, Meagen Fay uniuse á película para interpretar a nai da personaxe de Stone. O 11 de agosto de 2015, Jason Fuchs asinou para interpretar a Carlo, un guionista que impacta no carácter da actriz de Stone.

Finalmente, o resto do elenco da película; J. K. Simmons, Sonoya Mizuno, Jessica Rothe, Callie Hernández, Finn Wittrock, Rosemarie DeWitt, Tom Everett Scott, Josh Pence e John Legend déronse a coñecer entre xullo e agosto de 2015.

Rodaxe

A rodaxe do filme comezou o 10 de agosto de 2015, nos Ánxeles. Máis tarde, Gosling e Stone foron vistos no set durante a rodaxe.

O guionista e director, Chazelle, quería que se rodase nos Ánxeles mesmo, e comentou que "hai algo moi poético sobre esta cidade, unha cidade construída por persoas con estes soños poucos realistas". Desde o principio, Chazelle quería que no filme aparecesen diferentes números musicais utilizando diversos estilos. A rodaxe principal da película comezou nos Ánxeles o 10 de agosto de 2015, e continuou en máis de 60 localizacións da cidade.

Música

N.º	Título	Intérprete(s)	Duración
1.	"Another Day of Sun"	elenco de La La Land	3:48
2.	"Someone in the Crowd"	Emma Stone, Callie Hernandez, Sonoya Mizuno e Jessica Rothe	4:19
3.	"Mia and Sebastian's Theme"	Justin Hurwitz	1:38
4.	"A Lovely Night"	Ryan Gosling e Stone	3:56
5.	"Herman's Habit"	Hurwitz	1:51
6.	"City of Stars"	Gosling	1:51
7.	"Planetarium"	Hurwitz	4:17
8.	"Summer Montage/Madeline"	Hurwitz	2:04
9.	"City of Stars"	Gosling and Stone	2:29
10.	"Start a Fire"	John Legend	3:12
11.	"Engagement Party"	Hurwitz	1:27
12.	"Audition (The Fools Who Dream)"	Stone	3:48
13.	"Epilogue"	Hurwitz	7:39
14.	"The End"	Hurwitz	0:46
15.	"City of Stars (Humming)"	Hurwitz e Stone	2:42

N.º	Título	Intérprete(s)	Duración
1.	"Mia Gets Home"	Justin Hurwitz	0:27
2.	"Bathroom Mirror / You're Coming Right?"	Hurwitz	1:23
3.	"Classic Rope-A-Dope"	Hurwitz	0:45
4.	"Mia and Sebastian's Theme"	Hurwitz	1:37
5.	"Stroll Up The Hill"	Hurwitz	0:49
6.	"There The Whole Time / Twirl"	Hurwitz	0:44
7.	"Bogart & Bergman"	Hurwitz	2:11
8.	"Mia Hates Jazz"	Hurwitz	1:10
9.	"Herman's Habit"	Hurwitz	1:52
10.	"Rialto At Ten"	Hurwitz	1:38
11.	"Rialto"	Hurwitz	0:28
12.	"Mia and Sebastian's Theme (Late For The Date)"	Hurwitz	1:30
13.	"Planetarium"	Hurwitz	4:19
14.	"Holy Hell"	Hurwitz	0:42
15.	"Summer Montage / Madeline"	Hurwitz	2:04
16.	"It Pays"	Hurwitz	2:12
17.	"Chicken On A Stick"	Hurwitz	1:40
18.	"City of Stars / May Finally Come True"	Hurwitz, Ryan Gosling, Emma Stone	4:18
19.	"Chinatown"	Hurwitz	1:23
20.	"Surprise"	Hurwitz	1:30
21.	"Boise"	Hurwitz	1:13
22.	"Missed The Play"	Hurwitz	0:36
23.	"It's Over / Engagement Party"	Hurwitz	1:35
24.	"The House In Front Of The Library"	Hurwitz	0:31
25.	"You Love Jazz Now"	Hurwitz	0:51
26.	"Cincinnati"	Hurwitz	2:06
27.	"Epilogue"	Hurwitz	7:39
28.	"The End"	Hurwitz	0:46
29.	"Credits"	Hurwitz	3:40
30.	"Mia and Sebastian's Theme (Celesta)"	Hurwitz	1:28

Estrea

La La Land tivo a súa estrea mundial na inauguración do Festival Internacional de Cine de Venecia, o 31 de agosto de 2016. A película tamén tivo unha exhibición no Festival de Cine de Telluride, no Festival Internacional de Cine de Toronto o 12 de setembro de 2016, no Festival de Cine de Londres, o Festival de Cine de Middleburg a finais de outubro de 2016, o Festival de Cine de Virxinia celebrado na Universidade de Virxinia o 6 de novembro de 2016, AFI Fest o 15 de novembro de 2016.

A película foi fixada inicialmente para unha estrea do 15 de xullo de 2016; con todo, en marzo de 2016 anunciouse que a película se estrearía en todo o país o 16 de decembro. Chazelle admite que o cambio foi porque sentía que a data de lanzamento non era a correcta para o contexto da película.

Recepción

Recadación

Dende o 11 de decembro de 2016, La La Land recadou 881 104 dólares nos Estados Unidos e o Canadá e 4,8 millóns noutros territorios, cun total mundial de 5,5 millóns de dólares, contra un orzamento de produción de 30 millóns de dólares.

La La Land comezou a súa estrea en salas cunha versión limitada en cinco cines nos Ánxeles e Nova York o 9 de decembro. Gañou $881 104 dólares na súa primeira fin de semana, dando á película unha media por cine de 176 221 dólares, a mellor media do ano.

Recepción crítica

La La Land foi recibida con eloxios da crítica, con eloxios dirixidos ao guión e á dirección de Chazelle, ás actuacións de Gosling e Stone, á partitura musical de Hurwitz e aos números musicais da película. O sitio web de comentarios Rotten Tomatoes dá á película unha cualificación de aprobación do 95%, baseada en 135 revisións, cunha cualificación media de 8.7/10. O consenso crítico do sitio di, "La La Land dá unha nova vida nun xénero pasado coa dirección emocionante, asegurada, funcionamentos de grande alcance, e un irresistíbel excedente do corazón." En Metacritic, que asigna unha cualificación normalizada, o filme ten unha puntuación de 91 sobre 100, baseado en 39 revisións, o que indica "aclamación universal".

Peter Travers de Rolling Stone dixo que La La Land era o seu filme favorito de 2016. Peter Bradshaw, de The Guardian, outorgou á película cinco de cinco estrelas, describíndoa como "unha obra mestra soprada polo sol".

Premios Oscar

O 24 de xaneiro de 2017 foi nomeada a 14 premios Oscar, igualando a Titanic e Todo sobre Eva.

Véxase tamén

Ligazóns externas

• Sitio web oficial