José Gil Gordillo
José Gil Gordillo, nado en Sanlúcar de Barrameda (Cádiz) o 9 de outubro de 1960, é un exfutbolista español. Xogaba de centrocampista.
| Biografía | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 9 de outubro de 1960  (64 anos)Sanlúcar de Barrameda, España | ||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||
| Período de actividade | 1992 - 1997 | ||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||
| |||||||||||||||||||||||||||||||||||||||||||
Traxectoria
editarSaído da canteira do FC Barcelona, debutou co Barcelona Atlètic en Segunda División na tempada 1982–83, permanecendo na entidade até a campaña 1984–85. Na súa estadía no Barça B participou en 71 partidos e anotou 5 goles. Non chegou a debutar no primeiro equipo.
Na tempada 1985–86 fichou polo Deportivo da Coruña, naquel entón en Segunda División, co que conseguiu o ascenso a Primeira na campaña 1990–91.
Ao ano seguinte deixou o club branquiazul para recalar no Celta de Vigo, co que subiría tamén a Primeira División. Na campaña 1992–93, Gil debutou finalmente na máxima categoría, xogando 32 partidos. Nos catro anos cos vigueses en Primeira, o andaluz foi titular indiscutible no club galego, aínda que na última campaña, a 1995–96, xogou só 29 encontros. En total, sumou 137 partidos e 5 goles na máxima categoría do fútbol español.
No verán de 1996 deixou o Celta e fichou polo Rácing de Ferrol, retirándose pouco tempo despois.