José Manuel Maza
José Manuel Maza Martín, nado en Madrid o 23 de outubro de 1951 e finado en Buenos Aires o 18 de novembro de 2017, foi un maxistrado, criminólogo e escritor español. Foi Fiscal Xeral do Estado desde 2016 até a súa morte.[1]
 (2017)  | |
| Biografía | |
|---|---|
| Nacemento | (es) José Manuel Maza Martín 23 de outubro de 1951 Madrid, España |
| Morte | 18 de novembro de 2017 (66 anos) Buenos Aires, Arxentina |
| Causa da morte | sepse |
.svg){kind=small} Fiscal Xeral do Estado | |
| 25 de novembro de 2016 – 18 de novembro de 2017 (finado no cargo) ← Consuelo Madrigal – Luis Navajas → | |
| Maxistrado do Tribunal Supremo de España | |
| | |
| Datos persoais | |
| Educación | Universidade Complutense de Madrid |
| Actividade | |
| Ocupación | xuíz, Fiscal Xeral do Estado |
| Membro de | Xunta Electoral Central (2008–2012) |
| Premios | |
  | |
Biografía
editarLicenciouse en Dereito e en Historia pola Universidade Complutense de Madrid. Tamén obtivo un diploma en Criminoloxía pola mesma institución. Ingresou na Carreira Xudicial en 1975 e na Fiscal en 1978, onde foi o primeiro da súa promoción. Exerceu uns anos como avogado e como letrado da Rede Nacional de Ferrocarrís.[2] Estaba divorciado e tiña un fillo.[3] O 17 de novembro de 2017 foi ingresado nun hospital de Buenos Aires por unhas dores. Morreu ao día seguinte.[4]
Traxectoria
editarNa década dos 90 foi portavoz da asociación conservadora de xuíces e maxistrados Unión Xudicial Independente (UJI). Durante eses anos pasou a ser xuíz decano de distrito en Madrid tras ocupar a titularidade nos xulgados de Alcorcón, Valencia e Cangas do Morrazo (Pontevedra). Máis tarde foi presidente da sección primeira na Audiencia Provincial de Madrid e en 2002 foi nomeado maxistrado da Sala Segunda do Tribunal Supremo ("Sala Penal"), en substitución de Adolfo Prego, que foi nomeado vogal do CGPX.
Foi autor do Manual de Psiquiatría Legal e Forense, Circunstancias que exclúen ou modifican a Responsabilidade criminal e Casación Penal Práctica, así como doutras publicacións relacionadas co Dereito Penal e os vínculos entre o Dereito e a Medicina.
Dentro da súa labor no Supremo, defendeu a inhabilitación do xuíz Baltasar Garzón por abrir unha causa que investigase os crimes do franquismo. En 2007 pronunciouse en contra da Doutrina Botín que permitiu arquivar o caso en contra do expresidente do Banco Santander, o defunto Emilio Botín. Tamén votou en contra de deixar en liberdade ao preso de ETA Ignacio Pujana, pola anulación da Doutrina Parot.
En abril de 2016, foi o relator da decisión de arquivar a querela de Manos Limpias contra os líderes do partido Podemos, Pablo Iglesias e Íñigo Errejón, por financiamento ilegal con fontes procedentes de Irán.
Foi o primeiro en desenvolver nunha sentenza a responsabilidade penal das persoas xurídicas, en aplicación da recente reforma do Código Penal de España.
Desde o 25 de novembro de 2016, por decisión do Consello de Ministros, foi Fiscal Xeral do Estado.[5]
Jose Manuel Maza foi reprobado, o 16 de maio do 2017, polo Congreso dos Deputados xunto ao Ministro de Xustiza Rafael Catalá Polo e Manuel Moix, este último presentou a súa renuncia como fiscal xefe Anticorrupción o 1 de xuño de 2017 tras revelarse a súa sociedade en Panamá.[6][7]
En setembro de 2017, José Manuel Maza, manifestou a posibilidade de deter ao presidente da Generalitat de Cataluña, Carles Puigdemont, por malversación de fondos públicos.[8]
Notas
editar- ↑ "El Gobierno confirma a José Manuel Maza como fiscal general del Estado".
- ↑ José Manuel Maza ya es fiscal general del Estado, en la web Confilegal, 29/11/2016.
- ↑ José Manuel Maza: un socio de corazón del Atleti será el nuevo fiscal general del Estado, por Carlos Berbell, en la web Confilegal.com, 11/11/2016.
- ↑ "Una sepsis desencadenó la insuficiencia renal aguda que causó la muerte de Maza". ABC (en español). 18 de novembro de 2017.
- ↑ Garea, Fernando. El País, ed. "Rajoy encarga a un magistrado del Supremo la renovación de la Fiscalía" (en español). Consultado o 13 de setembro de 2017.
- ↑ "El Congreso de los Diputados reprueba a Catalá, Maza y Moix - Diario16".
- ↑ "Manuel Moix dimite como fiscal jefe Anticorrupción tras conocerse su sociedad en Panamá".
- ↑ "Fiscalía española no descarta la detención de Puigdemont". Arquivado dende o orixinal o 03 de outubro de 2017. Consultado o 19 de novembro de 2017.