Karakorum

Karakorum
Tipo	cordilleira
Parte de	cinturón alpino; sistema do Himalaia
	35°52′59″N 76°30′32″L / 35.8831, 76.5089
Características
Altitude	8.611 m
Dimensións	500 () km ;
Punto máis alto	K2 (8.611 m )
Atravesa	República Popular da China, Tadjiikistán, India, Afganistán e Paquistán
Historia
Período de tempo	Cretáceo

A cordilleira do Karakorum (do turco: "pedregal negro") é, co Himalaia, unha das grandes cordilleiras de Asia, situada na fronteira entre Paquistán, a India e a China. Ten unha lonxitude duns 500 km e é a rexión do mundo con máis glaciares fora das rexións polares.

Pola súa altitude e dureza, o Karakorum está moito menos habitado que a cordilleira do Himalaia. Os exploradores europeos chegaron por vez primeira a comezos do século XIX e foron seguidos polos topógrafos británicos en 1856.

O Paso Muztagh foi cruzado en 1887 por unha expedición encabezada polo coronel Francis Younghusband, e os vales situados sobre o río Hunza foron explorados en 1892 polo xeneral Sir George K. Cockerill. As exploracións que se realizaron nas décadas de 1910 e 1920 serviron para coñecer gran parte da xeografía da rexión.

O Karakorum e o Himalaia son importantes para as investigacións sobre a Terra por diversas razóns. Son unhas das zonas do mundo cunha maior actividade xeolóxica, pois están situadas na zona na que baten dous continentes, Asia e o subcontinente indio. Ademais son importantes para o estudo das placas tectónicas. Os glaciares da montañas serven como indicadores do cambio climático.

Picos máis altos

Entre os picos máis altos do Karakorum, atópanse:

K2 (8.611 msnm)
Gasherbrum I (8.068 msnm)
Broad Peak (8.047 msnm)
Gasherbrum II (8.035 msnm)
Gasherbrum III (7.952msnm)
Gasherbrum IV (7.925 msnm)
Distaghil Sar (7.885 msnm)
Masherbrum (7.821 msnm)
Rakaposhi (7.788 msnm)
Kanjut Sar (7.761 msnm)
Saser Kangri (7.672 msnm)

Galería

Véxase tamén

Ligazóns externas

Karakorum Explorers (en inglés)
Karakorams (en inglés)